San Juan 11:40 - Bible in Tzeltal Bachajón

⁴⁰ ¿Ma bal lajuc calbatix teme yac ach'uhun ya me awilbe yutsilal te Diose? xchi te Jesús.

Nuevo Testamento Tzeltal de Amatenango

⁴⁰ Te Jesuse la sjakꞌbe: —¿Meꞌn maꞌ kalbeyat teme ya xchꞌuun awoꞌtane ya me awilbe slekil te Diose? —xchi.

Bible in Tzeltal de Oxchuc y Tenejapa

⁴⁰ Te Jesús jich la yalbey: —¿Yu'un bal ma la calbat teme jc'axel ya ach'uune, ya me awilbey yutsilal te Diose? —xi'.

San Juan 11:40 ပူးပေါင်းရင်းမြစ်များ

2 Crónicas 20:20

C'alal hahchic ta sab, bahtic ta jochol taquin q'uinal Tecoa. Te c'alal yaquic ta bahel a, te Josafat la stehc'an sba, hich la yal: A'iybon awa'iyic jc'op, Judá soc mach'atic nahinemic ta Jerusalén. Ayuc me sch'uhunel awo'tanic ta stojol Jehová te Dios awu'unic, hich mayuc bin ya xc'oht ta acuentahic a; ch'uhunahic te bin ya yal te jalwanejetic yu'un, hich lec ya xc'ohex yu'un, xchi.

Salmos 63:2

La jquilat ta ch'ul awilal, la jquilbat awu'el soc awutsilal.

Salmos 90:16

A'beya yilic awa'tel te a'batetic awu'un, te awutsilal ta stojol te snich'nabe.

Éxodo 16:7

soc pajel ta sab ya me awilbeyic yutsilal te Jehová, yu'un la ya'iybeyex te atijawic ta c'op ta scontrahinel Jehová. Yan te ho'otcotique, ¿mach'ahotcotic yac awa'iyic a te yac atijotcotic ta c'op? xchihic.

San Mateo 17:20

Halbotic yu'un te Jesús: Ta scaj te mayuc lec sch'uhunel awo'tanic. Jamal ya calbeyex te hichuc smuc'ul sch'uhunel awo'tanic te bin ut'il jp'ij sbac' mostaza, ya xhu' yac awalbeyic ha'i wits ini: Jeltaya awawil, lum xbahate, teme yac awute, ya sjeltay yawil. Mayuc bin ma xhu' awu'unic spasel te hichuque, xchi.

San Marcos 9:23

Jesús la yalbe: ¿Bin yac awal teme ya xhu' cu'une? Te mach'a ay sch'uhunel yo'tan spisil ya xhu' yu'un, xchi.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

San Juan 11:4

C'alal la ya'iy te Jesús, hich la yal: Te chamel yich'oj, ma yu'unuc ya xcham yu'un, ha ya x'ich'ot ta muc' a te Diose, scuenta yu'un ha ya x'ich'ot ta muc' a te Snich'an Dios, xchi.

San Juan 12:41

Hich la yal te Isaías te c'alal la yilbe yutsilal te Jesús soc te la yalbe sc'oblale.

San Juan 9:3

La sjac' te Jesús: Ma ha'uc ta scaj smul ni ha'uc ta smul sme'stat, pero scuenta yu'un ya xchicnaj ya'tel Dios ta stojol.

Romanos 6:4

Como ta scuenta ich'-ha' pajal quich'ojtic muquel soc, scuenta yu'un te bin ut'il cha'cuxaj tal ta yohlil mach'atic chamenic te Cristo ta scuenta yutsilal te Jtatic Dios, ha nix hichotic ya xcuxajotic ta yach'il cuxlejal.

2 Corintios 3:18

Ha yu'un ta jpisiltic, te ma ba macbilix ta pac' te jsit quelawtic, te yacotic ta yilbeyel yutsil te Cajwaltic hich te bin ut'il ta espejo, yacotic ta yanijel te pajal quileltic soc, te behbe quich'bel cutsilaltic, ta scuenta ya'tel te Cajwaltic, te ha nix te Espíritu.

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.