San Juan 12:26 - Bible in Tzeltal Bachajón

²⁶ Teme ay mach'a ya yac' sba ta a'batinel cu'un, ac'a st'unon; te banti ayon, ha nix hich tey ay a te a'bat cu'une. Te mach'a ya yac' sba ta a'batinel cu'un, ya me x'ich'ot ta cuenta yu'un te Jtate.

Nuevo Testamento Tzeltal de Amatenango

²⁶ Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

Bible in Tzeltal de Oxchuc y Tenejapa

²⁶ Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Juan 12:26 ပူးပေါင်းရင်းမြစ်များ

Salmos 17:15

Yan te ho'one, ta scuenta stojil bin ay ta pasel ya quilbat asit; c'alal ya xwihc' jsit, tic' ya ca'iy a te ya quil bin awilel. Yu'un jach-c'ayoj. Ha salmo yu'un David, ya'bat Jehová. La yalbe te Jehová te c'ayoj ini te bin c'ahc'alil ac'ot ta libre yu'un ta sc'ab spisil te scontratac soc ta sc'ab Saúl. Hich la yal:

Salmos 91:15

Ya sc'oponon, ya me jac'be sc'op; ya joquin c'alal ay ta wocol, ya cac' ta libre soc ya cac' ta ich'el ta muc'.

Proverbios 27:18

Te mach'a ya scanantay te higuera, ha nix ya slo'be sit, soc te mach'a ya scanantay te yajwal ya x'ich'ot ta muc' yu'un.

Números 14:24

Yan te ca'bat Caleb, te bin ut'il yan yilel yo'tan a soc te jun yo'tan la st'unon bahel, ya cac' ochel ta q'uinal te banti c'oht yilix talel, soc te sts'umbal ya me yu'untayic te q'uinale.

Números 32:11

Te mach'atic loq'uic tal ta Egipto te ayix jtahb ya'bilalic ma ba ya yilic te q'uinal te la jcalbe ta jamal te Abraham, Isaac soc Jacob te ya ca'beyic, yu'un ma ba jun yo'tan la st'unonic bahel;

San Mateo 16:24

Ha yu'un te Jesús hich la yalbe te jnopojeletic yu'une: Teme ay mach'a ya sc'an ya st'unon, ac'a sloq'ues sba ta yo'tan, ac'a sq'uech bahel scruz soc ac'a st'unon.

San Mateo 25:21

Halbot yu'un te yajwal: Lec ay, lequil a'batat te jun awo'tan ta jtojol; jun awo'tan la acuentahin te bin jteb nax, ya ca'bat acuentahin bayel. La', ochan, mulana te utsilal yu'un te awajwal, xchi sc'oblal.

San Marcos 8:34

Te Jesús la yic' tal te ants-winiquetic soc te jnopojeletic yu'une, hich la yalbe ya'iyic: Teme ay mach'a ya sc'an ya st'unon, ac'a sloq'ues sba ta yo'tan, ac'a scuch te cruz yu'un soc ac'a st'unon.

San Lucas 12:37

Bayel me yutsil te a'batetic te wiq'uil sitic ta mahlab a ya xhulic ta tahel yu'un te yajwalique. Jamal ya calbeyex, ya me schahpan sba soc ya me x'ac'otic ta we'el ta mesa yu'un te yajwalic, soc ya me xtal yac' sba ta a'batinel yu'unic.

San Lucas 6:46

¿Bin yu'un te: Cajwal, Cajwal, xchihex teme ma ba yac apasic te bin ya calbeyexe?

San Lucas 9:23

Hich la yalbe ya'iyic ta spisilic: Te mach'a ya sc'an ya st'unon, ac'a sloq'ues sba ta yo'tan, jujun c'ahc'al ac'a sq'uech te cruz soc ac'a st'unon.

San Juan 10:27

Te tuminchijetic cu'un ya ya'iybonic jc'op soc ya jna'ticlambe sba, soc ya st'unonic;

San Juan 13:16

Tulan sc'oblal ya calbeyex, te a'bat ma ha'uc toyol yu'un te yajwal, soc te mach'a ticombil tal, ma ha'uc toyol yu'un te mach'a ticonot tal yu'un.

