San Juan 10:32 - Bible in Tzeltal Bachajón

³² pero la yal te Jesús: La jca'beyex awilic bayel lequil a'teliletic yu'un te Jtate. ¿Bin a'telil te yac ach'ojonic ta ton yu'une? xchi.

Nuevo Testamento Tzeltal de Amatenango

³² Pero te Jesuse la yaltalanbe: —Ta spoder te jTate bayal a jpas te tutik lek ta asitike. ¿Tut a te ya awaꞌbikon ton yuꞌune? —xchi.

Bible in Tzeltal de Oxchuc y Tenejapa

³² Te Jesús jich la yalbey: —Bayal lequil at'eliletic la jpas ta atojolic ta swenta yu'el te Jtate. ¿Bila amen la jpas te ya amilonic ta ch'ojel ta ton yu'une? —xi'.

San Juan 10:32 ပူးပေါင်းရင်းမြစ်များ

Salmos 35:12

Ya suhtesbonic ta bin ma lecuc te bin lec, yu'un ya ya'bonic jwocol.

Eclesiastés 4:4

Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

Jeremías 37:18

Ha nix hich te Jeremías la sjoc'obe te ajwalil Sedequías: ¿Bin jmul la jta ta atojol, ta stojol te a'batetic awu'un o te pueblo ini, yu'un yac awotseson ta cárcel?

San Mateo 11:5

Ya yiliquix q'uinal te ts'o'sitetic, ya xbeheniquix te coxo'etic, lecubtesbiliquix te jc'a'el-chameletic, ya ya'iyiquix q'uinal te cohquetic, la yich'iquix cha'cuxajtesel mach'atic chamenic, soc yaquix ta halbeyel ya'iy te lec yach'il c'op te pobrehetique.

San Juan 10:25

La sjac' te Jesús: La jcalbeyexix, pero ma ba yac ach'uhunic. Ha testigo cu'un te a'teliletic yacon ta spasel ta scuenta sbihil te Jtate.

San Juan 10:31

Ha yu'un te judíohetic la scha'tamic xan ton yu'un ya sch'ojic a te Jesús,

San Juan 10:33

La sjaq'uic te judíohetic: Ma ha'uc ya jch'ojatcotic ta ton yu'un te lequil a'telil, ha ya jch'ojatcotic ta ton yu'un te yac abohlc'optaybel Dios, como ha'at winicat yac acuybel aba ta Dios, xchihic.

San Juan 10:37

Teme ma ba yacon ta spasbeyel ya'tel te Jtate, ma me xach'uhunonic.

San Juan 5:36

Pero ay bin ya yalbon jc'oblal te c'ax hich ay sc'oblal a te bin la yal te Juan: ha te a'teliletic a'bibilon yu'un te Tatil yu'un ya hu'tes, ha nix te a'teliletic te yacon ta spasel, ha ya yalbonic jc'oblal te sticonejon tal te Tatile.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

Hechos 2:22

Winiquetic yu'un Israel, a'iya me awa'iyic te c'ope: Te Jesús talem ta Nazaret, ha te winic te Dios la yac' ta ilel ta atojolic te lec sc'oblal; hich la yac' ta ilel ta scuenta jchahp a'teliletic soc señahiletic te Dios la spas ta atojolic ta scuenta, hich te bin ut'il ana'ojique.

1 Juan 3:12

Ma me hichucotic te bin ut'il Caín, te ha yu'un te pucuj, te la smil te yihts'ine. ¿Bin yu'un te la smile? Yu'un chopol te ya'tel te Caín, yan te yihts'in toj ya'tel stuquel.