San Juan 11:52 - Bible in Tzeltal Bachajón

⁵² Soc ma ha'uc nax ta scuenta te nación, ha nix yu'un te ya stsob ta junax te yal-snich'nab Dios te puhquemique.

Nuevo Testamento Tzeltal de Amatenango

⁵² Y ma jaꞌuk nax yuꞌun te juriyoetike, jaꞌ yuꞌun euk spisil te alnichꞌanetik yuꞌun Dios te chꞌayemik ta ya stsob ta jun naxe.

Bible in Tzeltal de Oxchuc y Tenejapa

⁵² Soc ma stuqueluc nax sc'oplal te judioetique, ja' sc'oplalic ta spisil uuc te alnich'anetic yu'un Dios te pujq'uemic te ya yich'ic tsobel ochel ta jun naxe.

San Juan 11:52 ပူးပေါင်းရင်းမြစ်များ

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

Salmos 22:15

Taquij quip hich te bin ut'il xeht'elul oxom, soc la slap' sba cac' ta jpa'jaj. ¡La awac'on ta ts'u'lum yu'un lajel!

Salmos 22:27

Ya me sna'ic soc ya me suhtic tal ta stojol Jehová spisil mach'atic ayic ta sti'il bahlumilal, soc spisil ta chahp nahetic yu'un te nacionetic ya me squejan sbahic ta atojol,

Salmos 72:19

¡Bayel me yutsil te sbihil sbahtel q'uinal! ¡Spisil te q'uinal ac'a nojuc ta yutsilal! ¡Hichuc, hichuc!

Isaías 49:18

Toya mohel asit, ilawil ta ajoyobal, spisil ya stsob sbahic, ya xtalic ta atojol. Ho'on cuxulon, xchi te Jehová, ya cal ta jamal, ya me alapic spisil ini hich te bin ut'il ch'albil c'u'ul; ha yac ach'al aba a hich te bin ut'il ach'ix te ya xnuhpune.

Isaías 49:6

hich ya yal: Jteb nax ya ca'iy te ha a'bat cu'un yu'un yac ahach te chahpalchahp sts'umbal Jacob, soc te yac apas te ya suhtic xan tal te mach'atic hilemic yu'un Israel; ha nix ya cac' te ha sacal q'uinal ya xc'ohat ta stojol te nacionetic, yu'un yac awich'bon bahel te colel cu'un c'alal ta sti'il te bahlumilale, xchi.

Isaías 55:5

Ya me awic' tal nacionetic te ma na'biluc awu'un, soc pueblohetic te ma sna'bat aba, ahnimal ya xtalic ta atojol, ta scaj te Jehová, te Dios awu'un, te Ch'ul Dios yu'un Israel, te la yac'at ta ich'el ta muc'.

Isaías 56:8

Hich ya yal te Cajwaltic Jehová, te mach'a ya stsobticlan te mach'atic yu'un Israel te puhquemic bahele: Ya to jtsob xan tal yantic, soc te mach'atic stsobojix sbahique, xchi.

Isaías 60:4

Toya asit, ilawil ta ajoyobal: spisilic ya stsob sbahic soc ya xtalic ta atojol. Te queremetic awu'un namal ya xtalic, soc te awantsil-nich'nab petbil ya xtalic.

Ezequiel 34:12

Hich te bin ut'il bayel sc'oblal ta yo'tan te jcanan-tuminchij te ya stsob tal te jtsohb tuminchijetic yu'un te puhquemic, hich bayel sc'oblal ta co'tan te tuminchijetic cu'un soc ya cac'ticlan ta libre ta bayuc banti puhquemic bahel ta yorahil macal q'uinal soc yihc'al q'uinal.

Oseas 1:10

Aunque hich ay, te israeletic hich ya xc'ohtic te bin ut'il shi'al mar, te ma xhu' ta p'isel o ta ahtayel. Ta banti hich ya xhalbotic: Ma puelohuquex cu'un, te xchihe, hich ya xhalbotic: Yal-snich'anex te cuxul Dios, xchi sc'oblalic.