San Juan 14:15

Teme c'uxon ta awo'tanic, ch'uhumbonic te mandariletic cu'une.

San Juan 14:3

Teme bohon soc teme chahpaj awawilic cu'une, ya xcha'talon xan, ya xtal quiq'uex bahel scuenta yu'un te banti ayon ha nix hich tey ya x'ayinex a.

San Juan 15:20

Na'ahic me te bin la jcalbeyex: Te a'bat ma ha'uc toyol xan ay te bin ut'il te yajwal, te xchihone. Teme ho'on la yuts'inonic, ha nix hich ya me yuts'inex ec. Teme la yich'bonic ta cuenta te jc'ope, ha nix hich ya yich'beyex ta cuenta te ac'opique.

San Juan 17:24

Jtat, te mach'atic awa'beyejon ta jcuenta, ya jc'an te tey nix ya sjoquinonic a ta banti ayon, scuenta yu'un ya yilbonic te cutsilal te awa'beyejon, como stalel c'uxon ta awo'tan te c'alal ma to ayuc a te bahlumilale.

San Juan 21:22

Halbot yu'un te Jesús: Teme ya jc'an te cuxul to a te c'alal ya xtalone, ¿bin awochel a? T'unawon te ha'ate, xchi.

Romanos 1:1

Pablo, a'bat yu'un Jesucristo, ic'bil ta jpuc-c'op soc tsahbil yu'un yalel te lec yach'il c'op yu'un Dios,

Romanos 14:18

como te mach'a hich ya yac' sba ta a'batinel yu'un Cristo, lec yo'tan Dios yu'un soc lec sc'oblal yu'un ants-winiquetic.

2 Corintios 4:5

Como ma ba ya jpucbe jc'oblalcotic, ha ya jpucbecotic sc'oblal te ha Ajwalil te Jesucristo, soc te ho'otcotic a'batotcotic awu'unic ta scuenta sc'uxul yo'tan Jesús.

2 Corintios 5:8

Pero jun co'tantic, soc co'tanticuc te ma ba ayotiquix ta jbaq'uetaltic, te ha ya joquintiquix te Cajwaltique.

Gálatas 1:10

¿Yu'un bal ya jle te lec jc'oblal yu'un winiquetic, o ha te lec jc'oblal yu'un te Diose? ¿Yu'un bal ha ya jc'an te ayuc yutsil yo'tan winiquetic cu'un? Te ha'uc ya jc'an te ay yutsil yo'tan winiquetic cu'un, yu'un nix ma ya'batucon Cristo abi.

Filipenses 1:23

Ta schebal ma jna' ban ya jtsa; co'tanuc te ya xloc'on bahel, te ya joquin te Cristo, ha c'ax lec xan ya ca'iy a.

Colosenses 3:24

yu'un yac ana'ic te ay bin ya x'a'bot awich'ic hilel yu'un te Cajwaltic yu'un, como ayex ta a'batinel yu'un te Cajwaltic Cristo.

Colosenses 4:12

Xcoltanuquex laj yu'un te Epafras, te amohloltac nix soc ha a'bat yu'un Cristo. Spisil ora xbic'talti'ij ta sc'oponel Dios ta atojolic, te junuc awo'tanic, te ayuc yip awo'tanic soc te yacuc xc'oht ta pasel awu'unic spisil te bintic ya sc'an yo'tan te Diose.

2 Pedro 1:1

Simón Pedro, a'bat soc jpuc-c'op yu'un te Jesucristo, ta stojol te mach'atic ta scuenta stojil yo'tan te Jesucristo te Dios soc Jcoltaywanej cu'untic, stahojic sch'uhunel yo'tanic te pajal st'ujbilal soc te cu'uncotique:

1 Juan 5:3

yu'un chican te c'ux ta co'tantic te Dios teme ya jch'uhumbetic te mandariletic yu'une. Ma ba wocol ta ch'uhunel te mandariletic yu'une,

Judas 1:1

Judas, a'bat yu'un Jesucristo soc yihts'in te Jacobo, ta stojol te mach'atic ic'bilic, te c'uxultaybilic yu'un te Jtatic Dios soc te canantaybilic yu'un te Jesucristo:

Apocalipsis 14:4

Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.