San Juan 12:50 - Bible in Tzeltal Bachajón

⁵⁰ Jna'oj te ha ya yac' cuxlejal sbahtel q'uinal te mandaril yu'un. Ha yu'un te bin ya cal, hich nix ya cal te bin ut'il yalbeyejon te Tatile, xchi te Jesús.

Nuevo Testamento Tzeltal de Amatenango

⁵⁰ Y jnaꞌojbe sluwar te smantal te jTate, jaꞌ te kuxlejal sbajtel kꞌinale. Jaꞌ yuꞌun te tut ya kale, ya kal te tut yalojbon tal ta mantal te jTate —xchi te Jesuse.

Bible in Tzeltal de Oxchuc y Tenejapa

⁵⁰ Jna'oj stojol te ya yac' cuxinel sbajt'el q'uinal te smandal te Jtate. Jich yu'un te bila ya cale, ja' ya cal te bila yalojbon te Jtate —xi' te Jesuse.

San Juan 12:50 ပူးပေါင်းရင်းမြစ်များ

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Juan 20:31

Pero ha'i señahiletic ini la yich' ts'ihbayel scuenta yu'un hich me yac ach'uhunic a te ha Cristo te Jesús, te ha Snich'an Dios, soc teme yac ach'uhunic, ay me acuxlejalic ta scuenta te sbihile.

San Juan 5:19

La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,

San Juan 6:63

Ha te Espíritu te ya yac' cuxlejal, mayuc sc'oblal stuquel te baq'uet. Te jc'op te la jcalbeyex, ha scuenta espíritu soc scuenta cuxlejal.

San Juan 6:68

La sjac' te Simón Pedro: Cajwal, ¿mach'a yan ya jt'uncotic? Ha'at awich'oj te c'op scuenta cuxlejal sbahtel q'uinal.

San Juan 8:28

Ha yu'un la yalbe xan: Te c'alal ya yich' toyel hahchel te Nich'anil ay ta scuenta winic, tey to me yac ana'ic a te ho'on nix soc te mayuc bin jtuquel-o'tan nax ya jpas, ha nax ya cal te bin a'bibilon jnop yu'un te Tatile.

Deuteronomio 18:18

Ya cac' chicnajuc jalwanej yu'unic ta yohlil te yermanotac, hich te bin ut'il te ha'ate; ya ca'be ta ye te jc'op soc ha ya yalbe ya'iyic spisil te bintic ya calbe.

1 Timoteo 1:16

Pero ha scuentahil te la jquich' c'uxultayel, scuenta yu'un te Jesucristo ya xhu' ya yac' ta ilel te lec yo'tan te mayuc slajibal, te hich chican ta jcuenta, ho'on te c'ax bayel jmul, scuenta yu'un hich ya sna'ic a te mach'atic patil ya sch'uhunic Cristo soc ya yich' scuxlejalic scuenta sbahtel q'uinal.

1 Juan 2:25

Yaloj Dios te ya ya'botic cuxlejal sbahtel q'uinal.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.