San Juan 13:14 - Bible in Tzeltal Bachajón

¹⁴ Teme ho'on, te Ajwalilon soc te Maestrohon awu'unic, la jpocbeyex awoquic, ha nix hich ya sc'an te talel c'axel yac apocbe aba awoquique.

Nuevo Testamento Tzeltal de Amatenango

¹⁴ Jaꞌ yuꞌun ya skꞌan ya apokbeya aba awokik jich tutꞌil te la jpokbeyex awokik te joꞌon te maestroon awuꞌunike sok te Ajwalilon awuꞌunike.

Bible in Tzeltal de Oxchuc y Tenejapa

¹⁴ Te bit'il maestroon soc ajwalilon awu'unic te la jpocbeyex awacanique, jich nix ya sc'an ya apocbey aba awacanic te ja'exe.

San Juan 13:14 ပူးပေါင်းရင်းမြစ်များ

San Juan 11:2

(Te María, te ha sbanquil te Lázaro te ay ta chamel, ha nix te la smalbe perfume te Cajwaltic soc te la scusbe ta stsotsel sjol te yoque.)

Hechos 20:35

Ta spisil ini la jca'beyex anopic, teme hich ya x'a'tejex, ya xhu' yac acoltayic te mach'atic mayuc bin ay yu'unic. Soc na'ahic me te bin la yal te Cajwaltic Jesús: Ha bayel xan yutsil te mach'a ay bin ya yac' te bin ut'il ay bin ya yich', te xchihe, xchi.

Romanos 12:10

Talel c'axel c'ux me xawa'iy abahic te bin ut'il awermano abahic; talel c'axel me xawich' abahic ta muc'.

Romanos 12:16

Junuc me awo'tan abahic. Ma me xatoy abahic, joquinahic te mach'atic peq'uel ayique. Ma me p'ijuc xacuy abahic.

1 Corintios 12:3

Ha yu'un ya ca'beyex ana'ic te mayuc mach'a te ya xc'opoj ta scuenta te Espíritu yu'un Dios te ya yal: Bohlobuc sc'oblal Jesús, soc mayuc mach'a ya xhu' ya yal: Ha Ajwalil te Jesús, te xchihe, te ma ha'uc ya yal ta scuenta te Ch'ul Espíritu.

1 Corintios 8:13

Ha yu'un teme ta scaj we'elil ya xyahl te quermano, ha lec te mayuc bin ora ya jwe' ti'bal, scuenta yu'un ma ba ya cac' te ya sc'ohchin sba a te quermanohe.

2 Corintios 10:1

Ho'on Pablohon ya calbeyex wocol ta scuenta bin ut'il manso yo'tan soc lec yo'tan te Cristo, ho'on te peq'uel ayon te c'alal ayon ta awohlilic, yan te c'alal ma ba ayon ta awohlilic tulan ya cac' jba ta atojolic ta ac'opic;

2 Corintios 8:9

Ana'ojiquix te yutsil yo'tan te Cajwaltic Jesucristo, aunque jc'uhlej, ha pobre c'oht ta acuentahic, scuenta yu'un ha'ex jc'uhlejex ya xc'ohex ta scuenta spobrehil.

Gálatas 5:13

Ha'ex, quermanotac, ic'bilex scuenta yu'un libre ya x'ayinex; pero ma yu'unuc libre ayex ta spasel te bin ya smulan abaq'uetalic; ha me ya sc'an te talel c'axel yac awa'batin abahic ta scuenta sc'uxul awo'tanic.

Filipenses 2:11

soc spisilic ya me yalic ta jamal te ha Ajwalil te Jesucristo, scuenta yutsil sc'oblal ya xc'oht te Jtatic Dios yu'une.

1 Timoteo 5:10

te lec sc'oblal yu'un te lec ya'tel: ha teme ay scoltesej yalatac, teme bayel yutsil yo'tan ya x'otseswan ta sna, teme ay la spocticlambe yoc mach'atic ch'uhltesbilic, teme ay la sc'uxultaylan mach'atic ay swocolic, teme ya'telinej spasel spisil lequil a'teliletic.

Hebreos 12:2

ac'a jt'ojan jsitic ta Jesús, te mach'a la shach soc te ya shu'tes te sch'uhunel co'tantic, ha te mach'a la sc'ases swocol ta cruz yu'un la sna' te ya sta bayel yutsil yo'tan ta patil, mayuc sc'oblal ta yo'tan te q'uexlal yu'une, soc la shuhcan sba ta swa'el te smuc'ul huctajib te Diose.

1 Pedro 4:1

Ha yu'un, te bin ut'il c'ax swocol te Cristo ta sbaq'uetal ta jcuentatic, ya sc'an te hich nix ay te co'tantic te bin ut'il ay te yo'tane, como te mach'a c'axemix swocol ta sbaq'uetal lajix sc'oblal mulil ta yo'tan;

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.