San Juan 15:20 - Bible in Tzeltal Bachajón

²⁰ Na'ahic me te bin la jcalbeyex: Te a'bat ma ha'uc toyol xan ay te bin ut'il te yajwal, te xchihone. Teme ho'on la yuts'inonic, ha nix hich ya me yuts'inex ec. Teme la yich'bonic ta cuenta te jc'ope, ha nix hich ya yich'beyex ta cuenta te ac'opique.

Nuevo Testamento Tzeltal de Amatenango

²⁰ Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

Bible in Tzeltal de Oxchuc y Tenejapa

²⁰ Juluc me ta awo'tanic bila la calbeyexe: “Ni jtuluc abat te cajal ya xc'ot ta stojol te yajwale”, te xoone. Teme la yuts'inon te jo'one, ya me yuts'inex uuc. Teme la yich'bonic ta muc' te jc'ope, jich nix ya yich'beyex ta muc' uuc te bila ya awalic te ja'exe.

San Juan 15:20 ပူးပေါင်းရင်းမြစ်များ

Ezequiel 3:7

Pero te sna Israel ma ba ya sc'an ya ya'iybat ac'op, como ma sc'an ya ya'iybonic te jc'ope; como spisil te sna Israel tulan sit yelawic soc macal yo'tanic.

San Mateo 10:24

Te jnopojel, ma ha'uc toyol yu'un te maestro yu'une, soc te a'bat ma ha'uc toyol yu'un te yajwale.

San Marcos 10:39

Yac, ya xhu' cu'uncotic, xchihic. Halbotic yu'un te Jesús: Melel nix a te vaso te ya cuch' ho'on, ya me awuch'ic, soc te bin ya xc'oht ta jcuenta, ha nix hich ya xc'oht ta acuentahic;

San Lucas 2:34

Te Simeón la ya'be bendición ta stojolic, soc hich la yalbe te María te snan te alale: Ha'i alal ini hich chapal yu'un te ya yac' yahluc soc ya yac' hahchuc tsobol ta Israel, soc ha señahil te ya yich' contrahinel ta c'op,

San Lucas 6:40

Te jnopojel ma ha'uc toyol xan yu'un te maestro yu'une; pero spisil te mach'atic ts'acal la snopic, pajal ya xc'ohtic soc te maestro yu'unique.

San Juan 10:31

Ha yu'un te judíohetic la scha'tamic xan ton yu'un ya sch'ojic a te Jesús,

San Juan 11:57

Te principal sacerdotehetic soc te fariseohetic yalojic mandar teme ay mach'a ya sna' banti ay te Jesús, ac'a yalic scuenta yu'un ya stsaquic.

San Juan 13:16

Tulan sc'oblal ya calbeyex, te a'bat ma ha'uc toyol yu'un te yajwal, soc te mach'a ticombil tal, ma ha'uc toyol yu'un te mach'a ticonot tal yu'un.

San Juan 5:16

Ha scuentahil te hahch scontrahinic Jesús te judíohetic, como hich yac spasbel ta sc'ahc'alel cux-o'tan.

San Juan 7:32

Te fariseohetic la ya'iyic te hich yac yalbelic te ants-winiquetique. Ha yu'un te principal sacerdotehetic soc te fariseohetic la sticonic policiahetic ta stsaquel te Jesús.

San Juan 8:51

Tulan sc'oblal ya calbeyex, te mach'a ya scanantaybon te jc'ope, mayuc bin ora ya xcham, xchi.

San Juan 8:52

La yalic te judíohetic: La jna'cotiquix te ay pucuj ta awo'tan. Cham te Abraham soc te jalwanejetic; pero ha'at yac awal: Te mach'a ya scanantaybon te jc'ope, mayuc bin ora ya xcham, xchihat.

San Juan 8:59

Hich la stamticlanic ton yu'un ya sch'ojic a, pero la snac' sba te Jesús, loc' bahel ta Templo, c'ax ta yohlilic, baht.

Hechos 14:22

La smuc'ubtesbe q'uinal ya'iyic te jnopojeletic, la ya'beyic yip yo'tan te manchuc ya xch'ay sch'uhunel yo'tanic, hich la yalbeyic: Hich ya sc'an te ta scuenta bayel jwocoltic ya x'ochotic ta cuentahinel yu'un Dios, xchihic.

1 Corintios 4:12

Luhbenotcotic ta a'tel ta jc'abcotic; ya yalbotcotic chopol jc'oblalcotic, ya calbecotic lec sc'oblalic; c'alal ayotcotic ta uts'inel, ya xcuhch cu'uncotic.

2 Corintios 4:9

ayotcotic ta uts'inel, pero ma ba pihtesbilotcotic; lajelotcotic, pero ma ba jc'axel ya xlajotcotic.

1 Tesalonicenses 2:15

ha te mach'atic la smilic te Cajwaltic Jesús soc te jalwanejetic yu'unic, soc te la stenotcotic loq'uel te ho'otcotique. Ma ba lec yo'tan Dios yu'unic, soc ya scontrahinic spisil ants-winiquetic,

2 Timoteo 3:12

Ha nix hich ya me xc'ax swocolic ta uts'inel spisil te mach'atic ya sc'an ya yo'tantayic sch'uhunel te Cristo Jesús.

1 Samuel 8:7

Te Jehová hich la yalbe te Samuel: A'iya me awa'iy spisil bintic ya yalbat te pueblohe; como ma ha'ucat te ma sc'anat, ho'on me te ma sc'anonic te ya jcuentahinic.