San Juan 14:26 - Bible in Tzeltal Bachajón

²⁶ Pero te Joquinwanej, ha te Ch'ul Espíritu, te ya xticonot yu'un te Tatil ta scuenta jbihil, ha ya ya'beyex anopic soc ya ya'beyex ana'ic spisil te bin la jcalbeyexe.

Nuevo Testamento Tzeltal de Amatenango

²⁶ Pero te Chꞌul Espiritue, te Joyinwanej awuꞌunike te ya xba stikon tal te jTat ta joꞌon jbiile, jaꞌ me ya yaꞌbeyex anopik spisil stukel, sok jaꞌ me ya yaꞌbeyex anaꞌik spisil te tut kalojbeyexe.

Bible in Tzeltal de Oxchuc y Tenejapa

²⁶ Te Jmuc'tesej-q'uinal awu'unique, ja' te Ch'ul Espíritu te ya sticunbeyex tel ta jwenta te Jtate. Ja' me ya yac'beyex anopic spisil stuquel, soc ja' me ya yac'beyex ana'ic stojol ta spisil te bi la calixe.

San Juan 14:26 ပူးပေါင်းရင်းမြစ်များ

Salmos 51:11

Ma me xach'ojon loq'uel ta atojol, soc ma me xaloq'ues ta jtojol te ch'ul espíritu awu'une.

Isaías 54:13

Spisil te awal-anich'nabic ya yich'ic nohptesel yu'un te Jehová, soc ya xp'ohl te lamal quinal ya ya'iyic te awal-anich'nabique.

Isaías 63:10

Pero la stoy sbahic soc la ya'be smel yo'tan te ch'ul espíritu yu'une; ha yu'un suht ta scontrahic soc ha nix la stsac sba ta guerra soc.

San Mateo 1:18

Te bin ut'il ayin te Jesucristo, hich ay: C'alal macbil yu'un José te María te snan te Jesús, c'alal ma to ba yic'oj a, chicnaj te hahchemix yal ta scuenta te Ch'ul Espíritu.

San Mateo 1:20

Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

San Mateo 28:19

Ha yu'un bahanic, otsesahic ta jnopojel spisil te nacionetic, ac'ticlambeyahic yich'ic ha' ta scuenta te Tatil, te Nich'anil soc te Ch'ul Espíritu,

San Mateo 3:11

Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

San Marcos 12:36

Como ha nix te David te hich la yal ta scuenta te Ch'ul Espíritu: Te Cajwaltic la yalbe te Cajwal: Huclan ta jwa'el-c'ab ha to c'alal ya ca'bat ta ye'tal awoc te acontrataque, xchi.

San Marcos 13:11

Pero te c'alal ya yiq'uex bahel yu'un ya yaq'uex ta c'abal, ma me xc'opoj awo'tanic yu'un te bin ya xc'oht awalic, ha me xawalic te bin ya x'ac'otex ta yalel ta hich ora, como ma ha'uquex te ya xc'opojex, ha ya xc'opoj te Ch'ul Espíritu.

San Lucas 1:15

como muc' sc'oblal ya xc'oht ta stojol Dios. Ma me xyuch' vino o bin pajuben, soc ya xnoj ta yo'tan te Ch'ul Espíritu te c'alal wolbil to yu'un snan a.

San Lucas 1:35

La sjac' te ch'ul a'bat: Ya me xhul ta atojol te Ch'ul Espíritu, ya spotsat ta yaxinal yu'el te Mach'a ay ta toyol; ha yu'un te Ch'ul Alal te ya x'ayine, Snich'an Dios sbihil ya xc'oht.

San Lucas 1:41

C'alal patbot yo'tan yu'un María te Elisabet, la stij sba te alal swoloje. Te Elisabet noj ta yo'tan te Ch'ul Espíritu,

San Lucas 1:67

Te Zacarías te stat te alale, noj ta yo'tan te Ch'ul Espíritu, hahch ta c'op ta scuenta jalwanej, hich la yal:

San Lucas 11:13

Te ha'ex te chopol awo'tanic, teme yac ana'ic ya'beyel lequil mahtanil te awal-anich'anic, ¿ha'uc to balix a te Atatic ay ta ch'ulchan ya ya'be te Ch'ul Espíritu te mach'atic ya xc'ambot yu'une? xchi.

San Lucas 2:25

Ay jtuhl winic ta Jerusalén, Simeón sbihil, toj ta winiquil soc jun yo'tan ta stojol Dios, soc yac smahliybel te ya xmuc'ubtesbot q'uinal ya'iy te Israel; soc cuentahimbil yu'un te Ch'ul Espíritu.

