San Juan 14:6 - Bible in Tzeltal Bachajón

⁶ La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

Nuevo Testamento Tzeltal de Amatenango

⁶ Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

Bible in Tzeltal de Oxchuc y Tenejapa

⁶ Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 14:6 ပူးပေါင်းရင်းမြစ်များ

San Mateo 11:27

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

San Juan 1:17

como te Ley ha a'bot ta scuenta Moisés, yan te yutsil-o'tanil soc te smelelil c'op talic ta scuenta Jesucristo.

San Juan 1:4

Ay cuxlejal ta stojol, soc te cuxlejal ha nix te sacal q'uinal ta stojol ants-winiquetic.

San Juan 10:28

soc ho'on ya ca'be scuxlejalic sbahtel q'uinal, ma jaymehl ya xch'ayic, soc mayuc mach'a ya xhu' ya spojbonic ta jc'ab.

San Juan 10:7

Hich halbotic xan yu'un te Jesús: Jamal ya calbeyex, ho'on te ti'corralon yu'un te tuminchijetique.

San Juan 10:9

Ho'on te ti'corralon, te mach'a ho'on ta jcuenta te ya x'och bahel, ya me xcol; ya x'och soc ya xloc', soc ya sta swe'el.

San Juan 14:19

Jts'ihn xanix ya sc'an ya xch'ayon ta sit te mach'atic ayic ta bahlumilal, pero te ha'exe, ya me awilonic. Te bin ut'il cuxulon, ha nix hich ya xcuxajex.

San Juan 15:1

Ho'on te smelelil ch'oxalon ts'usub, soc ha jcanan-ts'usubil te Jtate.

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

San Juan 5:21

Como hich te bin ut'il te Tatil ya scuxajtes te mach'atic chamenic soc ya yac'ticlambe scuxlejalic, ha nix hich te Nich'anil ya ya'be scuxlejal te mach'a ya sc'an ya ya'be.

San Juan 6:33

como te pan yu'un Dios, ha te mach'a cohem tal ta ch'ulchan soc te ya ya'be scuxlejal mach'atic ayic ta bahlumilal, xchi.

San Juan 6:51

Ho'on te cuxul pan te cohem tal ta ch'ulchan; teme ay mach'a ya swe' ha'i pan ini, sbahtel q'uinal ya xcuxaj yu'un. Te pan te ya cac', ha te jbaq'uetal, te ha ya cac' scuenta scuxlejalic te mach'atic ayic ta bahlumilal, xchi.

San Juan 6:57

Hich te bin ut'il la sticonon tal te cuxul Tatil soc te cuxulon ta scuenta, ha nix hich te mach'a ya swe'on ya xcuxaj ta jcuenta.

San Juan 6:68

La sjac' te Simón Pedro: Cajwal, ¿mach'a yan ya jt'uncotic? Ha'at awich'oj te c'op scuenta cuxlejal sbahtel q'uinal.

San Juan 8:32

soc ya me ana'beyic sba te smelelil c'op, soc ha ya yaq'uex ta libre te smelelil c'ope, xchi.

San Juan 8:51

Tulan sc'oblal ya calbeyex, te mach'a ya scanantaybon te jc'ope, mayuc bin ora ya xcham, xchi.

Hechos 3:15

la amilic te J'ac'-cuxlejal, pero Dios la scha'cuxajtes tal ta yohlil mach'atic chamenic, ho'otcotic testigohotcotic yu'un.

Hechos 4:12

Mayuc mach'a yan ay colel ta scuenta, como ta bayuc ta swohlol bahlumilal mayuc yan mach'a hich halbil sc'oblal ta stojol ants-winiquetic te ya xhu' ya xcolotic yu'un, xchi.

Hechos 9:2

la sc'an bahel cartahetic ta sinagogahetic ta Damasco, scuenta yu'un teme ya sta winic o ants te ay ta scuenta te Be ini, ya yic'ticlan talel ta chuquel ta Jerusalén.

Romanos 15:16

scuenta yu'un ay ca'tel yu'un Jesucristo ta stojol te jyanlumetic, ha te ya ca'telin yalel te lec yach'il c'op yu'un Dios, scuenta yu'un ha mahtanil ya xc'ohtic te jyanlumetic te lec yo'tan Dios yu'un, te ha ch'uhltesbilic yu'un te Ch'ul Espíritu.

Romanos 5:2

te ha ta scuenta sch'uhunel co'tantic ta stojol te ya xhu' ya x'ochotic ta stojol te yutsil yo'tan Dios, te banti ayotic ta ora ini, soc tse'el co'tantic ta smahliyel te yutsilal te Diose.

