San Juan 10:4 - Bible in Tzeltal Bachajón

⁴ Te c'alal ya sloq'ues spisil te tuminchijetic yu'un, ha ya xnahilij bahel; soc ya xt'unot bahel yu'un te tuminchijetic como ya sna'beyic sc'op.

Nuevo Testamento Tzeltal de Amatenango

⁴ y te kꞌalal lokꞌemix bael spisil ae, ya xnalaj bael te jkanane. Te karneraetike ya stsꞌakliyik bael, yuꞌun ya snaꞌbeyik sba te skꞌope.

Bible in Tzeltal de Oxchuc y Tenejapa

⁴ Te c'alal loq'uemix ta corral spisil te chijetic yu'une, ya xneelaj bael yu'unic. Te chijetique ya sts'aclinic bael, melel ya sna'beyic sba te sc'ope.

San Juan 10:4 ပူးပေါင်းရင်းမြစ်များ

Cantares 2:8

¡Ha sc'op te mach'a c'ux ta co'tan! ¡Ilawil, yac ta talel, yac ta wihlel tal ta baba witsiltic, yac ta wihlel tal ta sba tsehletic!

Cantares 5:2

Wayon, pero ma ba way stuquel te co'tane. La jca'iy yac ta ic'aw ta puerta te mach'a c'ux ta co'tan: Jama, quihts'inat, jlecolat, stsuhmutat cu'un, te lecat cu'un. Ahch'em jol ta ts'ujul, te stsotsel jol ahch'em ta sts'ujulel ahc'abal, xchi.

San Mateo 16:24

Ha yu'un te Jesús hich la yalbe te jnopojeletic yu'une: Teme ay mach'a ya sc'an ya st'unon, ac'a sloq'ues sba ta yo'tan, ac'a sq'uech bahel scruz soc ac'a st'unon.

San Juan 10:16

Ay to yantic tuminchijetic cu'un te ma ba ochemic ta corral, ya sc'an te ha nix hich ya quic'ticlan tal; ya me ya'iybonic jc'op, ha jtsohb nax ya xc'ohtic soc jtuhl nax jcanan yu'unic.

San Juan 10:27

Te tuminchijetic cu'un ya ya'iybonic jc'op soc ya jna'ticlambe sba, soc ya st'unonic;

San Juan 10:3

Te jcanan-ti'corral ya sjambe te ti'corral, soc te tuminchijetic ya ya'iybe te sc'ope; soc ya yalticlambe sbihil te tuminchijetic yu'un, hich ya yic'ticlan loq'uel.

San Juan 10:5

Yan te mach'a ma ba ya sna'beyic sba, ma ba ya st'unic bahel stuquel, ya x'ahnic bahel ta stojol, como ma ba ya sna'beyic sba te sc'ope, xchi.

San Juan 10:8

Spisil te mach'atic nahil talic cu'un, ha j'eleq'uetic soc j'uts'inwanejetic stuquelic, pero ma ba a'iybot sc'opic yu'un te tuminchijetique.

San Juan 12:26

Teme ay mach'a ya yac' sba ta a'batinel cu'un, ac'a st'unon; te banti ayon, ha nix hich tey ay a te a'bat cu'une. Te mach'a ya yac' sba ta a'batinel cu'un, ya me x'ich'ot ta cuenta yu'un te Jtate.

San Juan 13:15

La jca'beyex awilic scuenta yu'un ha nix hich yac apasic te bin la jpasbeyexe.

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

San Juan 3:29

Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

1 Corintios 11:1

Nopbonic co'tan, hich te bin ut'il ya jnopbe yo'tan te Cristo.

Efesios 5:1

Ha yu'un nopbeyahic yo'tan te Diose, te bin ut'il yal-snich'anex te bayel c'uxex ta yo'tane.

Deuteronomio 1:30

Te Jehová te Dios awu'unic, ha te mach'a ya xnahilij bahel awu'unic, ya me yac' guerra ta acuentahic, hich te bin ut'il spisil te bintic la spas ta acuentahic ta Egipto te la awilique.

Hebreos 12:2

ac'a jt'ojan jsitic ta Jesús, te mach'a la shach soc te ya shu'tes te sch'uhunel co'tantic, ha te mach'a la sc'ases swocol ta cruz yu'un la sna' te ya sta bayel yutsil yo'tan ta patil, mayuc sc'oblal ta yo'tan te q'uexlal yu'une, soc la shuhcan sba ta swa'el te smuc'ul huctajib te Diose.

Hebreos 6:20

ta banti nahil och bahel cu'untic te Jesús ta jcuentatic, te yich'oj ya'tel ta muc'ul sacerdote sbahtel q'uinal, hich te bin ut'il te Melquisedec.

1 Pedro 2:21

Ha scuentahil te ic'bilex, como ha nix hich c'ax swocol te Cristo ta acuentahic, hich la ya'beyex hilel anopic yu'un hich yac at'unic bahel.

1 Pedro 4:1

Ha yu'un, te bin ut'il c'ax swocol te Cristo ta sbaq'uetal ta jcuentatic, ya sc'an te hich nix ay te co'tantic te bin ut'il ay te yo'tane, como te mach'a c'axemix swocol ta sbaq'uetal lajix sc'oblal mulil ta yo'tan;

1 Pedro 5:3

Ma me xacuy abahic ta ajwalil ta stojol te mach'atic ayic ta acuentahic, ha me xawa'beyic yil ta scuenta te bintic yac apasique.