San Lucas 24:49

Soc ho'on ya me jticombeyex tal te bin yaloj te Jtat ya ya'beyex; pero hilanic ta Jerusalén ha to c'alal ya xhul ta acuentahic te yu'el Dios ya xtal ta toyol, xchi.

San Lucas 3:22

co tal ta stojol Jesús te Ch'ul Espíritu, sjel ta stsuhmut, soc ay c'op tal ta ch'ulchan te hich la yal: Ha'at Jnich'anat te bayel c'uxat ta co'tan, buen lec co'tan awu'un, xchi.

San Juan 1:33

Ma ba la jna'be sba a, pero te mach'a la sticonon tal ta ac'-ich'-ha' ha nix la yalbon: Te mach'a yac awil ya xhul ayinuc ta stojol te Espíritu te ya xco tal, ha me te mach'a ya yac' te Ch'ul Espíritu, te xchihe.

San Juan 12:16

Te jnopojeletic yu'un ma ba la sna'beyic scuentahil ta ora te bin c'oht ta pasel, pero te c'alal ac'ot ta ich'el ta muc' a te Jesús, la sna'ic te hich nix ts'ihbabil sc'oblal a soc te hich pasbot yu'unique.

San Juan 14:16

Ho'on ya jc'ambe te Tatil, hich ya ya'beyex yan Joquinwanej awu'unic te sbahtel q'uinal ya sjoquinex,

San Juan 14:25

Hich la jcalbeyex awa'iyic te c'alal joquex to a.

San Juan 15:26

Pero te c'alal ya xtal te Joquinwanej, ha te ya jticombeyex tal ta stojol te Tatil, ha te Espíritu yu'un te bin smelelil te ya xloc' tal ta stojol te Tatile, ha me ya yalbon jc'oblal.

San Juan 16:7

Pero ya calbeyex te bin smelelil: Scuenta awutsil alequilic te ya xbohon, yu'un teme ma ba ya xbohon, ma ba ya xtal ta atojolic te Joquinwanej; yan teme ya xbohon, ya jticombeyex tal.

San Juan 2:22

Ha yu'un te c'alal cha'cuxaj tal ta yohlil te mach'atic chamenic, la sna' te jnopojeletic yu'un te hich nix yaloj, hich la sch'uhunic te Shun Dios soc te bin la yal te Jesuse.

San Juan 20:22

Laj yalbel a, la shuhxiy, hich la yal: Ich'ahic te Ch'ul Espíritu.

San Juan 6:45

Hich ts'ihbabil yu'un te jalwanejetic: Spisilic ya me xp'ijubtesotic yu'un Dios, xchihic. Ha yu'un spisil te mach'atic ya ya'iyic te Tatil soc te ya yich'ic p'ijubtesel yu'une, ya me xtalic ta jtojol.

San Juan 7:39

Ha la yalbe sc'oblal te Espíritu te ya x'a'botic te mach'atic ya sch'uhunique. Como ma to ba talem a te Ch'ul Espíritu, yu'un ma to ba ac'ot ta ich'el ta muc' a te Jesuse.

Hechos 1:2

ha to c'alal ic'ot mohel, ta patil te la spasticlan ta mandar ta scuenta Ch'ul Espíritu te jpuc-c'opetic te tsahbil yu'une.

Hechos 1:4

C'alal jun to ayic a, hich la spas ta mandar: Ma me xloq'uex ta Jerusalén, ya me amahliyic te bin yaloj te Tatil te ya ya'beyex, hich te bin ut'il la jcalbeyexe;

Hechos 1:8

pero ya me awich' awu'elic te c'alal ya xtal ta atojolic te Ch'ul Espíritu; testigo ya xc'ohex cu'un ta Jerusalén, ta spisil Judea, Samaria, soc c'alal ta sti'il bahlumilal, xchi sc'oblalic.

Hechos 11:16

Hich la jna' te bin la yal te Cajwaltic: Te Juan ha nax la ya'be yich'ic ha', yan te ha'exe ya me awich'ic te Ch'ul Espíritu, te xchihe.

Hechos 13:2

Te c'alal ayic ta yich'el ta muc' Cajwaltic soc scomoj swe'elic a, hich halbotic yu'un te Ch'ul Espíritu: A'bonic ta jcuenta te Bernabé soc Saulo yu'un spasel te a'tel te ha tsahbilic cu'un ta spasel, xchi.

