San Juan 12:27 - Bible in Tzeltal Bachajón

²⁷ Ta ora ini, bayel ayon ta wocol ya ca'iy. ¿Bin ya cal yu'un? ¿Jtat, coltayawon loq'uel ta jwocol ta ora ini, xchihon bal? como ha nix talemon yu'un a.

Nuevo Testamento Tzeltal de Amatenango

²⁷ “Te ora to bayal ayon ta ajtal-oꞌtan. ¿Y tut ya kal? ¿Me ya wan kal: “jTat, koltayaon yuꞌun te wokol to”, me xchon wan? Pero puersa jaꞌ talemon yuꞌun.

Bible in Tzeltal de Oxchuc y Tenejapa

²⁷ “Ta ora to bayal ayon ta mel-o'tan. ¿Bi ya cal yu'un? ¿Ya bal cal: “Jtat, coltayawon te bila ya xc'ot ta pasel ta jtojole”, xoon bal? Ja'uc me to, ja' talemon yu'un.

San Juan 12:27 ပူးပေါင်းရင်းမြစ်များ

Salmos 6:3

Ha nix hich ya spich' sba co'tan; ¿bin to ora, Jehová?

Salmos 88:3

Como nojel ta wocol te jch'uhlel, soc nopol ayon ta yawil mach'atic chamenic.

Isaías 38:15

Pero ¿bin ya xhu' ya cal? Te mach'a hich la yalbon, ha nix ya spas. Peq'uel ya xbehenon ta spisil jcuxlejal, ta scaj sch'ahal te jch'uhlele.

Isaías 53:3

Ha ihlaybil soc p'ajbil yu'un te ants-winiquetique, ha jtuhl winic te bayel bin c'ux ya ya'iy, ya sna' bin ut'il ay wocol; hich c'ohem te bin ut'il mach'a ma ba la sc'an ya quilbetic sit yelaw, ha p'ajbil, soc ma ba la jquich'tic ta cuenta.

San Mateo 11:25

Ta hich ora la yal te Jesús: Ya calbat yutsil ac'oblal, Jtat, Yajwalat ch'ulchan soc bahlumilal, yu'un ma ba la awa'be sna'ic ha'i c'op ini te mach'atic p'ij yo'tanic soc te mach'atic ay bintic ya sna'ic, ha la awa'be sna'ic te bic'tal alaletique.

San Mateo 11:26

Hichuc, Jtat, yu'un hich la sc'an awo'tan.

San Mateo 26:42

Cha'baht xan ta sc'oponel Dios scuenta schebal buelta, hich la yal: Jtat, teme ma spas te ya xc'ax bahel ta jtojol te copa ini, teme ya sc'an ya cuch', hichuc, ac'a c'ohtuc ta pasel te bin ya sc'an awo'tan, xchi.

San Mateo 26:45

Cha'suht xan tal te banti ay te jnopojeletic yu'un, hich hul yalbe: ¡Wayaniquix soc cuxa awo'tanic! La stahix yorahil, te Nich'anil ay ta scuenta winic ya x'ac'otix ta sc'ab jmulawiletic.

San Lucas 22:44

Te bin ut'il bayel yac ta wocol, la yac' xan fuersa ta sc'oponel Dios, sjel ta ch'ich' xt'uhlajan cohel schic' ta lum.

San Lucas 22:53

Jujun c'ahc'al la joquinex ta Templo, ma ba la atsaconic tey a; pero la stahix yorahil te ya xhu' awu'unic soc ha yorahil te ay yip te yihc'al q'uinale, la yut.

San Juan 11:41

Hich la sloq'uesic te ton ta banti yac'ojic hilel te chamen winique. Te Jesús la shach mohel sit ta toyol, hich la yal: Jtat, wocol awal te la awa'iybon te jc'ope.

San Juan 12:23

La yal te Jesús: La stahix yorahil te ya x'ac'otix ta ich'el ta muc' te Nich'anil ay ta scuenta winic.

San Juan 13:21

C'alal laj yalbel a, bayel la spich' sba yo'tan te Jesús, hich la yal: Tulan sc'oblal ya calbeyex, ay jtuhlex te ya yac'on ta c'abal, xchi.

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

1 Timoteo 1:15

Ha stojil c'op ini te ya sc'an ch'uhunel yu'un spisilic: ha te xtaluquix ta bahlumilal te Cristo Jesús ta swehtesbeyel scolel jmulawiletic, te c'ax hich jmulawilon a te bin ut'il spisil te yantique.

Hebreos 2:14

Te bin ut'il ch'ich'-baq'uet te al-nich'anetic, ha nix hich la yac' sba te Jesús scuenta yu'un, ta scuenta te laj stuquel, tey ya slajin a te mach'a scuentahinej te lajele, ha te pucuje,

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.