San Juan 14:7 - Bible in Tzeltal Bachajón

⁷ Te lajuc ana'bonic jba, ha nix hich yac ana'beyic sba te Jtat te hichuque. Yo'tic yac ana'beyic sba soc awilojiquix, xchi.

Nuevo Testamento Tzeltal de Amatenango

⁷ Te jaꞌexe teme ya anaꞌbikon jbae, jich ya anaꞌbeyik sba euk te jTate. Te ora to ya anaꞌbeyikix sba, yuꞌun yipalexix ta yilel —xchi.

Bible in Tzeltal de Oxchuc y Tenejapa

⁷ Teme ana'ojbonic jbae, ja' ana'ojbeyic sba uuc te Jtate. Ta ora bael to ana'ojbeyiquix sba soc awilojiquix —xi' te Jesuse.

San Juan 14:7 ပူးပေါင်းရင်းမြစ်များ

San Mateo 11:27

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

San Lucas 10:22

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatile; soc mayuc mach'a ya sna'be sba te Tatil, ha nax te Nich'anil soc te mach'atic ya sc'an ya x'a'bot sna'beyic sba yu'un te Nich'anile, xchi.

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

San Juan 15:24

Te manchuc la jpas jchahp a'teliletic te mayuc mach'a yan hich spasoj, mayuc smulic te hichuque; pero yilojiquix, soc la sp'ajonic soc te Jtate.

San Juan 16:3

Hich ya spasic ta scaj te ma sna'beyic sba te Tatil soc ma sna'bonic jba.

San Juan 17:21

scuenta yu'un junax ya xc'ohtic spisilic a; hich te bin ut'il jun ayotic, Jtat, ha'uc nix hich jun ya x'ayinic ta jtojoltic, scuenta yu'un hich me ya sch'uhunic te mach'atic ayic ta bahlumilal te ha'at la aticonon tale.

San Juan 17:23

Jun ayon soc, soc jun ayotic te ho'otic, scuenta yu'un jc'axel jun yo'tan sbahic, scuenta yu'un ya me sna'ic te mach'atic ayic ta bahlumilal te ha'at la aticonon tal, soc te c'uxic ta awo'tan hich te bin ut'il c'uxon ta awo'tan.

San Juan 17:26

La jca'beyix sna'ic te abihile, soc ya to ca'be xan sna'ic, scuenta yu'un te sc'uxul awo'tan te ay ta jtojol ha nix hich ay ta stojolic, soc te junuc ayon soque, xchi ta sc'oponel Dios te Jesús.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Juan 17:6

La jca'be sna'bat aba te mach'atic li' ayic ta bahlumilal te la awa'bon ta jcuenta; ha'ic awu'un ta nahil, ha'at la awa'bon ta jcuenta, soc scanantayejic te ac'ope.

San Juan 17:8

como la jca'be te ac'op te la awa'bone; la yich'ic ta cuenta, soc sna'ojiquix ta lec te talemon ta atojol, soc sch'uhunejiquix te ha'at aticonejon tale.

San Juan 6:46

Ma yu'unuc te ay mach'a yiloj te Tatile, ha nax te mach'a talem ta stojol Dios, ha yiloj stuquel te Tatile.

San Juan 8:19

La yalbeyic: ¿Banti ay te Atate? xchihic. La sjac' te Jesús: Ma xana'bonic jba, soc ma xana'beyic sba te Jtate. Te yacuc ana'bonic jba, yac ana'beyic sba te Jtat te hichuque, xchi.

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

1 Juan 2:13

Ha'ex tatiletic, ya jts'ihbabeyex como yac ana'beyic sba te Mach'a stalel ay ta shahchibal. Ha'ex ach'ix queremetic, ya jts'ihbabeyex como atsalojiquix te mach'a chopole. Ha'ex alaletic, ya jts'ihbabeyex como ana'beyejiquix sba te Tatile.