San Juan 15:15 - Bible in Tzeltal Bachajón

¹⁵ Ma ba ya calbeyex te ha a'batex cu'un, como te a'bat ma sna' bin ya spas te yajwale; pero la jcalbeyex te jun co'tan jbahtic, como spisil te bin la jca'iy ta stojol te Jtat la jca'beyex ana'ic.

Nuevo Testamento Tzeltal de Amatenango

¹⁵ Makꞌ ya kalbeyexix “kaj-aꞌtel”, porke te aj-aꞌtelile ma snaꞌ te tut ya spas te yajwale. Yan te jaꞌexe amigo ya kalbeyex, porke la kakꞌix anaꞌik spisil te tut yalojbon te jTate.

Bible in Tzeltal de Oxchuc y Tenejapa

¹⁵ Ma ba ya jp'isex xan ta abat, melel te mach'a abate ma sna' te bila ya spas te yajwale. Yan te ja'exe, jun co'tan jbatic, melel spisil cac'ojbeyex ana'ic stojol te bila yalojbon te Jtate.

San Juan 15:15 ပူးပေါင်းရင်းမြစ်များ

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Proverbios 18:24

Ay mach'atic te jun yo'tan sbahic te ya xjihnawanic, soc ay mach'atic te c'ax hich jun yo'tan sbahic te bin ut'il te mach'a jun sme'stat soque.

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.

San Mateo 13:11

Halbotic yu'un te Jesús: Te ha'exe a'bibilex ana'ic te bin muquen ay yu'un te cuentahinel yu'un ch'ulchan, pero te yantique, ma ba a'bibil sna'ic stuquelic,

San Lucas 10:23

La sut sba te Jesús, parte hich la yalbe te jnopojeletic: Bayel me yutsil te sit te ya yilic bin yac awilic te ha'exe.

San Juan 12:26

Teme ay mach'a ya yac' sba ta a'batinel cu'un, ac'a st'unon; te banti ayon, ha nix hich tey ay a te a'bat cu'une. Te mach'a ya yac' sba ta a'batinel cu'un, ya me x'ich'ot ta cuenta yu'un te Jtate.

San Juan 13:16

Tulan sc'oblal ya calbeyex, te a'bat ma ha'uc toyol yu'un te yajwal, soc te mach'a ticombil tal, ma ha'uc toyol yu'un te mach'a ticonot tal yu'un.

San Juan 15:20

Na'ahic me te bin la jcalbeyex: Te a'bat ma ha'uc toyol xan ay te bin ut'il te yajwal, te xchihone. Teme ho'on la yuts'inonic, ha nix hich ya me yuts'inex ec. Teme la yich'bonic ta cuenta te jc'ope, ha nix hich ya yich'beyex ta cuenta te ac'opique.

San Juan 16:12

Ay to tsobol bin ya jc'an ya calbeyex, pero ma to xcuhch awu'unic.

San Juan 17:26

La jca'beyix sna'ic te abihile, soc ya to ca'be xan sna'ic, scuenta yu'un te sc'uxul awo'tan te ay ta jtojol ha nix hich ay ta stojolic, soc te junuc ayon soque, xchi ta sc'oponel Dios te Jesús.

San Juan 20:17

Halbot yu'un te Jesús: Ma me xapicon, como ma to ba mohemon ta banti ay te Jtate; pero bahan, halbeya te quermanotac: Ya xmohonix bahel ta banti ay te Jtat soc te Tatil awu'unic, te Dios cu'un soc te Dios awu'unic, xchi.

San Juan 4:19

La sjac' te antse: Tat, jalwanejat ya quil.

San Juan 8:26

Ay to bayel bin ya sc'an ya calbeyex soc te ya quich'ex ta c'op yu'une. Melel te bin ya yal te mach'a sticonejon tal, soc te ho'one, te bin yalbeyejon, hich ya calbe te mach'atic ayic ta bahlumilal, xchi.

Hechos 20:27

como ma ba la jmuc ta co'tan te la jcalbeyex spisil bintic schapoj te Diose.

Romanos 7:15

Te bin ya jpas, ma jna'be scuentahil, como ma ha'uc ya jpas te bin ya jc'an, ha ya jpas te bin ya quihlay.

1 Corintios 2:16

¿Mach'a ya c'an sna' te bin snopoj te Cajwaltique? ¿Mach'a ay bin ya ya'be snop? Yan te ho'otique quich'beyejtic sp'ijil yo'tan te Cristo.

Gálatas 4:6

Te bin ut'il yal-snich'anex Dios, ha la ya'beyex ta awo'tanic te Espíritu yu'un te Snich'an, te hich ya yal: ¡Abba, Jtat! xchi.

Efesios 1:9

La ya'botic jna'tic te sc'anojel yo'tan te ma ba hu' ta na'el, yu'un hich la sc'an yo'tan, te hich schapoj ta yo'tan ta scuenta Cristo,

Efesios 3:5

ha te bin ma hichuc a'bot sna'ic te cajalcaj ts'umbalil, hich te bin ut'il a'bot sna'ic yu'un te Espíritu te ch'ul jpuc-c'opetic soc te jalwanejetique.

Colosenses 1:26

ha te bin mayuc ta na'el ta namey te muquen ay, pero yo'tic a'botix sna'ic te mach'atic ch'ultesbilic yu'une.

Filemón 1:16

ma hichuquix te bin ut'il moso, c'axuquix hich sc'oblal a te bin ut'il moso, hich te bin ut'il awermano te c'ux ta awo'tan, te ha nix hich bayel c'ux ya ca'iy ta co'tan te ho'one, pero c'axuc to xan hich ya xc'oht ta awo'tan, te bin ut'il jtuhl winic soc te bin ut'il awermano ta stojol Cajwaltic.

Santiago 1:1

Santiago, ya'bat te Dios soc te Cajwaltic Jesucristo, ya jpatbeyex awo'tanic te lajchaychahp sts'umbal Israel te puhquemex ta bayuc.

Santiago 2:23

Ha c'oht ta pasel te bin ya yal te Shun Dios: Te Abraham la sch'uhun te bin la yal te Diose, ha ac'ot ta cuenta yu'un te toj ay, soc halbot sc'oblal te ha sc'uxultaywanej sba soc te Diose.

1 Pedro 1:11

yo'tanuc la sna'ic mach'a a soc bin ora ya xc'oht ta pasel, te la yac' ta na'el te Espíritu yu'un Cristo te ay ta yo'tanic, te ha nahil la yalbe sc'oblal te wocoletic ya xc'oht ta stojol Cristo soc te utsilal te ya xtal ta patil.

2 Pedro 1:1

Simón Pedro, a'bat soc jpuc-c'op yu'un te Jesucristo, ta stojol te mach'atic ta scuenta stojil yo'tan te Jesucristo te Dios soc Jcoltaywanej cu'untic, stahojic sch'uhunel yo'tanic te pajal st'ujbilal soc te cu'uncotique:

Judas 1:1

Judas, a'bat yu'un Jesucristo soc yihts'in te Jacobo, ta stojol te mach'atic ic'bilic, te c'uxultaybilic yu'un te Jtatic Dios soc te canantaybilic yu'un te Jesucristo:

Apocalipsis 1:1

Ha te bin la yac' ta na'el te Jesucristo, te a'bot sna' yu'un Dios scuenta yu'un ya ya'be sna' te a'batetic yu'un te bintic c'ohel yac ta pasele. Ha la yac' ta na'el ta scuenta te ch'ul a'bat yu'un te la sticon tal ta stojol Juan, te ya'bat,