San Juan 10:27 - Bible in Tzeltal Bachajón

²⁷ Te tuminchijetic cu'un ya ya'iybonic jc'op soc ya jna'ticlambe sba, soc ya st'unonic;

Nuevo Testamento Tzeltal de Amatenango

²⁷ Te jkarnera ya snaꞌbonik sba te jkꞌope, y te joꞌone ya jnaꞌbe sba, y ya stsꞌakliyikon.

Bible in Tzeltal de Oxchuc y Tenejapa

²⁷ Te chijetic cu'une ya sna'bonic sba te jc'ope, soc ya jna'bey sbaic uuc. Jich ya sts'aclinonic.

San Juan 10:27 ပူးပေါင်းရင်းမြစ်များ

1 Reyes 18:21

Te Elías nohpoj tal ta stojol te pueblo, hich la yal: ¿Jayeb xan ora te xyahl xmo awo'tanic te cheb bin anopojic? Teme ha Dios te Jehová, t'unahic; teme ha te Baal, t'unahic bahel hiche, xchi. Ma ba la sjaq'uic te pueblo.

Isaías 66:22

Hich te bin ut'il stalel ya xhil ta jtojol te yach'il ch'ulchan soc bahlumilal te ya jpas, hich stalel ya xhil te ats'umbalic soc te abihilique, xchi te Jehová.

San Mateo 16:24

Ha yu'un te Jesús hich la yalbe te jnopojeletic yu'une: Teme ay mach'a ya sc'an ya st'unon, ac'a sloq'ues sba ta yo'tan, ac'a sq'uech bahel scruz soc ac'a st'unon.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

San Mateo 25:12

Pero la sjac': Jamal ya calbeyex te ma jna'beyex abahic, xchi sc'oblalic.

San Mateo 7:23

Pero jamal ya calbeyic: Mayuc bin ora la jna'beyex abahic. Loc'anic ta jtojol, ha'ex te chopol awa'telique, ya me cutic.

San Marcos 10:21

Te Jesús la yilbe sit, c'ux la ya'iy ta yo'tan, hich la yalbe: Ay to bin ya sc'an yac apas: bahan, chona spisil bintic ay awu'un, q'uebembeya te pobrehetic, hich me ay ac'uhlejal ta ch'ulchan; soc la' t'unawon, xchi.

San Marcos 8:34

Te Jesús la yic' tal te ants-winiquetic soc te jnopojeletic yu'une, hich la yalbe ya'iyic: Teme ay mach'a ya sc'an ya st'unon, ac'a sloq'ues sba ta yo'tan, ac'a scuch te cruz yu'un soc ac'a st'unon.

San Lucas 13:27

Pero hich me ya yalbeyex: Ya calbeyex te ma jna' banti talemex; loc'anic ta jtojol apisilic te chopol awa'telique, ya me yutex.

San Lucas 9:23

Hich la yalbe ya'iyic ta spisilic: Te mach'a ya sc'an ya st'unon, ac'a sloq'ues sba ta yo'tan, jujun c'ahc'al ac'a sq'uech te cruz soc ac'a st'unon.

San Juan 10:14

Ho'on te lequil jcanan-tuminchijon; ya jna'ticlambe sba te tuminchijetic cu'un, soc te tuminchijetic cu'un ya sna'bonic jba,

San Juan 10:16

Ay to yantic tuminchijetic cu'un te ma ba ochemic ta corral, ya sc'an te ha nix hich ya quic'ticlan tal; ya me ya'iybonic jc'op, ha jtsohb nax ya xc'ohtic soc jtuhl nax jcanan yu'unic.

San Juan 10:8

Spisil te mach'atic nahil talic cu'un, ha j'eleq'uetic soc j'uts'inwanejetic stuquelic, pero ma ba a'iybot sc'opic yu'un te tuminchijetique.

San Juan 12:26

Teme ay mach'a ya yac' sba ta a'batinel cu'un, ac'a st'unon; te banti ayon, ha nix hich tey ay a te a'bat cu'une. Te mach'a ya yac' sba ta a'batinel cu'un, ya me x'ich'ot ta cuenta yu'un te Jtate.

San Juan 21:22

Halbot yu'un te Jesús: Teme ya jc'an te cuxul to a te c'alal ya xtalone, ¿bin awochel a? T'unawon te ha'ate, xchi.

San Juan 5:25

Tulan sc'oblal ya calbeyex te ya me sta yorahil, soc yorahilix ini, te mach'atic chamenic ya me ya'iybeyic sc'op te Snich'an Dios, soc te mach'a ya ya'iyic, ya me xcuxajic.

San Juan 8:12

Cha'c'oponotic xan yu'un Jesús te ants-winiquetic, hich la yal: Ho'on te sacal q'uinalon yu'un te bahlumilal; te mach'a ya st'unon ma ba ya xbehen ta yihc'al q'uinal, ha ya yich' te sacal q'uinal scuenta cuxlejal, xchi.

San Juan 8:43

¿Bin yu'un te ma xana'beyic scuentahil te jc'ope? Como ma xhu' yac awa'iybonic te jc'ope.

Hechos 3:23

soc spisil te mach'a ma ba ya ya'iybe sc'op, ya me yich' bulel loq'uel ta pueblo, xchi.

1 Corintios 8:3

Yan te mach'a c'ux ya ya'iy ta yo'tan te Diose, na'bibil sba yu'un stuquel.

Gálatas 4:9

Pero yo'tic, te bin ut'il yac ana'beyiquix sba te Diose, o lec xan ya caltic te na'bilexix abahic yu'un Dios, ¿bin yu'un te ya xcha'suhtex xan ta apatic ta stojol te bintic mayuc yip soc te bintic scuenta bahlumilal, te c'an awac' xan abahic ta mosohil yu'un?

2 Timoteo 2:19

Pero stalel ay te yich'o-ip yu'un Dios soc yich'oj te sellohil ini: Te Cajwaltic ya sna'be sba te mach'atic yu'une, xchi, soc: Ihquitayahic te bin chopol spisil mach'atic ya yich'ic ta muc' sbihil te Cristo, xchi.

Hebreos 3:7

Ha yu'un, hich te bin ut'il ya yal te Ch'ul Espíritu: Teme yac awa'iybeyic sc'op yo'tic,

Apocalipsis 14:4

Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.

Apocalipsis 3:20

Ilawil, teq'uelon ta ti'nahil, yacon ta c'op; teme ay mach'a ya ya'iybon jc'op soc ya sjambon te ti'nahil, ya x'ochon, ya joquin ta we'el soc ya sjoquinon ta we'el.