San Juan 14:13 - Bible in Tzeltal Bachajón

¹³ Spisil te bin yac ac'ambeyic te Tatil ta scuenta jbihil, ya jpasbeyex, scuenta yu'un hich ya x'ich'ot ta muc' a te Tatil ta scuenta te Nich'anile.

Nuevo Testamento Tzeltal de Amatenango

¹³ Y spisil te tut ya akꞌanik ta jbiile, ya me kaꞌbeyex. Yuꞌun jich me ya xchiknaj slekilal a te Dios Tatil ta skuenta te Nichꞌanile.

Bible in Tzeltal de Oxchuc y Tenejapa

¹³ Spisil te bila ya ac'anbeyic te Tatil ta jwenta, ya me jpasbeyex. Jich me ya x'ac'ot ta ilel yutsilal te Tatile ta swenta te Snich'ane.

San Juan 14:13 ပူးပေါင်းရင်းမြစ်များ

San Mateo 21:22

Spisil te bin yac ac'anic ta sc'oponel Dios, teme ya xch'uhun awo'tanic, ya me x'a'botex, xchi.

San Mateo 7:7

C'anahic, hich me ya x'a'botex. Lehahic, hich me yac atahic ta lehel. C'opojanic, hich me ya xjambotex.

San Marcos 11:24

Ha yu'un ya calbeyex, spisil te bin yac ac'anic ta sc'oponel Dios, ch'uhunahic te ya x'a'botex, hich me ya x'a'botex.

San Lucas 11:9

Ha yu'un ya calbeyex: C'anahic, hich me ya x'a'botex; lehahic, hich me yac atahic ta lehel; c'opojanic, hich me ya xjambotex.

San Juan 10:30

Jun ayon soc te Jtate, xchi.

San Juan 12:44

Tulan c'opoj te Jesús, hich la yal: Te mach'a ya sch'uhunon, ma ba jtuquel ya sch'uhunon, ha ya sch'uhun te mach'a la sticonon tale;

San Juan 13:31

C'alal loq'uix bahel a te Judas, la yal te Jesús: Yo'tic ya x'ac'otix ta ich'el ta muc' te Nich'anil ay ta scuenta winic, soc ya x'ich'otix ta muc' te Dios ta scuenta.

San Juan 14:14

Teme ay bin yac ac'ambeyic Dios ta scuenta jbihil, ya jpasbeyex, xchi.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 15:16

Ma ha'uquex la atsahonic, ho'on la jtsahex soc la jcaq'uex yu'un ya xbahex soc ya sitinex, soc te sit yac awaq'uic ma ba ya xch'ay; scuenta yu'un spisil te bin yac ac'ambeyic te Tatil ta scuenta jbihil, ya me ya'beyex.

San Juan 15:7

Teme jc'axel yac awac' abahic ta jtojol soc teme ya x'ayin ta awo'tanic te jc'ope, c'anahic spisil bin ya sc'an awo'tanic, ya me x'a'botex.

San Juan 16:23

Ta hich ora mayuc bin yac ajoc'oboniquix a. Tulan sc'oblal ya calbeyex, spisil te bin yac ac'ambeyic te Jtat ta scuenta jbihil, ya me ya'beyex.

San Juan 16:26

Ta hich ora ay bintic yac ac'ambeyic ta scuenta te jbihile, soc ma ba ya calbeyex te ho'on ya jc'ambe te Tatil ta acuentahic,

San Juan 16:7

Pero ya calbeyex te bin smelelil: Scuenta awutsil alequilic te ya xbohon, yu'un teme ma ba ya xbohon, ma ba ya xtal ta atojolic te Joquinwanej; yan teme ya xbohon, ya jticombeyex tal.

San Juan 4:10

Te Jesús la yalbe te antse: Te yacuc ana'be sba te mahtanil yu'un Dios soc te mach'a a te hich ya yalbat: A'bon cuch' ha', te xchihe, ha'at la ac'ambe awuch' ha', soc ha ya ya'bat awuch' te cuxul ha' te hichuque, xchi.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

San Juan 5:19

La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,

San Juan 7:37

Ta slajibal sc'ahc'alel te q'uin te tulan sc'oblal, la stehc'an sba te Jesús, tulan la yal: Te mach'a taquin yo'tan, ac'a taluc ta jtojol soc ac'a yuch'.

1 Corintios 14:13

Ha yu'un te mach'a ya xc'opoj ta yan c'op, ac'a sc'ambe Dios te yacuc xhu' yu'un te ya sc'ases.

Efesios 2:18

como ha ta scuenta te pajal ya xhu' ya x'ochotic ta stojol te Tatil ta scuenta junax Espíritu.

Efesios 3:12

Ta scuenta Cristo soc ta scuenta sch'uhunel co'tantic ta stojol, jun co'tantic ya xhu' ya xnohpojotic ta stojol Dios.

Efesios 3:14

Ha scuentahil te ya jquejan jba ta stojol te Stat te Cajwaltic Jesucristo,

Filipenses 4:13

Spisil ya xhu' cu'un ta scuenta Cristo te ya ya'bon yip co'tan.

Colosenses 3:17

Spisil te bintic yac apasic, teme ta ac'opic o te bin yac apasic, pasahic spisil ta scuenta sbihil te Cajwaltic Jesús, soc halbeyahic wocol te Jtatic Dios ta scuenta.

Hebreos 13:15

Ha yu'un ta scuenta Jesús spisiluc me ora ac'a calbetic yutsil sc'oblal te Diose, te ha milbil mahtanil cu'untic c'ohem, ha te jc'optic te ya yalbe ta jamal te sbihile.

Hebreos 4:15

Como te muc'ul sacerdote cu'untic ma yu'unuc ma sna'botic yo'bolil jbahtic yu'un te mayuc quiptic, como hich nix la ya'iy tsajel ta spisil hich te bin ut'il te ho'otic, pero ma ba stahoj smul stuquel.

Hebreos 7:25

Ha scuentahil te ya xhu' ya scoltay sbahtel q'uinal te mach'atic ya xnohpojic ta stojol Dios ta scuenta, como stalel cuxul yu'un ya xc'opoj ta scuentahic.

Santiago 1:5

Teme ay mach'a mayuc sp'ijil yo'tan, ac'a sc'ambe Dios, ma p'isbiluc nax ya yac' stuquel soc mayuc mach'a ya sp'aj, ya me x'a'bot yu'un.

Santiago 5:16

Talel c'axel halbeya abahic te amulique, soc talel c'axel c'opombeya abahic Dios, scuenta yu'un hich me ya xlecubex ta chamel a. Te ya sc'opon Dios te mach'a toj yo'tan, ay yu'el soc bayel bin ya xc'oht ta pasel yu'un.

1 Pedro 2:5

Ha nix hichex, te bin ut'il cuxul tonex, ac'a abahic ta pasel ta na scuenta espíritu soc ta ch'ultesbil sacerdotehil, scuenta yu'un yac awaq'uic mahtaniletic scuenta espíritu te ich'bilic ta cuenta yu'un Dios ta scuenta te Jesucristo.

1 Juan 3:22

soc ha ya ya'botic spisil bintic ya jc'ambetic, como ya jch'uhumbetic te mandariletic yu'un soc ya jpastic te bin lec yo'tan yu'une.

1 Juan 5:14

Ha smuc'ul co'tantic ini ta stojol Dios: teme hich ya jc'ambetic te bin ya sc'an yo'tan stuquel, ya ya'iyotic.