San Juan 10:28 - Bible in Tzeltal Bachajón

²⁸ soc ho'on ya ca'be scuxlejalic sbahtel q'uinal, ma jaymehl ya xch'ayic, soc mayuc mach'a ya xhu' ya spojbonic ta jc'ab.

Nuevo Testamento Tzeltal de Amatenango

²⁸ Te joꞌone ya kaꞌbe xkuxlejal sbajtel kꞌinal, y ni jaymel ya xchꞌay, ni maꞌyuk machꞌa ya xjuꞌ ya spojbon ta jkꞌab.

Bible in Tzeltal de Oxchuc y Tenejapa

²⁸ Jo'on ya cac'bey xcuxlejal sbajt'el q'uinal, soc xujt' ma xch'ayic sbajt'el q'uinal. Ma'yuc mach'a ya spojbon loq'uel ta jc'ab.

San Juan 10:28 ပူးပေါင်းရင်းမြစ်များ

Job 17:9

Pero te mach'a toj yo'tan ya to st'un te be yu'un, soc te mach'a mayuc smul te sc'ab ya me sta xan yip.

Salmos 31:5

Ya ca'bat ta ac'ab te jch'uhlele; la awac'on ta libre, Jehová, Diosat te stalel jun awo'tan ta jtojol.

Salmos 37:28

como te Jehová c'ux ta yo'tan te bin stojil ta pasel, soc ma ba ya spihtes te mach'atic jun yo'tanic ta stojol. Spisil ora ya yich'ic canantayel, yan te sts'umbal te mach'atic chopol yo'tanic ya yich'ic lajinel.

Proverbios 24:16

como aunque ya xyahl huqueb buelta te mach'a toj yo'tan, ya xcha'hahch xan, yan te mach'a chopol ya xcoh bahel ta stojol bin chopol.

Proverbios 4:18

Te be yu'un te mach'atic toj yo'tanic hich ay te bin ut'il ya xhahch ta sacubel te q'uinal, te behbe ya sacub ha to c'alal ts'acal sacubix te q'uinale.

Isaías 27:3

Ho'on, Jehovahon, ya jcanantay; spisil ora ya ca'be ya'lel. C'ahc'al ahc'abal ya jcanantay scuenta yu'un mayuc mach'a ya yuts'in.

Isaías 45:17

Pero te Israel ya xcoltayot yu'un Jehová ta scuenta colel te sbahtel q'uinal ay; mayuquix bin ora ya xq'uexawex o ya xpehc'anex.

Isaías 54:17

Mayuc a'tejibal yu'un guerra te ya xhu' ya stsalat, soc ya xhu' awu'un scomel te mach'a ya slehat ta c'op. Ha ini te bin ya yich'ic te a'batetic yu'un Jehová, ha ini te tsalaw te ya c'abe, xchi te Jehová.

Isaías 55:3

Jama achiquin, la'ic ta jtojol; a'iya awa'iyic yu'un hich ya xcuxaj ach'uhlelic a. Ya jpas chapbil c'op ta atojolic te sbahtel q'uinal ay, ha te sc'uxul co'tan ta stojol David te stalel ay.

Jeremías 23:4

Ya cac'ticlambe jcananetic te ya scanantayique. Ma ba ya xiwiquix, ma ba ya smel yo'tanic, soc ma xch'ay jcohtuc, xchi te Jehová.

Jeremías 31:3

Te Jehová nameyix la yac' sba ta ilel ta jtojolt, hich la yal: Sbahtel q'uinal c'uxat ta co'tan; ha yu'un te la jcac' halajuc ta atojol te c'uxultayel cu'une.

Jeremías 31:34

Mayuquix mach'a ya snohptes te spat-xuhc, mayuc mach'a ya ya'be snop te yermano, te hich ya yal: Na'beya sba te Jehová, te xchihe, como spisilic ya me sna'bonic jba, muc' biq'uit, xchi te Jehová. Como ya jpasbe perdón yu'un te schopolilic soc ma ba ya jna'beyix xan te smulique, xchi.

Jeremías 32:40

Ya jpas chapbil-c'op soc te sbahtel q'uinal ya xhalaj: Ha te ma ba ya xquehchajon ta spasbeyel te bintic lec, soc ya cac' te ya yich'onic ta muc' scuenta yu'un mayuc bin ora ya yihquitayonic.

San Marcos 13:22

Como ya me xchicnaj lotil cristohetic soc lotil jalwanejetic te ya yaq'uic ta ilel señahiletic soc jchahp a'teliletic yu'un ha ya slo'loyic a te mach'atic tsahbilic, te yacuc xhu' yu'unique.

