San Juan 13:5 - Bible in Tzeltal Bachajón

⁵ Patil, la yac' ha' ta jahy, hahch spocticlambe yoc te jnopojeletic yu'un, soc la scusticlambe ta toalla te bech'el ta sch'uyomba.

Nuevo Testamento Tzeltal de Amatenango

⁵ Te nax a la skꞌeb jaꞌ ta jun basija y lijk spokbe yok te jnopojeletik yuꞌune, y la stakutesbe ta toaya te chukul ta xchꞌujte.

Bible in Tzeltal de Oxchuc y Tenejapa

⁵ La sq'ueb ja' ta vasija. Caj spocbey yacan te jnopojeletic yu'une, soc la staquintesbey ta toalla te chucul ta xch'ujt'e.

San Juan 13:5 ပူးပေါင်းရင်းမြစ်များ

Génesis 18:4

Ya jc'an tal jtebuc ha' yu'un yac apoc awoquic a, patil yac acux awo'tanic ta ye'tal te'.

Génesis 19:2

hich la yal: Jtatiquetic, awocoluc conic ta sna te a'bat awu'un, yu'un yac apoc awoquic soc ya xwayex tey a, ta sab pajel ya xhahchex xan bahel, xchi. La sjaq'uic: Ma'uc, ya xwayotcotic ta calle ha'i ahc'abal ini, xchihic.

Génesis 43:24

Te winic la yic' ochel ta sna te José, la yich'be tal ha' yu'un ya spoc yoquic a, soc a'bot swe'el te sburrohique.

2 Reyes 3:11

Pero la yal te Josafat: ¿Ma bal ayuc jalwanej yu'un Jehová li'i te ya xhu' ya joc'obetic Jehová ta scuenta? xchi. Ay jtuhl a'bat yu'un te ajwalil yu'un Israel, hich la yal: Li' ay te Eliseo snich'an Safat, te a'bat yu'un Elías, xchi.

Salmos 51:2

¡Pocbon loq'uel spisil te bin chopol jpasoj, lecubtesawon yu'un te jmule!

Éxodo 29:4

Ya me awic' bahel te Aarón soc snich'nab ta yochibal te Nahilpac' Templo yu'un tahojibal, ya me apocticlan ta ha'.

Isaías 1:16

Poca abahic, lecubtesa abahic, loq'uesa bahel ta jsit te chopol awa'telic; ihquitayahic hilel spasel te bin ma lecuc,

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

Levítico 14:8

Te mach'a ya yich' lecubtesel ya me sac' te sc'u' spac', ya squits' spisil stsotsel, soc ya spoc sba scohtol ta ha', hich ya xlecub sc'oblal. Patil ya xhu' ya x'och ta campamento, pero huqueb c'ahc'al ya x'ayin ta fuera yu'un te snahilpac'.

Zacarías 13:1

Ta hich ora ya yich' jamel sloq'uib-ha' yu'un te sna David soc te mach'atic nahinemic ta Jerusalén scuenta spoquel mulil soc te bin bohloben sc'oblale.

San Lucas 7:38

teq'uel hulel ta spat ta banti yoc, yac ta oq'uel, hahch spocbe yoc ta ya'lel sit soc la scusbe ta stsotsel sjol, la yuhts'uybe yoc soc la smalbe ta perfume.

San Lucas 7:44

Hich la sut sit ta stojol te antse, la yalbe te Simón: ¿La bal awilix te ants ini? C'alal ochon ta ana, ma ba la awa'bon ha' jpoc coc a. Yan te ants ini la spocbon coc ta ya'lel sit soc la scusbon ta stsotsel sjol.

San Juan 13:10

Halbot yu'un te Jesús: Te mach'a atinemix, ha xanix ya sc'an pocbeyel yoc, hich me scohtol pocbil ya xc'oht a. Te ha'ex pocbilexix, aunque ma apisilicuc, xchi sc'oblalic.

San Juan 13:6

C'alal c'oht ta stojol te Simón Pedro, la yal te Pedro: Cajwal, ¿ha'at bal c'an apocbon coc? xchi.

San Juan 13:8

La yal te Pedro: Mayuc bin ora yac apocbon coc, xchi. Teme ma ba ya jpocat, yu'un nix ma cu'unucat a, xchi te Jesús.

San Juan 19:34

Pero ay jtuhl soldado te la slowbe smochbaquel ta lanza, ora loc' ch'ich' soc ha'.

Hechos 22:16

Yo'tic, ¿bin ya scomat? Hahchan, ac'a aba ta a'beyel awich' ha' soc poca loq'uel amul, c'opona te Diose, xchi.

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

Efesios 5:26

yu'un ya sch'ultes, c'alal lecubtesbil yu'un ta scuenta spoquel ta ha' ta scuenta te sc'ope,

1 Timoteo 5:10

te lec sc'oblal yu'un te lec ya'tel: ha teme ay scoltesej yalatac, teme bayel yutsil yo'tan ya x'otseswan ta sna, teme ay la spocticlambe yoc mach'atic ch'uhltesbilic, teme ay la sc'uxultaylan mach'atic ay swocolic, teme ya'telinej spasel spisil lequil a'teliletic.

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

1 Juan 5:6

Ha te Jesucristo te tal ta scuenta ha' soc ch'ich'. Ma ha'uc nax ta scuenta ha', ta scuenta ha' soc ch'ich'. Soc ha te Espíritu te ya yal ta testigo, como te Espíritu ha te bin smelelile.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.

Jueces 19:21

Hich la yic'ticlan bahel ta sna soc la ya'be swe'el te burrohetic yu'une; la spocbe yoquic, hahchic ta we'el uch'el.

1 Samuel 25:41

Hahch te Abigail, la snijan sba ta lum, hich la yal: Li' ay te a'bat awu'un te ya spocbe yoc te a'batetic yu'un te cajwal, xchi.