San Juan 10:20 - Bible in Tzeltal Bachajón

²⁰ Ay tsobolic la yalic: Ay pucuj ta yo'tan, sohquem sjol. ¿Bin stuc awu'un yac awa'iybeyic sc'op? xchihic.

Nuevo Testamento Tzeltal de Amatenango

²⁰ Ay bayal te jich a yalike: —¿Tuꞌun te ya awakꞌik ta jkuentae? Porke ya xjowiy, yuꞌun ay pukuj ta yoꞌtan —xchiik.

Bible in Tzeltal de Oxchuc y Tenejapa

²⁰ Ay tsobolic la yalic: —¿Bistuc ya awaiybeyic stojol te sc'ope? Ay pucuj ta yo'tan. Mero jowejem sjol ta jyalel —xiic.

San Juan 10:20 ပူးပေါင်းရင်းမြစ်များ

Isaías 53:8

Ta scuenta uts'inel soc chahpanel te ic'ot bahele. ¿Mach'a ya xhu' ya yalbe sc'oblal te sts'umbale? Como la yich' loq'uesel ta yohlil mach'atic cuxulic, ehchentesot ta scaj te c'axun-mandar yu'un te pueblo cu'une.

Jeremías 29:26

Te Jehová yac'ojat ta sacerdote ta sjelol te sacerdote Joiada yu'un yac acuentahin ta sna Jehová spisil mach'a sohquem sjol te ya sp'is sba ta jalwanej, yu'un yac axojbe yoc soc sc'ab ta hotbil te' soc yac achucbe snuc' ta cadena.

San Mateo 10:25

Tic'uc a te jnopojel te pajal ya xc'oht soc te maestro yu'un, soc te a'bat te pajal ya xc'oht soc te yajwale. Teme a'bot sbihilin Beelzebú te tatile, ¿ha'uc to balix a te mach'atic ay yu'un ta sna?

San Mateo 11:18

yu'un tal te Juan te ma ba we' uch', hich ya yalic: Ay pucuj ta yo'tan, xchihic.

San Mateo 9:34

Yan te fariseohetic hich la yalic stuquel: Ta scuenta te yajaw pucujetic te ya xhu' yu'un sloq'uesel te pucujetique, xchihic.

San Marcos 3:21

C'alal la ya'iyic te mach'atic ay yu'un te Jesús, ya c'an tal stsaquic bahel, como la yalic: Sohquem sjol, xchihic.

San Juan 7:20

La sjaq'uic te ants-winiquetic: Ay pucuj ta awo'tan, ¿mach'a yac schapbelat ac'oblal ta milel? xchihic.

San Juan 8:52

La yalic te judíohetic: La jna'cotiquix te ay pucuj ta awo'tan. Cham te Abraham soc te jalwanejetic; pero ha'at yac awal: Te mach'a ya scanantaybon te jc'ope, mayuc bin ora ya xcham, xchihat.

Hechos 26:24

Hich yac yalbel ta scoltayel sba ta c'op a te Pablo, tulan c'opoj te Festo: Sohquem ajol, Pablo. Ta scaj te bayel bintic anopoj te sohquemix ajol yu'un, xchi.