San Juan 11:11 - Bible in Tzeltal Bachajón

¹¹ C'alal laj yalbel, hich la yal xan: Wayalix te Lázaro te jun co'tan jbahtic soc, pero ya xbaht jtij hahchel, xchi.

Nuevo Testamento Tzeltal de Amatenango

¹¹ Patil te Jesuse la yal xan: —Te kamigotik jLazaroe wayalix, pero ya xba jtij jajchel —xchi.

Bible in Tzeltal de Oxchuc y Tenejapa

¹¹ Patil la yal te Jesuse: —Wayalix te Lázaro te jun co'tan jbajtic soque, ja'uc me to, ya xba jtij jajch'el —xi'.

San Juan 11:11 ပူးပေါင်းရင်းမြစ်များ

2 Reyes 4:31

Te Giezi nahilij bahel yu'unic soc la scajambe ta yelaw te alal te nahbate'el, pero te alal ma ba c'opoj, ma ba chican seña te cuxul. Ha yu'un te Giezi baht sta tal te Eliseo, hich c'oht yalbe: Ma ba cux yo'tan te alale, xchi.

2 Crónicas 20:7

Dios cu'untic, ¿ma bal ha'ucat la atenticlan loq'uel te mach'atic nahinemic li' ta q'uinal ta stojol te pueblo Israel soc sbahtel q'uinal la awa'be te sts'umbal Abraham te jc'uxultaywanej aba soque?

Éxodo 33:11

Te Jehová ya snuhp'in sba ta c'op soc Moisés, hich te bin ut'il mach'a ya xc'opoj soc te smohlole. Patil te Moisés ya suht bahel ta campamento, yan te jcolel winic Josué snich'an Nun, te a'bat yu'un, ma ba ya yihquitay hilel te Nahilpac' Templo.

Isaías 41:8

Pero ha'at, Israel, ha a'batat cu'un, ha'at, Jacob, te tsahbilat cu'un, sts'umbalex Abraham te mach'a jun co'tan soc;

Daniel 12:2

Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

San Mateo 27:52

jahm te muquenaletic soc cuxaj sbaq'uetal tsobol mach'atic ch'uhltesbilic te wayem sbaq'uetalic;

San Mateo 9:24

hich la yal: Loc'anic bahel, ma ba chamen te ach'ixe, wayal nax, xchi. Pero la slabanic.

San Marcos 5:39

Och bahel, hich la yalticlambe: ¿Bin yu'un te xjuyetex soc te ayex ta oq'uel? Ma ba chamen te ach'ixe, wayal nax, xchi.

San Juan 11:10

Yan te mach'a ta ahc'abal ya xbehen, ya sc'ohchin yoc, como mayuc sacal q'uinal ta stojol, xchi.

San Juan 11:12

Cajwal, teme wayale, yu'un ya xlecub ta chamel, xchihic te jnopojeletique.

San Juan 11:13

Pero te Jesús yac yalbel te chamix te Lázaro. Pero la scuyic te la yal te wayale.

San Juan 11:3

Ha yu'un te antsetic la sticonic ta halbeyel te Jesús: Cajwal, ay ta chamel te mach'a c'ux ta awo'tan, xchi c'ohel.

San Juan 3:29

Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

Hechos 7:60

Hich la squejan sba, tulan c'opoj: Cajwal, ma me xawa'be smulinic, xchi. Laj yalbel a, way sbaq'uetal.

1 Corintios 15:18

Ha nix hich te mach'atic sch'uhunejic Cristo a te way sbaq'uetalic, jc'axel ch'ayic te hichuque.

1 Corintios 15:34

Cuxuluc me awo'tanic soc ma me xalehulan amulic, yu'un ay mach'atic ma ba ya sna'beyic sba te Diose. Scuenta aq'uexlalic te hich ya cal.

1 Corintios 15:51

A'iya awa'iyic, ya calbeyex te bin mayuc mach'a sna'oj: Ma jpisilticuc ya xway jbaq'uetaltic, pero jpisiltic ya xc'atp'ujotic,

Efesios 5:14

Ha scuentahil te hich ay ta halel: Wic'a asit, ha'at te wayalate, hahchan tal ta yohlil te mach'atic chamenic, ya me sacubtes q'uinal ta atojol te Cristo, te xchihe.

Deuteronomio 31:16

Te Jehová hich la yalbe te Moisés: Ilawil, ya xchamatix. Te pueblo ini ya me xhahch yac' sbahic ta antsinel c'ohem ta stojol te yantic diosetic yu'un te q'uinal te banti ya xbahtic. Ya me yihquitayon soc ya me sjin te chapbil-c'op jpasoj soc.

1 Tesalonicenses 5:10

ha te mach'a laj cu'untic scuenta yu'un teme cuxulotic o wayem jbaq'uetaltic a pajal ya xcuxajotic soc.

Santiago 2:23

Ha c'oht ta pasel te bin ya yal te Shun Dios: Te Abraham la sch'uhun te bin la yal te Diose, ha ac'ot ta cuenta yu'un te toj ay, soc halbot sc'oblal te ha sc'uxultaywanej sba soc te Diose.