San Juan 13:38 - Bible in Tzeltal Bachajón

³⁸ La sjac' te Jesús: ¿Ya bal awac' ta lajel acuxlejal ta jcuenta? Tulan sc'oblal ya calbat, te ma to x'oc' mut a, oxeb buelta yac amucon ta awo'tan, xchi sc'oblal.

Nuevo Testamento Tzeltal de Amatenango

³⁸ Te Jesuse la sjakꞌbe: —¿Me jicha ya awal te dispuesto ayat te ya awakꞌ aba ta milel ta jkaje? Yuꞌun jamal ya kalbeyat: Antes ma to xꞌok a te tat kꞌoe, oxmelix la amukon ta awoꞌtan a —xyut.

Bible in Tzeltal de Oxchuc y Tenejapa

³⁸ Jesús la yalbey: —¿Ya bal awac' aba ta lajel cu'un? Jamal ya calbat: Ma to x'oc' mut yo'tic a te ya amucon ta awo'tan oxeb bueltae —la yut.

San Juan 13:38 ပူးပေါင်းရင်းမြစ်များ

Proverbios 16:18

Ha nahil te toybahil, patil te jinele, ha nahil te toybahil, patil te yahlele.

Proverbios 28:26

Ha sonso te mach'a ya smuc'ulin sba yo'tan, yan te mach'a ya xbehen ta sbehlal p'ijil-o'tanil libre ya xc'oht yu'un.

Proverbios 29:23

Ya xpehc'anot yu'un stoybahil te winique, yan te mach'a peq'uel yac'oj sba ya me x'ich'ot ta muc'.

San Mateo 26:34

Hich halbot yu'un te Jesús: Jamal ya calbat te yo'tic ta ahc'abal ma to x'oc' tat mut a yac amucon ta awo'tan oxeb buelta, xchi sc'oblal.

San Marcos 14:30

Halbot yu'un te Jesús: Jamal ya calbat, yo'tic ta ahc'abal, c'alal ma to x'oc' cheb buelta a te tat mut, oxeb buelta yac amucon ta awo'tan, xchi sc'oblal.

San Lucas 22:33

La yal te Pedro: Cajwal, ma ha'uc nax chapalon te ya joquinat bahel ta cárcel, ha nix hich chapalon ya joquinat ta milel, xchi.

San Lucas 22:34

Halbot yu'un te Jesús: Pedro, ya calbat te ma to x'oc' mut yo'tic a te yac awal oxeb buelta te ma ba yac ana'bon jba, xchi sc'oblal.

San Juan 16:31

La sjac' te Jesús: ¿La bal ach'uhuniquix?

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

Hechos 11:10

Oxeb buelta hich c'oht ta pasel, patil ich'ot mohel ta ch'ulchan te sábana.

1 Corintios 10:12

Ha yu'un te mach'a ya scuy te ay yip ta tec'lej, ac'a stsahtay sba te ma ba ya xyahle.