San Juan 13:34 - Bible in Tzeltal Bachajón

³⁴ Ay jun yach'il mandaril ya calbeyex: Talel c'axel c'ux xawa'iy aba ta awo'tanic; hich te bin ut'il c'ux la jca'iyex ta co'tan, ha nix hich talel c'axel c'ux xawa'iy abahic ta awo'tanic.

Nuevo Testamento Tzeltal de Amatenango

³⁴ Ya kaꞌbeyex te achꞌ mantal to: Te kꞌux me xꞌawaꞌi abaik ta juju-tule, jich te tutꞌil kꞌux a kaꞌiyexe, jich me kꞌux ya awaꞌi abaik ta juju-tul te jaꞌexe.

Bible in Tzeltal de Oxchuc y Tenejapa

³⁴ Ta ora to ya calbeyex yach'il mandalil: C'ux me x'awaiy abaic ta awo'tanic, jich te bit'il c'ux la caiyex ta co'tane.

San Juan 13:34 ပူးပေါင်းရင်းမြစ်များ

Salmos 119:63

Ha jmohlol spisil te mach'atic ya xi'at, te ya sch'uhunic spasel te mandariletic awu'une.

Salmos 16:3

Te mach'atic ch'uhltesbilic te ayic ta q'uinal, te mach'atic ay yutsil yo'tanic ha te ya smulan te co'tane.

Levítico 19:18

Ma xapac ac'abal, soc ma xaq'uej ilimba ta awo'tan ta stojol te alumale, c'ux me xawa'iy ta awo'tan apat-axuhc hich te bin ut'il c'ux yac awa'iy aba te ha'ate. Ho'on, Jehovahon.

Levítico 19:34

Hichuc me ta awo'tanic te bin ut'il alumal te jyanlum te ya xnahin ta awohlilic, c'ux me xawa'iy ta awo'tanic hich te bin ut'il c'ux yac awa'iy aba, como hich nix jyanlum ayinex ta sq'uinal Egipto. Ho'on, Jehovahon, te Dioson awu'unique.

San Mateo 5:44

Pero ho'on ya calbeyex: C'ux me xawa'iy ta awo'tanic te acontra, lecuc me xac'oponic te mach'atic ya yixta'c'optayex, lecuc bin yac apasbeyic te mach'atic ya sp'ajex, soc c'opombeyahic Dios te mach'atic ya yuts'inex,

San Juan 15:17

Ya jpasex ta mandar: Talel c'axel c'ux me xawa'iy aba ta awo'tanic.

San Juan 17:21

scuenta yu'un junax ya xc'ohtic spisilic a; hich te bin ut'il jun ayotic, Jtat, ha'uc nix hich jun ya x'ayinic ta jtojoltic, scuenta yu'un hich me ya sch'uhunic te mach'atic ayic ta bahlumilal te ha'at la aticonon tale.

Romanos 12:10

Talel c'axel c'ux me xawa'iy abahic te bin ut'il awermano abahic; talel c'axel me xawich' abahic ta muc'.

Romanos 13:10

Te sc'uxul-o'tanil ma ba ya spasbe te bin chopol te spat-xuhc; ha yu'un te sc'ohtesel ta pasel te Ley, ha te sc'uxul-o'tanile.

Romanos 13:8

Ma me ayuc mach'a ay abetic yu'un, ha nax me abetic te c'ux yac awa'iy abahique, como te mach'a c'ux ya ya'iy ta yo'tan te spat-xuhc, hich hu'em yu'un spasel te bin ya yal te Ley,

Gálatas 5:22

Yan te sit ya yac' te Espíritu, ha te sc'uxul-o'tanil, tse'el-o'tanil, lamal q'uinal, ya xcuhch yu'un, yutsil-o'tanil, jun-o'tanil, sch'uhunel-o'tanil,

Gálatas 5:6

como ta stojol Cristo Jesús ma ha'uc ay sc'oblal teme quich'ojtic circuncisión o teme ma ba quich'ojtic circuncisión, ha ay sc'oblal te ay sch'uhunel co'tantic te ya x'a'tej ta scuenta sc'uxul co'tantic.

Gálatas 6:10

Ha yu'un, ha chican ban c'alal ya xhu' cu'untic, ac'a jpastic te bin lec ta pasel ta stojol spisil yantic, soc c'ax hich a ta stojol te mach'atic pajal ay sch'uhunel co'tantic soque.

Gálatas 6:2

Talel c'axel me xacoltay abahic ta scuchel awocolic, hich yac ac'ohtesic ta pasel a te ley yu'un Cristo.

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Colosenses 1:4

yu'un ca'iyejcotic te ay sch'uhunel awo'tanic ta stojol te Cristo Jesús soc te c'ux yac awa'iy ta awo'tanic spisil mach'atic ch'ultesbilic.

1 Tesalonicenses 3:12

Te Cajwaltic ac'a yac' muc'ubuc soc p'ohluc bin ut'il c'ux yac awa'iy abahic ta awo'tanic soc te sc'uxul awo'tanic ta stojol spisilic, hich te bin ut'il yac jpasbelcotic ta atojolic.

2 Tesalonicenses 1:3

Ya sc'an te spisil ora ya calbecotic wocol Dios ta acuentahic, quermanotac, como hich ya sc'an pasel, como behbe muc'ubel te sch'uhunel awo'tanique, soc te sc'uxul awo'tanic yac ta p'ohlel ta stojol yantic.

Hebreos 13:1

Spisiluc me ora talel c'axel c'ux yac awa'iy abahic te bin ut'il awermanohix abahique.

Santiago 2:8

Lec te bin yac apasic teme smelelil yac ac'ohtesic ta pasel te Ley te toyol ay, te hich ya yal ta Shun Dios: C'ux me xawa'iy ta awo'tan te apat-axuhc hich te bin ut'il c'ux yac awa'iy aba, te xchihe.

1 Pedro 1:22

Te bin ut'il la alecubtesbeyex ach'uhlelic ta scuenta te la ach'uhunic te smelelil c'op, ta scuenta te Espíritu, te hich c'ux yac awa'iy abahic ta awo'tanic ta melel, talel c'axel c'ux me xawa'iy abahic ta spisil awo'tanic,

2 Pedro 1:7

teme la ach'uhunic ta lec, ya sc'an te jun awo'tanic soc awermanotac; teme jun awo'tanic soc awermanotac, ya sc'an te ay sc'uxul awo'tanic.

1 Juan 3:11

Hich ay te c'op te awa'iyejic ta shahchibal to tal: ha te talel c'axel c'ux ac'a ca'iy jbahtic.

1 Juan 3:23

Soc ha smandar ini: ha te ya jch'uhumbetic te sbihil te Snich'an, ha te Jesucristo, soc te talel c'axel c'ux ya ca'iy jbahtic, hich te bin ut'il la spasotic hilel ta mandar.

1 Juan 4:21

Hich pasbilotic ta mandar yu'un te Diose: Te mach'a c'ux ta yo'tan te Dios, ha nix hich c'uxuc me ac'a ya'iy ta yo'tan te yermano, xchi.

2 Juan 1:5

Yo'tic, jnantic, ya calbat wocol te talel c'axel c'uxuc ya ca'iy jbahic. Ma ba ya jts'ihbabat yach'il mandaril, ha nix te quich'ojtic ta shahchibal to.