San Lucas 15:8

Soc teme ay jtuhl ants te ay lajuneb dracma-taq'uin yu'un, teme ch'ay junuc, ¿ma bal yacuc stsun sc'ahc', ya smes sna soc ya sle ta lec ha to c'alal ya sta?

San Lucas 2:32

Ha luz te ya sacubtes q'uinal ta stojol jyanlumetic, soc ha yutsilal te Israel te pueblo awu'une, xchi.

San Juan 1:12

Pero spisil te mach'atic la yich'ic ta cuenta, te la sch'uhumbeyic te sbihile, la yac' te ha yal-snich'nab Dios ya xhu' ya xc'ohtic.

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

San Juan 10:16

Ay to yantic tuminchijetic cu'un te ma ba ochemic ta corral, ya sc'an te ha nix hich ya quic'ticlan tal; ya me ya'iybonic jc'op, ha jtsohb nax ya xc'ohtic soc jtuhl nax jcanan yu'unic.

San Juan 12:32

Soc ho'on, c'alal ya quich' toyel hahchel ta lum, ya me quic' ta jtojol spisil ants-winiquetic, xchi.

Hechos 18:10

como ho'on joquinejat, mayuc mach'a ya xhu' ya yuts'inat, yu'un ay to tsobol ants-winiquetic cu'un li' ta pueblo ini, xchi.

Romanos 3:29

Te Dios, ¿ha nax bal Dios yu'un te judíohetique? ¿Ma bal ha'uc nix Dios yu'un te jyanlumetique? Ha nix Dios yu'un te jyanlumetic,

Romanos 4:17

hich te bin ut'il ts'ihbabil: La jcac' te tatil ya xc'ohat yu'un tsobol nacionetic, xchi. Ha yu'un ha tatil cu'untic ta stojol Dios, te ha sch'uhunej, ha te Dios te ya ya'be scuxlejal te mach'atic chamenic soc te ya yic'ticlan tal te bintic mayuc te sjel ta aye.

Efesios 1:5

Ta scuenta te sc'uxul yo'tan namey chapal yu'un te ya yal-snich'aninotic ta scuenta te Jesucristo, hich te bin ut'il la sc'an te yutsil sc'anojel yo'tan,

Efesios 3:11

hich te bin ut'il ta sbahtel q'uinal chapal yu'un Dios te la yac' c'ohtuc ta pasel ta scuenta te Cajwaltic Cristo Jesús.

Santiago 1:1

Santiago, ya'bat te Dios soc te Cajwaltic Jesucristo, ya jpatbeyex awo'tanic te lajchaychahp sts'umbal Israel te puhquemex ta bayuc.

1 Pedro 1:1

Pedro, jpuc-c'op yu'un te Jesucristo, ta stojol te mach'atic puhquemic bahel ta pueblohetic ta sq'uinal Ponto, Galacia, Capadocia, Asia, soc Bitinia,

1 Juan 2:2

Ha te milbil mahtanil yu'un stojel jmultic; ma ho'ucotic nax jmultic, ha la stojbe smul spisil te ants-winiquetic ayic ta bahlumilal.

1 Juan 3:1

Ilawil bin ut'il bayel c'uxotic ta yo'tan te Tatil, te ha yal-snich'anotic Dios ya jbihilintic. Ha scuentahil te ma sna'botic jbahtic te bahlumilale, como ma sna'beyic sba te Diose.

1 Juan 3:10

Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

1 Juan 3:2

Ha'ex te c'uxex ta co'tan, yo'tic yal-snich'anotiquix te Diose, soc ma to chicanuc bin quileltic ya xc'ohotic; pero jna'ojtic te c'alal ya xchicnaj tal te Cristo, pajal quileltic soc Cristo ya xc'ohotic, yu'un ya me quiltic bin mero yilel stuquel.

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.