San Lucas 23:46

Tulan awon te Jesús, hich la yal: Jtat, ya ca'bat ta ac'ab te jch'uhlele, xchi. Laj yalbel a, quehchaj yich'bel ic'.

San Juan 10:29

Te Jtat, te la yac'ticlambon te tuminchijetic, ha toyol yu'un spisil yantic, mayuc mach'a ya xhu' ya spojbe loq'uel ta sc'ab te Jtate.

San Juan 11:25

Halbot yu'un te Jesús: Ho'on te cha'cuxajelon soc ho'on te cuxlejalone; te mach'a ya sch'uhunon, aunque chamen, ya me xcuxaj.

San Juan 14:19

Jts'ihn xanix ya sc'an ya xch'ayon ta sit te mach'atic ayic ta bahlumilal, pero te ha'exe, ya me awilonic. Te bin ut'il cuxulon, ha nix hich ya xcuxajex.

San Juan 17:2

como awa'beyej ya'tel ta stojol spisil ch'ich'-baq'uet scuenta yu'un ya yac'ticlambe scuxlejal sbahtel q'uinal spisil te mach'atic awa'beyej ta scuentahe.

San Juan 18:9

Hich la yal scuenta yu'un hich ya xc'oht ta pasel a te bin la yal: Mayuc jtuhluc ch'ay te jayeb la awa'bon ta jcuenta, te xchihe.

San Juan 3:36

Te mach'a ya sch'uhun te Nich'anil ay scuxlejal sbahtel q'uinal; yan te mach'a ma sc'an ya sch'uhun te Nich'anil, ma ba ya yil te cuxlejal stuquel, ha ayix ta stojol te yilimba Dios, xchi te Juan.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

San Juan 5:24

Tulan sc'oblal ya calbeyex, te mach'a ya ya'iybon jc'op soc ya sch'uhun te mach'a la sticonon tale, ay scuxlejal sbahtel q'uinal soc ma ba ya x'a'bot stoj smul, c'axemix yu'un te lajel, ayix scuxlejal.

San Juan 6:27

Ma me x'a'tejex yu'un te we'elil te ya xlaj, a'tejanic me yu'un te we'elil te ya yac' cuxlejal sbahtel q'uinal, ha te ya ya'beyex te Nich'anil ay ta scuenta winic, como la yac' ta ilel te Dios Tatil te ha lec yo'tan yu'un, xchi.

San Juan 6:37

Ya xtal ta jtojol spisil mach'a ya ya'bon ta jcuenta te Jtate, soc te mach'a ya xtal ta jtojol, ma ba ya jten loq'uel.

San Juan 6:47

Tulan sc'oblal ya calbeyex, te mach'a ya sch'uhunon ay scuxlejal sbahtel q'uinal.

San Juan 6:68

La sjac' te Simón Pedro: Cajwal, ¿mach'a yan ya jt'uncotic? Ha'at awich'oj te c'op scuenta cuxlejal sbahtel q'uinal.

Hechos 7:59

C'alal yacalic ta sch'ojel ta ton a, la sc'opon Dios te Esteban: Cajwal Jesús, ic'bon jch'uhlel, xchi.

Romanos 5:17

Teme ta scaj te la sc'axuntay mandar te jtuhl winic te hich och te cuentahinel yu'un te lajele, c'ax to xan hich ya xcuentahinotic yu'un a te cuxlejal ta scuenta jtuhl winic, Jesucristo, te mach'atic ya yich'ic te yutsil-o'tanil te c'ax bayel soc te mahtanil yu'un halel te toj aye.

Romanos 5:2

te ha ta scuenta sch'uhunel co'tantic ta stojol te ya xhu' ya x'ochotic ta stojol te yutsil yo'tan Dios, te banti ayotic ta ora ini, soc tse'el co'tantic ta smahliyel te yutsilal te Diose.

Romanos 5:21

scuenta yu'un hich te bin ut'il cuentahinwan te mulil te hich la yac' lajel, ha nix hich te yutsil yo'tan Dios ya xcuentahinwan ta scuenta yaq'uel ta toj, te hich ya yac' cuxlejal scuenta sbahtel q'uinal ta scuenta te Cajwaltic Jesucristo.

Romanos 5:9

Te bin ut'il halbilix te toj ayotic ta scuenta sch'ich'el, c'ax to xan hich ya xcolotic ta stojol te yilimba Dios ta scuenta Cristo,

Romanos 6:23

Como te stojol te mulil, ha te lajele, yan te mahtanil yu'un Dios, ha te cuxlejal sbahtel q'uinal ta scuenta te Cajwaltic Cristo Jesús.

