San Juan 11:19 - Bible in Tzeltal Bachajón

¹⁹ tsobol judíohetic talem yilbelic te Marta soc te María scuenta yu'un ya smuc'ubtesbeyic q'uinal ya'iyic yu'un te cham te sbanquilique.

Nuevo Testamento Tzeltal de Amatenango

¹⁹ Talemik bayal juriyoetik ta yulutayel te xMartae sok te xMariae yuꞌun tal sjunutesbe yoꞌtan te yuꞌun cham te yijtsꞌine.

Bible in Tzeltal de Oxchuc y Tenejapa

¹⁹ Talemic tsobol te judioetic ta smuc'tesbel q'uinal yaiyic te Martae soc te Mariae te bit'il lajemix te Lázaroe.

San Juan 11:19 ပူးပေါင်းရင်းမြစ်များ

Génesis 37:35

Tal ta muc'ubtesbeyel q'uinal ya'iy yu'un spisil te squerem-nich'nab soc yantsil-nich'nab, pero ma ba la sc'an muc'ubtesbeyel q'uinal ya'iy. Hich la yal: Oq'uel ya ca'iy a ya xbohon ta yawil chamen winiquetic te banti ay te jnich'ane, xchi. Hich bayel oq'uetayot yu'un te state.

2 Samuel 10:2

La yal te David: Ya me jc'uxultay te Hanún snich'an Nahas, hich te bin ut'il la sc'uxultayon te state, xchi. Ha yu'un te David la sticon bahel a'batetic scuenta yu'un ya smuc'ubtesbe q'uinal ya'iy yu'un cham te state. Te c'alal c'ohtic te a'batetic yu'un David ta sq'uinal te snich'nab Amón,

1 Crónicas 10:12

hahchic spisil te winiquetic te ay yip yo'tanic, baht yich'beyic tal te sbaq'uetal Saúl soc snich'nab, la yich'ic tal ta Jabes; tey la smucbeyic sbaq'uetalic a ta ye'tal jihte', soc la scom swe'elic huqueb c'ahc'al.

Job 2:11

Ay oxtuhl yamigotac te Job, ha te Elifaz te talem ta Temán, Bildad te talem ta Súa, soc Zofar te talem ta Naamat. Te c'alal la ya'iyic spisil te bin wocol c'oht ta stojol, jujutuhl hahchic tal ta slumalic, como schapojic te pajal ya xtal sjoquinic ta sc'asesel swocol soc ta smuc'ubtesbeyel q'uinal ya'iy.

Job 42:11

Talic ta stojol spisil te sbanquil yihts'in soc spisil te mach'atic la sna'beyic sba ta nahil to, we' uch'ic ta sna. Pajal la smel yo'tanic yu'un soc la smuc'ubtesbeyic q'uinal ya'iy yu'un spisil swocol a'bot yu'un Jehová. Ta jujutuhl la ya'beyic taq'uin soc jujun ch'ocowil oro.

Eclesiastés 7:2

Ha lec xan a te bahel ta na ta ban ay mel-o'tan yu'un mach'a cham te bin ut'il bahel ta na ta ban ay we'elil yu'un q'uin, como te lajel ha slajib spisil ants-winiquetic, soc te mach'a cuxul ya ya'be sna' ta yo'tan.

Isaías 51:19

Ay cheb te bin c'ohem ta stojol: jinel soc lajinel, wi'nal soc espada. ¿Mach'a a te ya sna'bat yo'bolil aba? ¿Mach'a a te ya smuc'ubtesbat q'uinal yac awa'iy?

Lamentaciones 1:16

Ha scuentahil te yacon ta oq'uel; ha scuentahil te ya xloc' te ya'lel jsite, como namal ay te mach'a ya smuc'ubtesbon co'tan soc te ya ya'bon jcux co'tan. La yich'ic jinel te jnich'nab, como ha la ya'iy tsalaw te jcontrahe.

Lamentaciones 1:2

Pich'il yo'tan ta oq'uel ta ahc'abal, sch'alet ya'lel sit ta scho. Ta spisil te mach'atic antsinot c'ohem yu'un mayuc jtuhluc te ya xmuc'ubtesbot q'uinal ya'iy yu'un; ihquitayot yu'un spisil yamigotac, c'atp'ujemix ta scontratac.

