San Juan 10:25 - Bible in Tzeltal Bachajón

²⁵ La sjac' te Jesús: La jcalbeyexix, pero ma ba yac ach'uhunic. Ha testigo cu'un te a'teliletic yacon ta spasel ta scuenta sbihil te Jtate.

Nuevo Testamento Tzeltal de Amatenango

²⁵ Te Jesuse la sakꞌtalanbe: —La kalbeyexix te jaꞌexe, y ma la achꞌuunbikon. Te tut ya jpas ta skuenta te jTate jamal ya yakꞌ ta ilel.

Bible in Tzeltal de Oxchuc y Tenejapa

²⁵ Te Jesús la yal: —La calbeyex, ja'uc me to, ma x'ac'an ach'uunbonic jc'op. Te at'eliletic ya jpas ta swenta sbiil te Jtate, ja' testigoetic cu'un.

San Juan 10:25 ပူးပေါင်းရင်းမြစ်များ

San Juan 10:32

pero la yal te Jesús: La jca'beyex awilic bayel lequil a'teliletic yu'un te Jtate. ¿Bin a'telil te yac ach'ojonic ta ton yu'une? xchi.

San Juan 10:37

Teme ma ba yacon ta spasbeyel ya'tel te Jtate, ma me xach'uhunonic.

San Juan 10:38

Yan teme yacon ta spasel, aunque ma ba yac ach'uhunonic, ch'uhunahic te a'teliletic, scuenta yu'un hich yac ana'ic soc hich yac ach'uhunic a te ay ta jtojol te Tatil soc te ayon ta stojol te Tatile, xchi.

San Juan 11:47

Ha yu'un te principal sacerdotehetic soc te fariseohetic la stsobic te jchahpanwanejetic, hich la yalic: ¿Bin ya cutic? como bayel señahiletic yac spasticlambel te winique.

San Juan 12:37

Aunque bayel señahiletic la spas ta stojolic, ma ba la sch'uhunic te Jesús,

San Juan 14:11

Ch'uhunawonic te jun ayon soc te Tatil soc te ha joc te Tatile; o ch'uhunawonic yu'un te ca'tele.

San Juan 20:30

Te Jesús ay to tsobol xan señahiletic la spasticlan ta stojol te jnopojeletic yu'un te ma ba ts'ihbabil li' ta hun ini.

San Juan 3:2

Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

San Juan 7:31

Pero tsobol ants-winiquetic la sch'uhunic, soc hich la yalic: Te c'alal ya xtal te Cristo, ¿c'ax bal hich señahiletic ya spas a te bin ut'il ya spas te winic ini? xchihic.

San Juan 8:12

Cha'c'oponotic xan yu'un Jesús te ants-winiquetic, hich la yal: Ho'on te sacal q'uinalon yu'un te bahlumilal; te mach'a ya st'unon ma ba ya xbehen ta yihc'al q'uinal, ha ya yich' te sacal q'uinal scuenta cuxlejal, xchi.

San Juan 8:24

Ha scuentahil te la jcalbeyex te ay amulic a ya xchamex. Teme ma ba yac ach'uhunic te jtalel ayon, ay amulic a ya xchamex, xchi.

San Juan 8:56

Te atatic Abraham tse'el yo'tan yu'un te ya yilbon te yorahil cu'un. La yil, soc tse'el yo'tan yu'un, xchi.

San Juan 8:58

Halbotic yu'un te Jesús: Tulan sc'oblal ya calbeyex, te c'alal ma to ayuc a te Abraham, jtalel ayon te ho'one, xchi.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

Hechos 2:22

Winiquetic yu'un Israel, a'iya me awa'iyic te c'ope: Te Jesús talem ta Nazaret, ha te winic te Dios la yac' ta ilel ta atojolic te lec sc'oblal; hich la yac' ta ilel ta scuenta jchahp a'teliletic soc señahiletic te Dios la spas ta atojolic ta scuenta, hich te bin ut'il ana'ojique.

Hebreos 2:3

¿bin ut'il c'an ahnucotic loq'uel teme ma ba ya quich'tic ta cuenta te muc'ul colele? Te colel ini, te nahil halbot sc'oblal yu'un te Cajwaltic, la yalbotic te melel te mach'atic la ya'iyic,