San Juan 15:1 - Bible in Tzeltal Bachajón

¹ Ho'on te smelelil ch'oxalon ts'usub, soc ha jcanan-ts'usubil te Jtate.

Nuevo Testamento Tzeltal de Amatenango

¹ Te Jesuse lijk yal xan: —Joꞌon te smukꞌul yakꞌilon te ubae; y te jTate jaꞌ ya xchap y ya skanantay.

Bible in Tzeltal de Oxchuc y Tenejapa

¹ Soc la yal xan te Jesuse: —Jo'on mero smuc'ul yac'ulon te ts'usube. Te Jtate ja' jcanan-ts'usubiltic stuquel.

San Juan 15:1 ပူးပေါင်းရင်းမြစ်များ

Cantares 7:12

Ta sab ya xbohotic ta ts'usubiletic ta yilel teme puhlinemiquix, teme yaquix ta t'ohmel te sniche, teme nichinemix te granadahetique. ¡Tey ya ca'bat a te sc'uxul co'tan!

Isaías 4:2

Ta hich ora te spuhl te Jehová ha t'ujbil soc ay yutsilal ya xc'oht, soc te sit ya yac' te lumq'uinal ha toybeyel sc'oblal soc ich'el ta muc' ya xc'oht yu'un te mach'atic hilemic ta Israel.

Isaías 60:21

Spisil te pueblo awu'un toj yo'tanic ya xc'ohtic, ya me a'bot yich'ic te q'uinal sbahtel q'uinal. Ha spuhl ya xc'ohtic te la jts'un, ha ya'tel jc'ab, scuenta yu'un hich ya cac' ta ilel a te cutsilale.

Isaías 61:3

ta yalel mandar ta stojol mach'atic ay swocolic ta Sión, te ya x'a'botic t'ujbil corona scuenta sjelol stanul c'ahc', te ya x'a'botic aceite yu'un tse'el-o'tanil scuenta sjelol mel-o'tan, soc te ya x'a'botic nahtil-c'u'ul yu'un yutsil q'uinal ya ya'iyic scuenta sjelol pich'il-o'tanil. Hich ya x'a'bot sbihilinic: Jihte'etic yu'un bin stojil ta pasel, Te bin ts'umbil yu'un Jehová, xchi, scuenta yu'un ya yac' ta ilel yutsilal a.

Jeremías 12:10

Bayel jcanan-tuminchijetic la sjimbonic te ts'usubil cu'un, la sts'o'ic ta teq'uel te bin quich'oje; la sutp'inic ta jochol taquin q'uinal te jq'uinal te mero t'ujbil.

Jeremías 2:21

La jts'unat hichuc tsahbil ts'usub, ta spisil lequil sbac' ts'unubil. ¿Bin ut'il ay a te c'atp'ujat ta jtojol ta yan ts'usubil?

Ezequiel 19:10

Te anan pajal soc ts'usubil te ts'umbil ta yohlil ts'usubil ta ti' ha', la yac' sit soc ay bayel sc'abc'ab ta scaj te bayel ha'.

Oseas 10:1

Te Israel ha ts'usubil te bayel ya'binal te ya yac' bayel sit. C'alal p'ohl yu'unic te site, ha nix hich p'ohl te scajtajib ta chiq'uel mahtaniletic; c'alal p'ohl te bintic la yac' te sq'uinalic, ha nix hich p'ohl te loc'ombahetic yu'unique.

Zacarías 3:8

Muc'ul sacerdote Josué, ha'at soc te amohloltac te ya xhuhcajic ta atojol, te ha señahex yu'un te bin ya xc'oht ta pasel ta patil, a'iya me awa'iy: Ya quic' tal te ca'bat, ha te Spuhl.

San Mateo 15:13

La sjac' te Jesús: Spisil ts'unubiletic te ma ha'uc sts'unoj te Jtat ay ta ch'ulchan, ya me yich'ticlan bulel.

San Mateo 20:1

Te cuentahinel yu'un te ch'ulchan hich c'ohem te bin ut'il jtuhl yajwal q'uinal te loc' bahel ta sab ta slehel j'a'teletic yu'un sts'usubil.

San Mateo 21:33

A'iya me awa'iyic yan sloc'ombahil c'op: Ay jtuhl yajwal q'uinal te la sts'un sts'usubil, la sjoy ta corral, la shotbe spits'ojbil soc la spas toyol ilo-q'uinal yu'un, soc la yac' ta majanel yu'un j'a'teletic, baht ta namal stuquel.

San Marcos 12:1

Hich te Jesús hahch yalbe ya'iyic sloc'ombahil c'op: Ay jtuhl winic la sts'un ts'usubiltic, la sjoy ta corral, la shotbe sp'e'ojibal, la spas toyol ilo-q'uinal, soc la yac' ta majanel yu'un j'a'teletic; baht ta namal.

San Lucas 13:6

Soc la yal te sloc'ombahil c'op ini: Ay jtuhl winic sts'unoj higuera ta sts'usubil. Tal slehbe sit, pero mayuc sit la stahbe.

San Juan 1:17

como te Ley ha a'bot ta scuenta Moisés, yan te yutsil-o'tanil soc te smelelil c'op talic ta scuenta Jesucristo.

San Juan 1:9

Te smelelil sacal q'uinal te ya sacubtes q'uinal ta stojol spisil ants-winiquetic yac ta talel ta bahlumilal.

San Juan 15:2

Spisil sc'ab te ay ta jtojol te ma ba ya yac' sit, ya set' loq'uel; spisil te ya yac'ticlan sit, ya spasticlan ta lec scuenta yu'un c'ax to xan hich ya sitin a.

San Juan 6:32

La yal te Jesús: Tulan sc'oblal ya calbeyex, ma ha'uc te Moisés te la ya'beyex te pan talem ta ch'ulchan, pero ha te Jtat te ya ya'beyex te smelelil pan talem ta ch'ulchan;

San Juan 6:55

Como te jbaq'uetal ha mero we'elil soc te jch'ich'el ha mero uch'balil.

Romanos 11:17

Teme ay sc'abc'ab te jepbot loq'uel, soc ha'at ha'mal olivohat la awich' ts'aquel te banti jepen soc yac yich'bel te yutsilal te slohp' olivo,

1 Corintios 3:9

Como te ho'otcotic joc jbahcotic ta a'tel soc Dios; te ha'exe sts'unubex Dios, ha snahex Dios.

1 Juan 2:8

Pero ya jts'ihbabeyex yach'il mandaril, te chican ta stojol Cristo soc ta atojolic te ha smelelil, como yac ta c'axel bahel te yihc'al q'uinal soc chicanix te smelelil sacal q'uinale.