Hechos 13:4

Hich baht schebalic, ticombilic bahel yu'un te Ch'ul Espíritu, cohic bahel ta Seleucia, tey ochic ta barco a bahtic ta Chipre.

Hechos 15:28

Lec la ya'iy te Ch'ul Espíritu soc lec la jca'iycotic te mayuc bin ya ca'beyexcotic acuchic, ha nax ini:

Hechos 15:8

Te Dios te ya sna'be yo'tanic, la yac' ta ilel te lec yo'tan yu'unic te bin ut'il la ya'be te Ch'ul Espíritu hich te bin ut'il te ho'otique;

Hechos 16:6

C'axic bahel ta Frigia soc ta Galacia, comotic yu'un te Ch'ul Espíritu te manchuc ya yalic sc'op Dios ta sq'uinal Asia.

Hechos 2:33

Ha yu'un, te bin ut'il ac'otix ta swa'el-c'ab te Dios soc a'botix yich' yu'un te Tatil te Ch'ul Espíritu te halbot sc'oblal ya yich', hich la yaq'uix tal te bin yac awilbelic soc te yac awa'iybelique.

Hechos 2:4

Ta spisilic noj ta yo'tanic te Ch'ul Espíritu, hahchic ta c'op ta yantic c'opiletic, ha chican bin c'opil ac'otic ta c'op yu'un te Espíritu.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Hechos 20:35

Ta spisil ini la jca'beyex anopic, teme hich ya x'a'tejex, ya xhu' yac acoltayic te mach'atic mayuc bin ay yu'unic. Soc na'ahic me te bin la yal te Cajwaltic Jesús: Ha bayel xan yutsil te mach'a ay bin ya yac' te bin ut'il ay bin ya yich', te xchihe, xchi.

Hechos 28:25

Te bin ut'il ma ba jun sc'opic, c'alal hahchic bahel hich halbotic yu'un te Pablo: Melel nix a te bin halbot te jme'jtatic yu'un te Ch'ul Espíritu ta scuenta te jalwanej Isaías:

Hechos 5:3

La yal te Pedro: Ananías, ¿bin yu'un noj ta awo'tan te Satanás yu'un yac alotiy te Ch'ul Espíritu, te la awich' j'ohlil te stojol te q'uinale?

Hechos 7:51

¡Tulan awo'tanic, ma ba yich'oj circuncisión awo'tanic soc achiquinic! Spisil ora yac amaquic te Ch'ul Espíritu, pajalex soc te ame'atatique.

Hechos 7:55

Yan te Esteban, nojel ta yo'tan te Ch'ul Espíritu, la yil mohel te ch'ulchan, la yilbe yutsilal te Dios soc la yil teq'uel ta swa'el-c'ab Dios te Jesús,

Romanos 14:17

como te cuentahinel yu'un Dios ma ha'uc we'el uch'el, ha te bin toj ta pasel, lamal q'uinal soc tse'el-o'tanil ta scuenta te Ch'ul Espíritu,

Romanos 15:13

Te Dios yu'un smuc'ul-o'tanil ac'a snojesbeyex awo'tanic ta tse'el-o'tanil soc lamal-o'tanil ta scuenta te bin ach'uhunejic, scuenta yu'un ay bayel smuc'ul awo'tanic ta scuenta yu'el te Ch'ul Espíritu.

Romanos 15:16

scuenta yu'un ay ca'tel yu'un Jesucristo ta stojol te jyanlumetic, ha te ya ca'telin yalel te lec yach'il c'op yu'un Dios, scuenta yu'un ha mahtanil ya xc'ohtic te jyanlumetic te lec yo'tan Dios yu'un, te ha ch'uhltesbilic yu'un te Ch'ul Espíritu.

Romanos 5:5

soc te smuc'ul co'tanic ma xyac'otic ta q'uexlal, como malbilix ta co'tantic te sc'uxul yo'tan Dios ta scuenta te Ch'ul Espíritu te a'bilotiquixe.

1 Corintios 12:3

Ha yu'un ya ca'beyex ana'ic te mayuc mach'a te ya xc'opoj ta scuenta te Espíritu yu'un Dios te ya yal: Bohlobuc sc'oblal Jesús, soc mayuc mach'a ya xhu' ya yal: Ha Ajwalil te Jesús, te xchihe, te ma ha'uc ya yal ta scuenta te Ch'ul Espíritu.

1 Corintios 6:19

¿Yu'un bal ma ba ana'ojic te abaq'uetalic ha templo yu'un te Ch'ul Espíritu te ay ta awo'tanic, te a'botex yu'un Dios? Ma awu'unuc abahic,

2 Corintios 13:14

Ac'a sjoquinex ta apisilic te yutsil yo'tan te Cajwaltic Jesucristo, te sc'uxul yo'tan Dios, soc junuc awo'tanic soc te Ch'ul Espíritu. Hichuc.

