San Juan 15:16 - Bible in Tzeltal Bachajón

¹⁶ Ma ha'uquex la atsahonic, ho'on la jtsahex soc la jcaq'uex yu'un ya xbahex soc ya sitinex, soc te sit yac awaq'uic ma ba ya xch'ay; scuenta yu'un spisil te bin yac ac'ambeyic te Tatil ta scuenta jbihil, ya me ya'beyex.

Nuevo Testamento Tzeltal de Amatenango

¹⁶ Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

Bible in Tzeltal de Oxchuc y Tenejapa

¹⁶ Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

San Juan 15:16 ပူးပေါင်းရင်းမြစ်များ

Génesis 18:18

te bin ut'il muc'ul nación ya xc'oht te ay bayel yip, soc te bin ut'il spisil te nacionetic ta bahlumilal ya x'a'bot bendición ta scuenta?

Salmos 145:4

Ta cajalcaj ts'umbalil ya me yalbeyic yutsil sc'oblal awa'tel, ya me spuquic ta halel te bintic apasoj ta awu'el.

Salmos 71:18

Aunque mamalonix soc saquix jol, ma me xapihteson, Dios cu'un, ha to c'alal ya calbe sc'oblal awu'el te patil ts'umbalil, ya calbe sc'oblal awip ta stojol te mach'atic patil ya xtalic,

Proverbios 11:30

Te sit ya yac' mach'a toj yo'tan ha te' yu'un cuxlejal, ha p'ij te mach'a ya x'ic'awan ta lequil be.

Isaías 27:6

Ya sta yorahil te ya xloc' slohp' te Jacob, ya xpuhlin soc ya xnichin te Israel, ya xnoj te bahlumilal yu'un te site.

Miqueas 5:7

Te mach'atic hilemic yu'un Jacob hich ya xc'ohtic ta yohlil bayel pueblohetic te bin ut'il te ts'ujul yu'un Jehová, hich te bin ut'il ha'al ta sba te ha'maletic, te ma ba ya yich' ta cuenta te winic, ma ba ya smahliy te ants-winiquetique.

San Mateo 21:22

Spisil te bin yac ac'anic ta sc'oponel Dios, teme ya xch'uhun awo'tanic, ya me x'a'botex, xchi.

San Mateo 7:7

C'anahic, hich me ya x'a'botex. Lehahic, hich me yac atahic ta lehel. C'opojanic, hich me ya xjambotex.

San Lucas 6:13

C'alal sacub q'uinal la yic'ticlan talel te jnopojeletic yu'une, la stsa lahchaytuhl (12), ha jpuc-c'opetic sbihil c'oht yu'un:

San Juan 13:18

Ma apisilicuc te hich ya calbeyex ac'oblalic; jna'oj mach'atic te tsahbilix cu'un. Pero ya sc'an te hich ya xc'oht ta pasel te bin ts'ihbabil ta Shun Dios: Te mach'a pajal ya xwe'on soc, la spason ta jcontra, te xchihe.

San Juan 15:19

Te ha'uc yu'unex te bahlumilal, c'ux ya ya'iyex ta yo'tan te hichuque; pero te bin ut'il ma yu'unuquex te bahlumilal, como ho'on la jtsahex loq'uel tal ta yohlil te bahlumilal, ha scuentahil te ya sp'ajex te bahlumilale.

San Juan 15:5

Ho'on te sch'oxalon ts'usub, ha'ex te sc'abex; te mach'a jc'axel ya yac' sba ta jtojol soc te ho'on jc'axel ya cac' jba ta stojol, ya me yac' bayel sit, yan teme parte yac awac' abahic, mayuc bin ya xhu' awu'unic spasel.

San Juan 6:70

La sjac' te Jesús: ¿Ma bal lahchaytuhlex te tsahbilex cu'un? Pero ay jtuhl te ha pucuj, xchi.

Hechos 1:24

Hich la yalic ta sc'oponel Dios: Ha'at, Cajwal, te yac ana'be yo'tan spisilic, ac'a ta na'el mach'a tsahbil awu'un ta schebalic,

Hechos 1:8

pero ya me awich' awu'elic te c'alal ya xtal ta atojolic te Ch'ul Espíritu; testigo ya xc'ohex cu'un ta Jerusalén, ta spisil Judea, Samaria, soc c'alal ta sti'il bahlumilal, xchi sc'oblalic.

Hechos 10:41

ma ha'uc yu'un spisil te pueblo, ha nax te testigohetic te nahil tsahbilic yu'un Dios, ho'otcotic te la joquincotic ta we'el ta uch'el te c'alal cha'cuxajemix tal ta yohlil mach'atic chamenic.

Hechos 22:14

La yalbon: Te Dios yu'un te jme'jtatic la stsahat yu'un yac ana' bin ya sc'an yo'tan, te yac awil te Mach'a toj yo'tan soc te yac awa'iybe sc'op ya yal ta ye,

Hechos 9:15

Halbot yu'un te Cajwaltic: Bahan me, como tsahbilix cu'un te ya yich' bahel te jbihil ta stojol jyanlumetic, ajwaliletic soc te snich'nab Israel.

