San Juan 10:6 - Bible in Tzeltal Bachajón

⁶ Ta scuenta te sloc'ombahil c'op ini la sc'oponlan, pero ma ba la sna'beyic scuentahil te bin halbotique.

Nuevo Testamento Tzeltal de Amatenango

⁶ Jich a yal ta seña kꞌop te Jesuse, pero ma snaꞌbeyik sluwar te tuti yale.

Bible in Tzeltal de Oxchuc y Tenejapa

⁶ Jich la yal ta seña-c'op te Jesuse, ja'uc me to, ma la sna'beyic swentail te bila la yale.

San Juan 10:6 ပူးပေါင်းရင်းမြစ်များ

Salmos 106:7

Te c'alal ayic ta Egipto a te jme'jtatcotic, mayuc sc'oblal c'oht ta yo'tanic te yutsil awa'tel; ma ba la sna'ic te bayel sc'uxul awo'tan, la stoy sbahic ta sti'il te Mar Rojo.

Salmos 82:5

Ma sna'ic, ma xc'oht ta yo'tanic, ya xbehenic ta yihc'al q'uinal; ya xnihquic spisil te yich'o-ip te lumq'uinale.

Proverbios 28:5

Te mach'atic chopol yo'tanic, ma xc'oht ta yo'tanic stojil chahpanel, yan te mach'atic ya slehic te Jehová ya xc'oht ta yo'tanic spisil.

Isaías 56:11

Ha ts'i'etic te ay bayel swi'nalic, ma xnoj sch'uhtic; ha jcanan-tuminchijetic te ma sna'beyic scuentahil, spisilic ya st'unic te be yu'unic, jujutuhl ya sle yutsil slequilic.

Daniel 12:10

Ay tsobolic te lecubtesbil soc pocbil ya xc'ohtic; yan te mach'atic chopolic stalel schopol ya xhilic, soc mayuc ni jtuhluc te mach'a chopol yo'tan te ya sna'be scuentahil, pero te mach'atic p'ij yo'tanic ya me sna'beyic scuentahil.

San Mateo 13:34

Ha nax ta sloc'ombahil c'op la sc'opon te ants-winiquetic te Jesús, mayuc bin la yalbe teme ma ha'uc ta sloc'ombahil c'op.

San Mateo 13:51

Hich joc'obotic yu'un te Jesús: ¿La bal ana'beyic scuentahil spisil ini? xchi. La jna'cotic, xchihic.

San Marcos 4:34

Ma ba la sc'opon teme ma ha'uc ta sloc'ombahil c'op; pero te c'alal stuquel ay soc a te jnopojeletic yu'une, spisil la yalbe bin scuentahil.

San Juan 16:25

Ta seña-c'op nax la jc'oponex, pero ya sta yorahil te ma ta seña-c'opuc ya jc'oponex, pero jamal ya calbeyex bin ut'il ay te Tatile.

San Juan 16:29

La yalic te jnopojeletic yu'un: Yo'tic, mero jamalix bin yac awalbel, ma ba ta seña-c'op ya xc'opojat.

San Juan 6:52

Ha yu'un hahch stij sbahic ta c'op te judíohetic, hich la yalic: ¿Bin ut'il ya xhu' ya yac' jwe'betic te sbaq'uetale? xchihic.

San Juan 6:60

C'alal hich la ya'iyic, tsobol te jnopojeletic la yalic: Tulan te c'op ini. ¿Mach'a c'an c'ohtuc ta yo'tan? xchihic.

San Juan 7:36

¿Bin scuentahil te la yal: Yac alehonic, pero ma ba yac atahonic, soc: Te banti ya x'ayinon ma xhu' ya bahex, te xchihe? xchihic.

San Juan 8:27

Pero ma ba la sna'ic te la yalbe sc'oblal te Tatile.

San Juan 8:43

¿Bin yu'un te ma xana'beyic scuentahil te jc'ope? Como ma xhu' yac awa'iybonic te jc'ope.

1 Corintios 2:14

Te mach'a ma ba yich'oj te Espíritu, ma xc'oht ta yo'tan te bintic scuenta te Espíritu yu'un Dios, como scuyoj ta howilc'op, ma xhu' ya sna'be scuentahil, como ha ya sc'an tsahtayel ta scuenta te Espíritu.

2 Pedro 2:22

Hich c'oht ta stojolic te bin ya yal te tsahbil c'op ini: Te ts'i'e ya xcha'suht xan ta banti ay te xe, soc te me'chitam te pocbil ya scha'bal xan sba ta ahch'al, xchi.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.