San Juan 13:1 - Bible in Tzeltal Bachajón

¹ Ma to sta yorahil Q'uin Pascua a, te Jesús sna'oj te c'ohtix yorahil te ya yihquitayix hilel te bahlumilal soc te ya xbahtix ta stojol te Tatile. C'ux la ya'iy ta yo'tan te mach'atic ay yu'un ta bahlumilal, c'ux la ya'iy ta yo'tan ha to c'alal ta slajibal.

Nuevo Testamento Tzeltal de Amatenango

¹ Pajel xanix ya xlijk a te kꞌin Pascuae. Te Jesuse snaꞌoj te kꞌotix yorail te ya sjiles te balmilal to, yuꞌun ya sujt bael te ba sTate. Te Jesuse sil tiempo kꞌux a yaꞌiy ta yoꞌtan te machꞌatik ay yuꞌun ta balmilale, y jich lom kꞌux ta yoꞌtan jaꞌto te kꞌalal bajte.

Bible in Tzeltal de Oxchuc y Tenejapa

¹ Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.

San Juan 13:1 ပူးပေါင်းရင်းမြစ်များ

Proverbios 8:31

tse'el co'tan yu'un te bahlumilal, te lumq'uinal yu'un, soc tse'el co'tan yu'un te ants-winiquetique.

Jeremías 31:3

Te Jehová nameyix la yac' sba ta ilel ta jtojolt, hich la yal: Sbahtel q'uinal c'uxat ta co'tan; ha yu'un te la jcac' halajuc ta atojol te c'uxultayel cu'une.

San Mateo 26:45

Cha'suht xan tal te banti ay te jnopojeletic yu'un, hich hul yalbe: ¡Wayaniquix soc cuxa awo'tanic! La stahix yorahil, te Nich'anil ay ta scuenta winic ya x'ac'otix ta sc'ab jmulawiletic.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

San Lucas 22:53

Jujun c'ahc'al la joquinex ta Templo, ma ba la atsaconic tey a; pero la stahix yorahil te ya xhu' awu'unic soc ha yorahil te ay yip te yihc'al q'uinale, la yut.

San Lucas 9:51

C'alal nopol ya stahix yorahil te ya x'ic'ot mohel ta ch'ulchan te Jesús, ay yip yo'tan te ya xbaht ta Jerusalén.

San Juan 11:55

Nopol sta yorahil a te Q'uin Pascua yu'un te judíohetic, tsobolic hahchic bahel tey a, bahtic ta Jerusalén yu'un ya slecubtes sbahic te ma to sta yorahil Pascua a.

San Juan 12:23

La yal te Jesús: La stahix yorahil te ya x'ac'otix ta ich'el ta muc' te Nich'anil ay ta scuenta winic.

San Juan 13:29

Te bin ut'il yich'oj te yawil taq'uin te Judas, ay la scuyic te halbot yu'un Jesús te yacuc sman tal te bin ya xtuhun yu'unic ta q'uin, o te ay bin ya xbaht ya'be jtebuc te pobrehetique.

San Juan 13:3

Sna'oj te Jesús te spisil a'bibil ta sc'ab yu'un te Tatil, soc te hahchem tal ta stojol Dios soc te ya suhtix bahel ta stojol Dios;

San Juan 13:34

Ay jun yach'il mandaril ya calbeyex: Talel c'axel c'ux xawa'iy aba ta awo'tanic; hich te bin ut'il c'ux la jca'iyex ta co'tan, ha nix hich talel c'axel c'ux xawa'iy abahic ta awo'tanic.

San Juan 14:28

La awa'iyiquix te la jcalbeyex: Ya xbohon, pero ya xcha'talon ta atojolic, te xchihone. Te ha'uc c'uxon ta awo'tanic, tse'el awo'tanic yu'un te ya xbohon ta banti ay te Jtate, como ha toyol cu'un te Jtate.

San Juan 14:31

pero ya jpas te bin la spason tal ta mandar te Tatil scuenta yu'un ya sna'ic te mach'atic ayic ta bahlumilal te c'ux ta co'tan te Tatile. Hahchanic, ya xbohotiquix.