Lamentaciones 1:21

La ya'iybonic te ahcan cu'un, pero mayuc mach'a ya smuc'ubtesbon co'tan. Spisil te jcontratac ya'iybeyejon sc'oblal te jwocole, tse'el yo'tanic yu'un te bin la apasbone. Ac'a taluc sc'ahc'alel te awalbeyej sc'oblal, ac'a te hich ya xc'ohtic te bin ut'il ayone.

Lamentaciones 1:9

Te sbohlil ay ta stsec; ma ba la snop bin ut'il ya xc'oht ta loq'uel. Wocol ta ch'uhunel bin ut'il yahl, mayuc mach'a ya smuc'ubtesbe q'uinal ya'iy yu'un. Ilawil, Jehová, te jwocole, como toyol yac'oj sba te jcontrahe, xchi.

Lamentaciones 2:13

¿Bin ya calbat ac'oblal? ¿Mach'a ya jpajat soc, yantsil-nich'anat Jerusalén? ¿Mach'a ya jpajat soc yu'un ya jmuc'ubtesbat awo'tan, yantsil-nich'anat Sión? Te ehchen awu'un hich smuc'ul te bin ut'il te mar, ¿mach'a ya xhu' ya slecubtesat?

San Lucas 10:39

Ay yihts'in, María sbihil, te shuhcanej sba ta ye'tal yoc te Jesús, yac ta ya'iybeyel te sc'ope.

San Lucas 10:42

Pero junax te bin ya sc'an spasel, te María ha stsahoj te banti bayel sc'oblal, ma ba ya yich' pojbeyel, xchi.

San Juan 1:19

Hich ay te testigo-c'op yu'un te Juan c'alal loq'uic tal ta Jerusalén te sacerdotehetic soc levitahetic te ticombilic yu'un te judíohetic yu'un ya sjoc'obeyic: ¿Mach'ayat a? xchihic.

San Juan 11:1

Ay ta chamel jtuhl winic, Lázaro sbihil, te ay ta Betania, ha te tut pueblo yu'un te María soc Marta te swixe.

San Juan 11:31

Hich te judíohetic te talemic yu'un ya smuc'ubtesbe q'uinal ya'iyic, c'alal la yilic te la stehc'an sba ta ora te María soc te loc' bahele, la st'unic bahel, yu'un la yalic: Baht wan ta oq'uel ta muquenal, xchihic.

San Juan 11:33

C'alal la yil te Jesús te yac ta oq'uel te María soc te ha nix hich yaquic ta oq'uel te judíohetic te sjoquinejic tale, la spich' sba yo'tan, la smel yo'tan yu'un,

San Juan 11:36

Ha yu'un hich la yalic te judíohetique: Ilawilic, mero bayel c'ux ta yo'tan, xchihic.

San Juan 11:45

Te judíohetic te sjoquinejic te María, c'alal la yilic te bin la spas te Jesús, hich la sch'uhunic.

San Juan 11:8

Pero la yalic te jnopojeletic yu'un: Rabí, c'an sch'ojatix ta ton te judíohetique, ¿ya bal xcha'bahat xan tey a? xchihic.

Romanos 12:15

Tse'eluc me awo'tanic soc te mach'atic tse'el yo'tanic; oc'anic me soc te mach'atic ya x'oq'uic.

2 Corintios 1:4

ha te mach'a ya smuc'ubtes q'uinal ca'iytic ta spisil te jwocoltic, scuenta yu'un te smuc'ul-o'tanil te ya ya'botic te Dios hich ya xhu' ya jmuc'ubtesbetic q'uinal ya'iyic yantic te ay swocolique.

1 Tesalonicenses 4:18

Ha yu'un talel c'axel me xamuc'ubtesbe aba q'uinal awa'iyic ta scuenta te c'op ini.

1 Tesalonicenses 5:11

Ha yu'un talel c'axel me xamuc'ubtesbe aba q'uinal awa'iyic soc talel c'axel me xawa'be aba yip awo'tanic, hich nix te bin ut'il yac apasbelique.

1 Samuel 31:13

La stsobeyic te sbaquelic, la smuquic ta ye'tal te' ta Jabes, soc la scom swe'elic huqueb c'ahc'al.