Romanos 8:1

Ha yu'un te mach'atic ayic ta stojol te Cristo Jesús, ma ba quechelix ta stojel te smulique, ha te mach'atic ma ba ya'telinejic spasel te bin ya sc'an te sbaq'uetalic, ha ya'telinejic spasel te bin ya sc'an te Espíritu,

Romanos 8:29

Como te mach'atic nahil la sna'be sba, ha nix la schahpan te pajal yilel ya xc'ohtic soc te Snich'ane, scuenta yu'un muc'ul banquilal ya xc'oht yu'un tsobol ihts'inaletic.

Deuteronomio 33:3

C'ux ta yo'tan te pueblo yu'un; ay ta sc'ab spisil te mach'atic yac'oj sbahic ta stojol; la spahcan sbahic ta atojol, la yich'ic p'ijubtesel awu'un,

Filipenses 1:6

Sch'uhunej co'tan te mach'a la shach te lequil a'tel ta atojolic, ya me shu'tes bahel ha to c'alal ya sta sc'ahc'alel yu'un te Jesucristo.

2 Tesalonicenses 2:13

Ya sc'an te spisil ora ya calbecotic wocol Dios ta acuentahic, quermanotac te c'uxex ta yo'tan te Cajwaltic, te bin ut'il ta shahchibal to tsahbilex yu'un Dios yu'un ya xcolex ta scuenta te ch'ultesel yu'un te Espíritu soc ta scuenta sch'uhunel te smelelil c'ope.

1 Timoteo 1:16

Pero ha scuentahil te la jquich' c'uxultayel, scuenta yu'un te Jesucristo ya xhu' ya yac' ta ilel te lec yo'tan te mayuc slajibal, te hich chican ta jcuenta, ho'on te c'ax bayel jmul, scuenta yu'un hich ya sna'ic a te mach'atic patil ya sch'uhunic Cristo soc ya yich' scuxlejalic scuenta sbahtel q'uinal.

2 Timoteo 1:12

soc ha scuentahil te yac ta c'axel jwocol yu'une. Pero ma xq'uexawon, como jna'oj Mach'a a te jch'uhunej, soc sch'uhunej co'tan te ay yu'el ta scanantayel te bin ca'beyej scanantaybon ha to c'alal ya sta sc'ahc'alel.

Hebreos 7:25

Ha scuentahil te ya xhu' ya scoltay sbahtel q'uinal te mach'atic ya xnohpojic ta stojol Dios ta scuenta, como stalel cuxul yu'un ya xc'opoj ta scuentahic.

1 Pedro 1:5

ha'ex te ta scuenta sch'uhunel awo'tanic canantaybilex ta yu'el Dios ha to c'alal ya xtal te colel te chapalix te ya xchicnaj ta slajibal c'ahc'al.

1 Juan 1:2

Chicnaj te cuxlejal soc la jquilcotic, ya calbecotic sc'oblal ta testigo-c'op soc ya calbeyex sc'oblal te cuxlejal te sbahtel q'uinal ay, te sjoquinej te Tatil soc te chicnaj ta jtojolcotic.

1 Juan 2:19

Loq'uemic hahchel ta cohliltic, pero ma junuc ayotic soc a, como te junuc ayucotic soc, la sjoquinotic te hichuque; pero loq'uic bahel yu'un tey chicnaj a te ma ba jun ayotic soc ta spisilic.

1 Juan 2:25

Yaloj Dios te ya ya'botic cuxlejal sbahtel q'uinal.

1 Juan 5:11

Ha te testigo-c'op ini: Dios ya'beyejotic jcuxlejaltic sbahtel q'uinal, soc te cuxlejal ini ay ta scuenta te Snich'ane.

Judas 1:1

Judas, a'bat yu'un Jesucristo soc yihts'in te Jacobo, ta stojol te mach'atic ic'bilic, te c'uxultaybilic yu'un te Jtatic Dios soc te canantaybilic yu'un te Jesucristo:

Judas 1:21

junuc me awo'tanic x'ayinex ta stojol te sc'uxul yo'tan Dios te c'alal yaquex ta smahliyel te Cajwaltic Jesucristo te ha ta scuenta te sc'uxul yo'tan ya ya'beyex acuxlejalic sbahtel q'uinal.

Judas 1:24

Te Dios te ya xhu' ya scanantayex yu'un ma ba xyahlex soc te ya xhu' yu'un te mayuc awabaquil a ya stehc'anex ta stojol te yutsilal soc bayel yutsil-o'tanil,

1 Samuel 2:9

Ha ya scanantaybe yoc te mach'atic yu'un te ch'uhltesbilique, yan te mach'atic chopol yo'tanic ya me xlajic ta yihc'al q'uinal; como mayuc mach'a ya ya'iy tsalaw ta scuenta te yip stuquel.