San Juan 16:28

Talemon ta stojol te Tatil soc hulemon ta bahlumilal; yo'tic ya quihquitayix hilel te bahlumilal, ya xbohonix ta stojol te Tatile, xchi.

San Juan 17:1

C'alal hich laj yalbel Jesús, la shach mohel sit ta ch'ulchan, hich la yal: Jtat, c'ohtix yorahil: ac'a ta ich'el ta muc' te Anich'an scuenta yu'un hich ya yac'at ta ich'el ta muc' a te Anich'ane,

San Juan 17:16

Ma ba ayic ta scuenta te bahlumilal, hich te bin ut'il ma ba ayon ta scuenta te bahlumilale.

San Juan 17:26

La jca'beyix sna'ic te abihile, soc ya to ca'be xan sna'ic, scuenta yu'un te sc'uxul awo'tan te ay ta jtojol ha nix hich ay ta stojolic, soc te junuc ayon soque, xchi ta sc'oponel Dios te Jesús.

San Juan 17:5

Yo'tic, Jtat, a'bon quich' xan cutsilal ta atojol, ha te utsilal ay cu'untic te c'alal ma to ayuc a te bahlumilale.

San Juan 18:4

Pero te Jesús, te bin ut'il sna'oj spisil bintic ya x'ochix ta pasbeyel, nahil baht sta, hich la yalbe: ¿Mach'a yac alehic? xchi.

San Juan 19:28

Patil, te bin ut'il sna'oj Jesús te spisil hu'emix ta pasel, la yal: Taquin co'tan, xchi, scuenta yu'un hich ya xc'oht ta pasel a te bin ya yal te Shun Diose.

San Juan 2:13

Nopol sta yorahil Q'uin Pascua yu'un te judíohetic, hich mo bahel ta Jerusalén te Jesús.

San Juan 6:4

Nopol sta yorahil Q'uin Pascua yu'un te judíohetique.

San Juan 7:30

Ha yu'un c'an stsaquic, pero mayuc mach'a la stsac, como ma to stahoj yorahil yu'un a.

San Juan 7:6

Ha yu'un halbotic yu'un te Jesús: Ma to ba stahoj yorahil cu'un, yan te ha'exe spisil ora lec te yorahil awu'unique.

San Juan 8:20

Ay ta banti ya yich' tsobel smahtan Dios a te hich la yal te Jesús, te c'alal yac ta p'ijubteswanej ta Templo a. Mayuc mach'a tsacot yu'un, como ma to ba stahoj yorahil yu'un a.

Romanos 8:37

Ta spisil ini, ho'otic jc'axel ya ca'iytic tsalaw ta scuenta te Mach'a c'ux la ya'iyotic ta yo'tane

1 Corintios 1:8

ha te mach'a ya ya'beyex yip awo'tanic yalel c'alal ta slajibal ora, scuenta yu'un hich mayuc amulic ya xtahbotex c'alal ya xtal te Cajwaltic Jesucristo.

Hebreos 3:14

como jun c'ohemotic soc Cristo teme quich'ojtic c'alal ta slajibal c'ahc'al te smuc'ul co'tantic te ay cu'untic ta shahchibal.

Hebreos 3:6

Yan te Cristo, te bin ut'il ha nich'anil, jun yo'tan scuentahimbeyej te na yu'un Dios. Ho'otic te snahotic, teme stalel ay c'alal ta slajibal c'ahc'al te smuc'ul co'tantic soc te ya xtohy q'uinal ca'iytic yu'un te bin yacotic ta smahliyel.

Hebreos 6:11

Pero ha ya jc'ancotic te tuhlutuhlex hich nix yac awo'tantayic spasel c'alal to ta slajibal ora, scuenta yu'un hich me ya xc'oht ta acuentahic a te bin jun awo'tanic yac amahlibelic,

1 Pedro 1:13

Ha yu'un chahpana me apensaric; tsahtaya me abahic, ac'a smuc'ulin awo'tanic te yutsil-o'tanil yac awich'ic te c'alal ya xchicnaj tal te Jesucristo.

1 Juan 4:19

C'ux ya ca'iy ta co'tantic te Dios como ha nahil c'ux la ya'iyotic ta yo'tan stuquel.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,