San Juan 13:31 - Bible in Tzeltal Bachajón

³¹ C'alal loq'uix bahel a te Judas, la yal te Jesús: Yo'tic ya x'ac'otix ta ich'el ta muc' te Nich'anil ay ta scuenta winic, soc ya x'ich'otix ta muc' te Dios ta scuenta.

Nuevo Testamento Tzeltal de Amatenango

³¹ Lokꞌemix bael a te Judase, te Jesuse la yal: —Te ora to ya xꞌakꞌot ta ilel te slekilal te Nichꞌanile, y te slekil te Diose ya xchiknaj ta stojol.

Bible in Tzeltal de Oxchuc y Tenejapa

³¹ Te c'alal loq'uix bael a te Judase, jich la yal te Jesuse: —Ta ora to ya x'ac'ot ta ilel yutsilal te Nich'anile soc ja' nix ta swenta te ya x'ac'ot ta ilel yutsilal te Diose.

San Juan 13:31 ပူးပေါင်းရင်းမြစ်များ

San Mateo 8:20

Pero la yal te Jesús: Te waxetic ay sch'enic, soc ay spechechic te ha'mal mutetique, yan te Nich'anil ay ta scuenta winic ma xweht ta banti ya smehtsan sba stuquel, xchi.

San Lucas 12:50

Pero ya sc'an te nahil ya xc'ax jwocol, soc ¡bayel jwocol ya ca'iy ha to c'alal ya xc'oht ta pasel!

San Juan 11:4

C'alal la ya'iy te Jesús, hich la yal: Te chamel yich'oj, ma yu'unuc ya xcham yu'un, ha ya x'ich'ot ta muc' a te Diose, scuenta yu'un ha ya x'ich'ot ta muc' a te Snich'an Dios, xchi.

San Juan 12:23

La yal te Jesús: La stahix yorahil te ya x'ac'otix ta ich'el ta muc' te Nich'anil ay ta scuenta winic.

San Juan 12:28

Jtat, ac'a ta ich'el ta muc' te abihile, xchi te Jesús. Tal c'op ta ch'ulchan te la yal: Cac'ojix ta ich'el ta muc', soc ya cac' xan ta ich'el ta muc', xchi.

San Juan 14:13

Spisil te bin yac ac'ambeyic te Tatil ta scuenta jbihil, ya jpasbeyex, scuenta yu'un hich ya x'ich'ot ta muc' a te Tatil ta scuenta te Nich'anile.

San Juan 16:14

Ha me ya yac'on ta ich'el ta muc', como ya yich' te bin ay cu'un, ha ya ya'beyex ana'ic.

San Juan 7:39

Ha la yalbe sc'oblal te Espíritu te ya x'a'botic te mach'atic ya sch'uhunique. Como ma to ba talem a te Ch'ul Espíritu, yu'un ma to ba ac'ot ta ich'el ta muc' a te Jesuse.

Hechos 2:36

Spisil Israel, na'ahic me ta mero melel: Te Jesús te la amilic ta cruz, Dios la yac' te ha Ajwalil soc ha Cristo c'oht, xchi te Pedro.

Hechos 3:13

Ha nix te Dios yu'un Abraham, Isaac, Jacob, soc te Dios yu'un te jme'jtatic, la yac' ta ich'el ta muc' te Snich'an, ha te Jesús, ha nix te mach'a la awaq'uic ta c'abal soc te la amuc ta awo'tanic ta stojol Pilato te c'alal c'an scoltay bahel stuquel.

2 Corintios 3:18

Ha yu'un ta jpisiltic, te ma ba macbilix ta pac' te jsit quelawtic, te yacotic ta yilbeyel yutsil te Cajwaltic hich te bin ut'il ta espejo, yacotic ta yanijel te pajal quileltic soc, te behbe quich'bel cutsilaltic, ta scuenta ya'tel te Cajwaltic, te ha nix te Espíritu.

Efesios 1:12

scuenta yu'un ya xhalbot yutsil sc'oblal ta jcuentacotic, ho'otcotic te nahil smuc'ulinej co'tancotic te Cristohe.

Efesios 2:7

scuenta yu'un ya yac' ta ilel ta patil bahel te c'ax bayel sc'uhlejal te yutsil yo'tan te chican ta scuenta te lec yo'tan ta jtojoltic ta scuenta Cristo Jesús.

Efesios 3:10

scuenta yu'un ta ora ini, ta scuenta te iglesia, spisil mach'atic ayic ta ch'ulchan te ay yu'elic soc te ay ya'telic ya me x'a'bot sna'ic te c'ax bayel sp'ijil yo'tan te Diose,

Filipenses 2:11

soc spisilic ya me yalic ta jamal te ha Ajwalil te Jesucristo, scuenta yutsil sc'oblal ya xc'oht te Jtatic Dios yu'une.

1 Pedro 1:21

Ha nix ta scuenta te yac ach'uhunic Dios, ha te mach'a la scha'cuxajtes ta yohlil mach'atic chamenic soc la ya'be yutsilal, ha scuentahil te awac'oj sch'uhunel awo'tanic soc smuc'ul awo'tanic ta stojol te Diose.

1 Pedro 2:12

Lecuc me bin yac apasic ta stojol mach'atic ma ba sch'uhunejic Dios, aunque ya yalbeyex ac'oblalic te ha chopol bintic yac apasic, ya me yilbeyex te lec awa'telic, hich ya yalbe yutsil sc'oblal te Dios te bin c'ahc'alil ya xtale.

1 Pedro 4:11

Teme ay mach'a ya xc'opoj, hich ac'a c'opojuc te bin ut'il mach'a yac ta yalel te bintic yaloj te Diose; teme ay mach'a ya yac' sba ta a'batinel, ac'a me spas ta scuenta te yip te ya x'a'bot yu'un Dios, scuenta yu'un ta spisil ya xhalot yutsilal Dios ta scuenta te Jesucristo, te ha yu'un te utsilal soc te yu'el scuenta sbahtel q'uinal. Hichuc.