Romanos 1:13

Quermanotac, ya ca'beyex ana'ic te bayel buelta c'an tal quilex scuenta yu'un ya jtsobe sit ta awohlilic, hich te bin ut'il ta stojol te yantic jyanlumetic, pero ay bin smacojon c'alal ora.

Romanos 1:5

Ha ta scuenta te Jesucristo te quich'ojcotic yutsil-o'tanil soc a'tel ta jpuc-c'op scuenta yu'un hich ya sch'uhunic Dios a te mach'atic ayic ta spisil nacionetic, ta scuenta yich'el ta muc' te sbihile.

Romanos 15:4

Como spisil te bintic ts'ihbabil ta nahil, scuenta jp'ijubteseltic te la yich' ts'ihbayel, scuenta yu'un ay smuc'ul co'tantic ta scuenta te bin ya xcuhch cu'untic soc ta scuenta te yip co'tantic ya jtahtic yu'un te bin ts'ihbabile.

Romanos 9:21

¿Yu'un bal ma xhu' yu'un te jpac'ojom ya spas ta jc'ohl nax ahch'al jun vaso te ich'bil ta muc' soc yan vaso te ma ba ich'bil ta muc'?

1 Corintios 10:11

Hich c'oht ta pasel scuenta ich'o-q'uehl, soc hich ts'ihbabil hilel yu'un ya stsitsotic ho'otic te la stahotic te slajibal c'ahc'ale.

Gálatas 1:15

Pero Dios, te la stsahon te ma to x'ayinon a soc te la yic'on ta scuenta te yutsil yo'tan, c'alal lec la ya'iy

Efesios 2:10

Ha ya'telotic te Diose, pasbilotic ta scuenta Cristo Jesús yu'un ya jpastic te lequil a'teliletic te schahpanej ta nahil to te Dios te ya jpastique.

Colosenses 1:23

Pero ya sc'an te spisil ora ay yip te sch'uhunel awo'tanic, te ma ba ya xhil awu'unic te smuc'ul awo'tanic yu'un te lec yach'il c'op te awa'iyejic, te ha ya yich' halel ta stojol spisilic te ayic ta ye'tal ch'ulchan, te ho'on, Pablohon, quich'oj ca'tel ta yalel.

Colosenses 1:6

te c'ohtix ta atojolique. Ta swohlol bahlumilal yac ta yaq'uel sit te lec yach'il c'op soc yac ta puhquel bahel, hich te bin ut'il ta atojolic te c'alal la awa'iyic soc te la ana'beyic te yutsil yo'tan Dios ta mero melel.

1 Timoteo 2:7

Ha scuentahil te la jquich' ca'tel ta yalel sc'op Dios soc ta jpuc-c'op soc ta maestro yu'un te jyanlumetic yu'un ya ca'be sna'ic bin ay ta ch'uhunel soc bin a te smelelil c'ope. Melel te bin ya cal ta stojol Cristo, ma jlotuc.

2 Timoteo 1:11

Te lec yach'il c'op ini ac'oton ta yalbeyel sc'oblal, soc ha jpuc-c'opon soc maestrohon yu'un,

2 Timoteo 2:2

Te bintic awa'iyej cu'un ta stojol tsobol testigohetic ha me xawa'be snop winiquetic te jun yo'tanic, te ya xhu' ya ya'beyic snop yantic.

Tito 1:5

La jquihquitayat hilel ta Creta scuenta yu'un yac ahu'tes ta chahpanel te bintic quechel ta pasel soc te yac awac'ticlambe yich' ya'telic ancianohetic ta jujun pueblo, hich te bin ut'il la jpasat hilel ta mandar.

Hebreos 11:4

Ta scuenta sch'uhunel yo'tan te Abel c'ax hich yutsil a te milbil mahtanil la yac' te bin ut'il la yac' te Caín. Hich halbot sc'oblal te toj yo'tan, te bin ut'il Dios la yal te lec yo'tan yu'un te smahtan la yaq'ue. Aunque chamenix te Abel, ya to xc'opoj ta scuenta te sch'uhunel yo'tan.

Santiago 3:18

Te sit te bin stojil ta pasel ya yich' ts'unel ta scuenta lamal q'uinal yu'un te mach'atic ya yaq'uic lahmajuc te q'uinale.

1 Pedro 3:15

Ha me xawich'ic ta muc' ta awo'tanic te Cristo te bin ut'il ha Ajwalil awu'unic, soc chapaluquex me spisil ora ta sjac'beyel sc'op te mach'a ya sjoc'obeyex te bin ut'il ay sc'oblal te smuc'ul awo'tanic, mansohuc me awo'tanic soc ich'biluc me ta cuenta hich yac apasic.

1 Pedro 3:2

te c'alal ya yilic te lec bin yac apasic soc te ya x'ich'awanex ta cuenta.

1 Juan 4:10

Hich ay te sc'uxul-o'tanile: Ma ha'uc te c'ux la jca'iy ta co'tantic te Diose, ha te c'ux la ya'iyotic ta yo'tan stuquel soc te la sticon tal te Snich'an yu'un ya stojbotic jmultic.

1 Juan 4:19

C'ux ya ca'iy ta co'tantic te Dios como ha nahil c'ux la ya'iyotic ta yo'tan stuquel.