San Juan 11:26 - Bible in Tzeltal Bachajón

²⁶ Spisil te mach'a cuxajtic soc te ya sch'uhunonic, ma ba ya xchamic sbahtel q'uinal. ¿Hich bal ach'uhunej? xchi.

Nuevo Testamento Tzeltal de Amatenango

²⁶ Y spisil te machꞌa kuxajtik to a te ya xchꞌuunone makꞌ xcham sbajtel kꞌinal. ¿Me ya achꞌuun tsꞌin to? —xchi.

Bible in Tzeltal de Oxchuc y Tenejapa

²⁶ Soc spisil mach'a cuxulic te ya xch'uunonique ma xlaj sbajt'el q'uinal. ¿Jich bal ach'uunej in to? —xi'.

San Juan 11:26 ပူးပေါင်းရင်းမြစ်များ

San Mateo 26:53

¿Yu'un bal ma xana' te ya xhu' ya jc'opon te Jtat te ora ya ya'bon talel c'axem ta lahchaychahp ch'ul a'batetic te hichuque?

San Mateo 9:28

C'alal och ta na, talic ta stojol Jesús te ts'o'sitetic, hich joc'obotic yu'un te Jesús: ¿Ach'uhunejic bal te ya xhu' cu'un spasel ini? xchi. Jch'uhunejcotic, Cajwal, xchihic.

San Marcos 9:23

Jesús la yalbe: ¿Bin yac awal teme ya xhu' cu'une? Te mach'a ay sch'uhunel yo'tan spisil ya xhu' yu'un, xchi.

San Juan 10:28

soc ho'on ya ca'be scuxlejalic sbahtel q'uinal, ma jaymehl ya xch'ayic, soc mayuc mach'a ya xhu' ya spojbonic ta jc'ab.

San Juan 14:10

¿Yu'un bal ma ba ach'uhunej te jun ayon soc te Tatil, soc te ha joc te Tatil? Te jc'op yac calbelex, ma jtuquel-o'tanuc nax yac calbel, pero te Tatil, te jun ayon soc, ha yac spasbel te a'tele.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

San Juan 5:24

Tulan sc'oblal ya calbeyex, te mach'a ya ya'iybon jc'op soc ya sch'uhun te mach'a la sticonon tale, ay scuxlejal sbahtel q'uinal soc ma ba ya x'a'bot stoj smul, c'axemix yu'un te lajel, ayix scuxlejal.

San Juan 6:47

Tulan sc'oblal ya calbeyex, te mach'a ya sch'uhunon ay scuxlejal sbahtel q'uinal.

San Juan 9:35

La ya'iy te Jesús te tenot loq'uel te winique. C'alal la sta, hich la yalbe: ¿Ya bal ach'uhun te Snich'an Dios? xchi.

Romanos 8:13

como teme ha yac awa'telinic spasel te bin ya smulan stuquel, ya me xlajex yu'un; yan teme ta scuenta te Espíritu yac awac' ta lajel te ya'tel te jmulawil baq'uet, ya me xcuxajex yu'un.