Romanos 5:21

scuenta yu'un hich te bin ut'il cuentahinwan te mulil te hich la yac' lajel, ha nix hich te yutsil yo'tan Dios ya xcuentahinwan ta scuenta yaq'uel ta toj, te hich ya yac' cuxlejal scuenta sbahtel q'uinal ta scuenta te Cajwaltic Jesucristo.

1 Corintios 15:45

Hich ts'ihbabil: Te sba winic Adán, a'bot scuxlejal, xchi; te slajibal Adán, ha espíritu te ya yac' cuxlejal.

Efesios 2:18

como ha ta scuenta te pajal ya xhu' ya x'ochotic ta stojol te Tatil ta scuenta junax Espíritu.

Colosenses 2:17

Ta spisil ini ha snohc'otal nax te bin ya xc'oht ta pasel ta patil; pero te bin smelelil, ha te Cristo.

Colosenses 2:9

Como te stalel te Dios ts'acal ya xnahin ta stojol Cristo, ta sbaq'uetal,

Colosenses 3:4

Te c'alal ya xchicnaj tal te Cristo, te ha acuxlejalic, hich ya xchicnajex soc a ta utsilal.

Hebreos 7:25

Ha scuentahil te ya xhu' ya scoltay sbahtel q'uinal te mach'atic ya xnohpojic ta stojol Dios ta scuenta, como stalel cuxul yu'un ya xc'opoj ta scuentahic.

Hebreos 9:8

Hich ac'ot ta na'el yu'un te Ch'ul Espíritu te ma to chicanuc sbehlal te Mero Ch'ul Awilal, te c'alal teq'uel to te sba-tsahlal te Nahilpac' Templohe.

1 Pedro 1:21

Ha nix ta scuenta te yac ach'uhunic Dios, ha te mach'a la scha'cuxajtes ta yohlil mach'atic chamenic soc la ya'be yutsilal, ha scuentahil te awac'oj sch'uhunel awo'tanic soc smuc'ul awo'tanic ta stojol te Diose.

1 Pedro 2:4

Nopojanic ta stojol Cristo, ha te cuxul ton, te p'ajbil yu'un ants-winiquetic pero tsahbil yu'un Dios soc ha bayel sc'oblal ta yo'tan.

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,

1 Juan 1:8

Teme ya caltic te mayuc jmultic, ya jlo'loy jbahtic, ma ba ay ta co'tantic te smelelil c'ope.

1 Juan 2:23

Spisil te mach'a ya smuc ta yo'tan te Nich'anil, ma ba ay ta yo'tan te Tatile. Te mach'a ya yal ta jamal te ha Nich'anil, ha nix ay ta yo'tan te Tatile.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

1 Juan 5:6

Ha te Jesucristo te tal ta scuenta ha' soc ch'ich'. Ma ha'uc nax ta scuenta ha', ta scuenta ha' soc ch'ich'. Soc ha te Espíritu te ya yal ta testigo, como te Espíritu ha te bin smelelile.

2 Juan 1:9

Mach'ayuc a te ya xhowiy, te ma ba ya x'ayin ta stojol te bintic ay ta nopel yu'un Cristo, ma ba ay ta yo'tan te Diose; yan te mach'a ya x'ayin ta stojol te bintic ay ta nopel yu'un Cristo, ay ta yo'tan te Tatil soc te Nich'anile.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Apocalipsis 19:11

La jquil jamal te ch'ulchan, soc ay saquil cawu. Te mach'a cajal tey a, ha Stalel Jun Yo'tan soc Smelelil, xchi te sbihile; stojil ya x'ich'awan ta c'op soc ya yac' guerra.

Apocalipsis 20:15

Te mach'a ma ba ts'ihbabil sbihil ta libro scuenta cuxlejal, ch'ojotic ochel ta banti yac ta tihlel pamal c'ahc'.

Apocalipsis 22:1

Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

Apocalipsis 3:14

Ts'ihbabeya te ch'ul a'bat yu'un te iglesia ta Laodicea: Hich ya yal te mach'a Hichuc, ha te testigo te stalel jun yo'tan soc te melel, te shahchibal te bintic pasticlambil yu'un Dios:

Apocalipsis 3:7

Ts'ihbabeya te ch'ul a'bat yu'un te iglesia ta Filadelfia: Hich ya yal te Mach'a ch'ultesbil, te smelelil c'op, te yich'oj te llave yu'un David, te mach'a ya sjam, te mayuc mach'a ya xhu' ya smac, soc te ya smac, te mayuc mach'a ya xhu' ya sjam: