San Juan 11:28 - Bible in Tzeltal Bachajón

²⁸ C'alal laj yalbel a, baht sjuc ta c'op te María te yihts'in, hich muquen la yalbe: Hulix te Maestro, yac yic'belat, xchi.

Nuevo Testamento Tzeltal de Amatenango

²⁸ Patil te laj yal to, te xMartae ba yikꞌ tal te yijtsꞌine, jaꞌ te xMariae. Jicha kꞌo yalbe ta mukul: —Liꞌiyix to te Maestroe. Baan laj me —xchi.

Bible in Tzeltal de Oxchuc y Tenejapa

²⁸ Te c'alal laj yo'tan ta yalel in to te Martae, ba yic' tel te María ja' te yijts'ine. Jich c'o yalbey ta muquen: —Te Maestroe li' ayix to. Ya me yic'at —xi'.

San Juan 11:28 ပူးပေါင်းရင်းမြစ်များ

Zacarías 3:10

Ta hich ora, xchi te Jehová te scuentahinej spisil, talel c'axel yac awic' abahic ta huclej ta ye'tal ats'usubilic soc ta ye'tal higuerahetic awu'unic, xchi.

San Mateo 26:18

Hich halbotic yu'un: Ochanic bahel ta pueblo, ta stojol jtuhl winic tey a, hich me ya xc'oht awalbeyic: Hich ya yal te Maestro: Nopolix corahil; ya jpas te Q'uin Pascua ta ana soc te jnopojeletic cu'une, xchi.

San Marcos 10:49

Ha yu'un la stehc'an sba te Jesús, la sticon ta iq'uel tal. Hich la yiq'uic tal te ts'o'sit soc hich la yalbeyic: Ayuc smuc'ul awo'tan; hahchan, yac yic'belat te Jesús, xchihic.

San Marcos 14:14

Te banti ya x'och bahel, hich me xawalbeyic te yajwal na: La yal te Maestro: ¿Banti ay te stsahlul ana te banti ya jwe' te Pascua soc te jnopojeletic cu'une? xchihex.

San Lucas 22:11

hich me ya xc'oht awalbeyic te yajwal na: La yal te Maestro: ¿Banti ay te jtsahl ana ta banti ya jwe' te Pascua soc te jnopojeletic cu'une? xchihanic.

San Juan 1:41

Ha nahil c'oht sta te Simón te sbanquil, hich la yalbe: La jtahcotiquix te Mesías, xchi. (Ha Cristo, xchi te c'asesbile.)

San Juan 1:45

Te Felipe la sta te Natanael, hich la yalbe: La jtahcotiquix te mach'a ts'ihbabil sc'oblal yu'un te Moisés soc yu'un te jalwanejetic, ha te Jesús te snich'an José, te talem ta Nazaret, xchi.

San Juan 10:3

Te jcanan-ti'corral ya sjambe te ti'corral, soc te tuminchijetic ya ya'iybe te sc'ope; soc ya yalticlambe sbihil te tuminchijetic yu'un, hich ya yic'ticlan loq'uel.

San Juan 11:20

C'alal la ya'iy te Marta te talix te Jesús, baht sta talel, yan te María hil ta na stuquel.

San Juan 11:29

C'alal hich la ya'iy te María, ora la stehc'an sba, baht sjuc ta c'op te Jesús.

San Juan 11:30

Ma to ba ochem bahel ta tut pueblo te Jesús, tey to ay a te banti tahot yu'un te Marta.

San Juan 13:13

Ha'ex hich yac awalbonic: Maestro soc Cajwal, xchihex, lec te hich yac awalic, como ho'on nix a.

San Juan 20:16

La yal te Jesús: ¡María! xchi. La sut sba te María: ¡Raboni! xchi. (Maestro, xchi c'ohem).

San Juan 21:7

Hich te jnopojel te c'ux ta yo'tan Jesús la yalbe te Pedro: ¡Ha te Cajwaltique! xchi. C'alal la ya'iy te Simón Pedro te ha te Cajwaltic, la schuc te smuc'ul-c'u' (como scholojix), la sch'oj ochel sba ta ha'.

1 Tesalonicenses 5:11

Ha yu'un talel c'axel me xamuc'ubtesbe aba q'uinal awa'iyic soc talel c'axel me xawa'be aba yip awo'tanic, hich nix te bin ut'il yac apasbelique.

Hebreos 12:12

Ha yu'un hacha ac'abic te luhbenic soc te sjol awacanic te mayuc yip,