San Juan 11:25 - Bible in Tzeltal Bachajón

²⁵ Halbot yu'un te Jesús: Ho'on te cha'cuxajelon soc ho'on te cuxlejalone; te mach'a ya sch'uhunon, aunque chamen, ya me xcuxaj.

Nuevo Testamento Tzeltal de Amatenango

²⁵ Te Jesuse jich a yalbe xan: —Joꞌon ya kakꞌ chaꞌkuxel sok kuxlejal. Te machꞌa ya xchꞌuunone manchuk me ya xcham, pero ya xchaꞌkux tal.

Bible in Tzeltal de Oxchuc y Tenejapa

²⁵ Te Jesús la yalbey: —Jo'on cha'cuxelon soc jo'on cuxlejalon. Ja' te mach'a ya xch'uunone, teme ya xlaje, ya me xcha'cux tel.

San Juan 11:25 ပူးပေါင်းရင်းမြစ်များ

Salmos 36:9

Como ha'at ay ta acuenta te sloq'uib-ha' yu'un cuxlejal; ta sacal q'uinal awu'un ya quilcotic sacal q'uinal.

Isaías 26:19

Pero ya xcuxajic te mach'atic chamenic awu'un; ya xcha'cuxajic te schamen baq'uetalique. ¡Hahchanic, c'ayojinanic, ha'ex te nahinemex ta ts'ubilum! como te ats'ujulel pajal soc te ts'ujul ta sahb; soc te q'uinal ya yac' loq'uel te mach'atic chamenic tey a.

Isaías 38:16

Cajwal, ya xcuxaj ants-winiquetic ta scuenta spisil ini, ha nix te jch'uhlel ya sta scuxlejal ta scuentahic. Ha'at yac awac' lecubucon soc yac awac' cuxajucon.

San Lucas 23:43

Halbot yu'un te Jesús: Jamal ya calbat, yo'tic ya me ajoquinon ta utsilal, xchi sc'oblal.

San Juan 1:4

Ay cuxlejal ta stojol, soc te cuxlejal ha nix te sacal q'uinal ta stojol ants-winiquetic.

San Juan 14:19

Jts'ihn xanix ya sc'an ya xch'ayon ta sit te mach'atic ayic ta bahlumilal, pero te ha'exe, ya me awilonic. Te bin ut'il cuxulon, ha nix hich ya xcuxajex.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

San Juan 3:36

Te mach'a ya sch'uhun te Nich'anil ay scuxlejal sbahtel q'uinal; yan te mach'a ma sc'an ya sch'uhun te Nich'anil, ma ba ya yil te cuxlejal stuquel, ha ayix ta stojol te yilimba Dios, xchi te Juan.

San Juan 5:21

Como hich te bin ut'il te Tatil ya scuxajtes te mach'atic chamenic soc ya yac'ticlambe scuxlejalic, ha nix hich te Nich'anil ya ya'be scuxlejal te mach'a ya sc'an ya ya'be.

San Juan 5:26

Como hich te bin ut'il ay scuxlejal ta stuquel te Tatil, ha nix hich ya'beyej te ay scuxlejal ta stuquel te Nich'anil.

San Juan 6:35

Halbotic yu'un Jesús: Ho'on te panon scuenta cuxlejal. Te mach'a ya xtal ta jtojol, mayuc bin ora ya xwi'najix, soc te mach'a ya sch'uhunon, mayuc bin ora ya xtaquijix yo'tan.

San Juan 6:44

Mayuc mach'a ya xhu' ya xtal ta jtojol teme ma ba ic'bil tal yu'un te Jtat te la sticonon tale; soc ho'on ya jcha'cuxajtes ta slajibal c'ahc'al.

Hechos 3:15

la amilic te J'ac'-cuxlejal, pero Dios la scha'cuxajtes tal ta yohlil mach'atic chamenic, ho'otcotic testigohotcotic yu'un.

Romanos 4:17

hich te bin ut'il ts'ihbabil: La jcac' te tatil ya xc'ohat yu'un tsobol nacionetic, xchi. Ha yu'un ha tatil cu'untic ta stojol Dios, te ha sch'uhunej, ha te Dios te ya ya'be scuxlejal te mach'atic chamenic soc te ya yic'ticlan tal te bintic mayuc te sjel ta aye.

Romanos 8:2

como te ley yu'un te Espíritu te ya yac' cuxlejal ta scuenta Cristo Jesús la yac'onix ta libre yu'un te ley yu'un te mulil soc te lajele.

1 Corintios 15:18

Ha nix hich te mach'atic sch'uhunejic Cristo a te way sbaq'uetalic, jc'axel ch'ayic te hichuque.

1 Corintios 15:29

Teme mayuc cha'cuxajel, ¿bin ya spas te mach'atic ya yac' sbahic ta sjelolinel ta ich'-ha' te mach'atic chamenique? Teme melel ma ba ya xcha'cuxajic te mach'atic chamenic, ¿bin yu'un te ya yac' sbahic ta ich'-ha' scuenta sjelol te mach'atic chamenique?

2 Corintios 4:14

Jna'ojcotic te mach'a la scha'cuxajtes tal te Cajwaltic Jesús, ha nix hich ya me scha'cuxajtesotcotic tal soc Jesús, soc pajalotic ya me stehc'anotic ta stojol.

Filipenses 1:23

Ta schebal ma jna' ban ya jtsa; co'tanuc te ya xloc'on bahel, te ya joquin te Cristo, ha c'ax lec xan ya ca'iy a.

Filipenses 3:10

Ha ya jc'an te ya jna'be xan sba te Cristo soc te ya ca'iybe yu'el te cha'cuxajel yu'un, soc te pajal ya xc'ax jwocol soc, te pajal quilel ya xlajon soc,

1 Tesalonicenses 4:14

Como teme jch'uhunejtic te cham te Jesús soc te cha'cuxaj, ha nix hich te Dios ya me yic' tal soc Jesús te mach'atic sch'uhunejic Jesús te wayem sbaq'uetalique.

Apocalipsis 1:18

te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

Apocalipsis 20:5

Ha ini te primera buelta cha'cuxajel; te yantic mach'atic chamenic ma ba cha'cuxajic ha to c'alal ts'acay te lajunwinic yoxbahc' (1,000) ha'bil.

Apocalipsis 21:4

Ya me xcusticlambot ya'lel sitic yu'un te Diose; mayuquix lajel, mel-o'tan, oq'uel o te bin c'ux, como c'axix spisil te bintic ay ta nahil to, xchi.

Apocalipsis 22:1

Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.