San Juan 10:8 - Bible in Tzeltal Bachajón

⁸ Spisil te mach'atic nahil talic cu'un, ha j'eleq'uetic soc j'uts'inwanejetic stuquelic, pero ma ba a'iybot sc'opic yu'un te tuminchijetique.

Nuevo Testamento Tzeltal de Amatenango

⁸ Spisil te machꞌatik nail a laj tal kuꞌune jꞌelekꞌetik y sok jꞌilbajinwanejetik. Pero te karneraetike maꞌ yakꞌik ta jkuenta.

Bible in Tzeltal de Oxchuc y Tenejapa

⁸ Spisil te mach'atic neel talic cu'une j'eleq'uetic soc j'uts'inwanejetic stuquelic, ja'uc me to, te chijetique ma la sc'an yaiybeyic stojol te sc'opique.

San Juan 10:8 ပူးပေါင်းရင်းမြစ်များ

Jeremías 23:1

¡Obol sbahic te jcanan-tuminchijetic te ya slajinlanic soc ya spucticlanic bahel te tuminchijetic cu'un! xchi te Jehová.

Ezequiel 34:2

Snich'anat winic, hala sc'op-jalwanej ta scontrahinel te jcanan-tuminchijetic yu'un Israel, hich me xawalbe te jcanan-tuminchijetic: Hich yaloj te Jehová, te Ajwalil: ¡Obol sbahic te jcanan-tuminchijetic yu'un Israel te ha nax ya smac'lin sbahique! ¿Ma bal yacuc smac'linic te jtsohb tuminchijetique?

Sofonías 3:3

Te príncipaletic te ayic ta yohlil ha xhihet chojetic; te jchahpanwanejetic yu'unic ha ha'mal ts'i'etic te ya xbehenic ta ahc'abal te ma ba ya yihquitayic hilel jch'ixuc bac yu'un sacubel q'uinal.

Zacarías 11:16

Como ya jchicnajtes ta q'uinal jtuhl jcanan te ma ba ya scanantay te tuminchijetic te howiyemic, ma ba ya sle te alal tuminchij, ma ba ya spoxtay te waq'uem sbaquel, ma ba ya yic' bahel te lajem yip; ha ya swe'be sbaq'uetal te banti juhp'enic, soc ya sbots'be loq'uel te slots'.

San Juan 10:1

Jamal ya calbeyex, te mach'a ma ba ya x'och ta sti'il corral yu'un tuminchijetic, teme yan banti ya x'och, ha me j'elec' soc j'uts'inwanej abi.

San Juan 10:27

Te tuminchijetic cu'un ya ya'iybonic jc'op soc ya jna'ticlambe sba, soc ya st'unonic;

San Juan 10:5

Yan te mach'a ma ba ya sna'beyic sba, ma ba ya st'unic bahel stuquel, ya x'ahnic bahel ta stojol, como ma ba ya sna'beyic sba te sc'ope, xchi.

Hechos 5:36

Como ta nahil to chicnaj jtuhl winic, ha te Teudas, te la yal sba te bayel sc'oblal. Ay wan jbahc' (400) ta tuhl te la stsob sbahic soc, pero laj ta milel, hich puhquic bahel spisil mach'atic t'unot yu'un, hich mayuc scuentahil c'oht.