2 Corintios 6:6

ya xchicnaj ta scuenta te lecubtesbil jcuxlejalcotic, te ay bin na'bil cu'uncotic, te cuhchem cu'uncotic, te ay yutsil co'tancotic, te ay Ch'ul Espíritu ta co'tancotic, ay sc'uxul co'tancotic ta melel;

Efesios 1:13

Ha nix hichex te c'alal la awa'iyic te smelelil c'op, ha te lec yach'il c'op yu'un acolelic, te c'alal la ach'uhunic la awich'ic asellohilic, ha te Ch'ul Espíritu te halbil ya xtale.

Efesios 1:17

Ya jc'ambe te Dios yu'un te Cajwaltic Jesucristo, ha te Tatil yu'un utsilal, te yacuc ya'beyex espíritu yu'un p'ijil-o'tanil soc yu'un sna'el bin ac'bil ta na'el yu'un Dios, scuenta yu'un ya xhu' yac ana'beyic sba ta lec.

Efesios 4:30

Ma me xawa'beyic smel yo'tan te Ch'ul Espíritu yu'un Dios, te ha sello awich'ojic ha to teme la sta yorahil acolelique.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

2 Timoteo 1:14

Ta scuenta te Ch'ul Espíritu te nahinem ta co'tantic, canantaya te bin lec a'botate.

Tito 3:5

la scoltayotic, ma ha'uc yu'un te lec ca'tel jpasojtic, ha nax ta scuenta sc'uxul yo'tan, ta scuenta te poquel yu'un cha'ayinel soc ta scuenta te ach'ubtesel yu'un te Ch'ul Espíritu.

Hebreos 10:15

Ha nix hich ya yalbotic ta testigo-c'op te Ch'ul Espíritu, como nahil la yal:

Hebreos 2:4

soc ha nix Dios la yac' ta na'el te melel ta scuenta señahiletic, xchamet yo'tanic yu'un, jchahp a'teliletic, soc mahtaniletic yu'un te Ch'ul Espíritu te la spucticlan ha chican bin ut'il la sc'an yo'tan stuquel.

Hebreos 3:7

Ha yu'un, hich te bin ut'il ya yal te Ch'ul Espíritu: Teme yac awa'iybeyic sc'op yo'tic,

Hebreos 9:8

Hich ac'ot ta na'el yu'un te Ch'ul Espíritu te ma to chicanuc sbehlal te Mero Ch'ul Awilal, te c'alal teq'uel to te sba-tsahlal te Nahilpac' Templohe.

1 Pedro 1:12

A'bot sna'ic te ma ha'uc ya xc'oht ta scuentahic, ha ya xc'oht ta acuentahic te ha'exe. La yalbeyic sc'oblal te bintic la awa'iyiquix yu'un te mach'atic la yalbeyex te lec yach'il c'op ta scuenta te Ch'ul Espíritu ticombil tal ta ch'ulchan. Ha nix hich te ch'ul a'batetic, yo'tanuc xyilic te bin yac ta halbeyel sc'oblale.

2 Pedro 1:21

como te sc'op-jalwanejetic ma ba talem ta scuenta sc'anojel yo'tan ants-winic, ha cuentahinotic yu'un te Ch'ul Espíritu te winiquetic te hich c'opojic ta scuenta Dios.

1 Juan 2:20

Yan te ha'exe, la awich'iquix malel yu'un te Ch'ul Espíritu, hich apisilic yac ana'ic te bintic smelelil.

1 Juan 2:27

Pero te malel yu'un te Espíritu te awich'ojic ya xhil ta atojolic, ma fuersahuc te ay mach'a ya snohptesex. Te malel yu'un te Espíritu te awich'ojic ya ya'beyex anopic spisil, soc smelelil te malel, ma lotiluc, ha yu'un jc'axel ayinanic ta stojol Cristo, hich te bin ut'il ya'beyejex anopique.

1 Juan 5:7

Como ay oxeb te ya yalic ta testigo:

Judas 1:20

Yan te ha'ex te c'uxex ta co'tan, ac'a yipin awo'tanic te sch'uhunel awo'tanic te mero ch'ultesbil; c'oponahic Dios ta scuenta te Ch'ul Espíritu,

Apocalipsis 2:11

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ma ba ya ya'iybe sc'uxul te schebal buelta lajel, xchi.