San Juan 15:19 - Bible in Tzeltal Bachajón

¹⁹ Te ha'uc yu'unex te bahlumilal, c'ux ya ya'iyex ta yo'tan te hichuque; pero te bin ut'il ma yu'unuquex te bahlumilal, como ho'on la jtsahex loq'uel tal ta yohlil te bahlumilal, ha scuentahil te ya sp'ajex te bahlumilale.

Nuevo Testamento Tzeltal de Amatenango

¹⁹ Te jaꞌuk yuꞌunex te balmilale, te genteetik ta balmilale ben kꞌuxex ta yoꞌtan te jichuke, jich tutꞌil te kꞌux ya yaꞌi ta yoꞌtan te sjoꞌtake. Pero joꞌon a jtsaex tal lokꞌel ta yolilik te machꞌatik yuꞌun te balmilale. Jaꞌ sluwar te ya spꞌajexe, porke ma yuꞌunukexix te balmilale.

Bible in Tzeltal de Oxchuc y Tenejapa

¹⁹ Te junuc awo'tanic soc te mach'atic ayic ta swenta te balumilale, c'ux ya yaiyex te jichuque te bit'il jun ayex soque. Ja'uc me to, la jtsaex loq'uel tel ta yolilic. Ja' swentail te ya sp'ajex te mach'atic ayic ta swenta te balumilale.

San Juan 15:19 ပူးပေါင်းရင်းမြစ်များ

San Mateo 10:22

Ya me yihlayex spisilic ta scaj te jbihile, pero te mach'a jun yo'tan ya xhil c'alal ta slajibal, ya me xcol stuquel.

San Mateo 24:9

Ya me yaq'uex ta c'abal scuenta uts'inel, ya smilex soc yac awich'ic ihlayel yu'un spisil ants-winiquetic ta scaj te jbihile.

San Lucas 6:32

Teme hip c'ux yac awa'iy ta awo'tanic te mach'atic c'ux ya ya'iyex, ¿bin awutsilal yac atahic a? Hich nix ya spasic te jmulawiletique, c'ux ya ya'iy ta yo'tanic te mach'a c'uxic ta o'tanil yu'un.

San Juan 13:18

Ma apisilicuc te hich ya calbeyex ac'oblalic; jna'oj mach'atic te tsahbilix cu'un. Pero ya sc'an te hich ya xc'oht ta pasel te bin ts'ihbabil ta Shun Dios: Te mach'a pajal ya xwe'on soc, la spason ta jcontra, te xchihe.

San Juan 15:16

Ma ha'uquex la atsahonic, ho'on la jtsahex soc la jcaq'uex yu'un ya xbahex soc ya sitinex, soc te sit yac awaq'uic ma ba ya xch'ay; scuenta yu'un spisil te bin yac ac'ambeyic te Tatil ta scuenta jbihil, ya me ya'beyex.

San Juan 6:70

La sjac' te Jesús: ¿Ma bal lahchaytuhlex te tsahbilex cu'un? Pero ay jtuhl te ha pucuj, xchi.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

1 Pedro 4:3

Tic'uquix a te yorahil te c'axix awu'unic ta spasel te bin ya smulanic spasel te mach'atic ma ba ya sna'be sba te Diose, ha te ma q'uexlalil, chijil-o'tanil, yacubel, pas-q'uin, yac'oltayel q'uinal, soc sch'uhuntayel lotil diosetic te ihlaybilique.

1 Juan 3:12

Ma me hichucotic te bin ut'il Caín, te ha yu'un te pucuj, te la smil te yihts'ine. ¿Bin yu'un te la smile? Yu'un chopol te ya'tel te Caín, yan te yihts'in toj ya'tel stuquel.

Apocalipsis 12:17

Te dragón bayel ilin yu'un ta stojol te antse, hich baht ya'be guerra te jayeb xan sts'umbal te antse, ha te mach'atic ya sch'uhumbeyic te smandar Dios soc te yich'ojic te testigo-c'op yu'un te Jesucristo.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.