San Juan 10:16 - Bible in Tzeltal Bachajón

¹⁶ Ay to yantic tuminchijetic cu'un te ma ba ochemic ta corral, ya sc'an te ha nix hich ya quic'ticlan tal; ya me ya'iybonic jc'op, ha jtsohb nax ya xc'ohtic soc jtuhl nax jcanan yu'unic.

Nuevo Testamento Tzeltal de Amatenango

¹⁶ Ay xan yan karneraetik kuꞌun te ma to jaꞌuk skoral to, y puersa me ya kikꞌ tal euk. Jich me ya yaꞌibikon te jkꞌope, y jun nax me ya xlaj kꞌot, y jtul nax me jkanan ya xkꞌot yuꞌunik.

Bible in Tzeltal de Oxchuc y Tenejapa

¹⁶ Ay yantic chijetic cu'un te ma to ochemuc ta bay in corral to. Puersa me ya quic' tel. Jich me ya yaiybonic stojol te jc'ope. Jich jtsojp nax chij ya xc'otic ta spisilic soc jtul nax jcanan-chij ya xc'ot yu'unic.

San Juan 10:16 ပူးပေါင်းရင်းမြစ်များ

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

Salmos 86:9

Spisil te nacionetic te apasoj ya me xtalic ta atojol soc ya me sch'uhuntayat, Cajwal, soc ya me yalbat yutsil sc'oblal te abihile,

Eclesiastés 12:11

Te c'opetic yu'un te mach'atic ay sp'ijil yo'tanic hich c'ohemic te bin ut'il ch'ix, te tsobil c'opetic hich c'ohemic te bin ut'il clavohetic te bajticlambilic ta lec, te la yich'ic halel yu'un jtuhl jcananchij.

Isaías 11:10

Ta hich ora, te slohp' te Isaí ha bandera ya xc'oht yu'un te pueblohetic; ya xlehot yu'un te ants-winiquetic, soc bayel me yutsil te banti ya xnahine.

Isaías 43:6

Hich ya calbe te norte: La' li'i, xchihon, soc hich ya calbe te sur: Ma me xacom. Ic'bon tal ta namal te jnich'nab queremetic, soc te ach'ixetic c'alal ta sti'il te bahlumilal,

Isaías 49:6

hich ya yal: Jteb nax ya ca'iy te ha a'bat cu'un yu'un yac ahach te chahpalchahp sts'umbal Jacob, soc te yac apas te ya suhtic xan tal te mach'atic hilemic yu'un Israel; ha nix ya cac' te ha sacal q'uinal ya xc'ohat ta stojol te nacionetic, yu'un yac awich'bon bahel te colel cu'un c'alal ta sti'il te bahlumilale, xchi.

Isaías 52:10

Te Jehová la yac' ta ilel te sch'ul c'ab ta stojol sit spisil te nacionetique; spisil te mach'atic ayic ta sti'il te bahlumilal ya me yilic te colel yu'un te Dios cu'untique.

Isaías 56:8

Hich ya yal te Cajwaltic Jehová, te mach'a ya stsobticlan te mach'atic yu'un Israel te puhquemic bahele: Ya to jtsob xan tal yantic, soc te mach'atic stsobojix sbahique, xchi.

Ezequiel 34:12

Hich te bin ut'il bayel sc'oblal ta yo'tan te jcanan-tuminchij te ya stsob tal te jtsohb tuminchijetic yu'un te puhquemic, hich bayel sc'oblal ta co'tan te tuminchijetic cu'un soc ya cac'ticlan ta libre ta bayuc banti puhquemic bahel ta yorahil macal q'uinal soc yihc'al q'uinal.

Ezequiel 34:23

Ya ca'beyic jtuhl jcanan te ya scanantay, ha te ca'bat David; ya scanantay, ha jcanan yu'unic ya xc'oht.

Ezequiel 34:6

Te tuminchijetic cu'un howiyemic ta behel ta spisil te witsiltic soc spisil te toyol tsehletique. Puhquic bahel ta spahmal bahlumilal te tuminchijetic cu'un, mayuc mach'a la sle soc mayuc mach'a la sjoc'oy ta scuenta.

Ezequiel 37:22

Ya cac' te junax nación ya xc'ohtic ta witsiltic yu'un Israel; soc junax ajwalil yu'unic ya xc'ohtic. Mayuquix bin ora te cheb nacionetic ya xc'oht.

Ezequiel 37:24

Ha ajwalil yu'unic ya xc'oht te ca'bat David, jtuhl nax jcanan ay yu'unic spisilic. Ya st'unic te mandariletic cu'un soc ya sch'uhunic spasel te chapbil mandariletic cu'une.

Oseas 1:10

Aunque hich ay, te israeletic hich ya xc'ohtic te bin ut'il shi'al mar, te ma xhu' ta p'isel o ta ahtayel. Ta banti hich ya xhalbotic: Ma puelohuquex cu'un, te xchihe, hich ya xhalbotic: Yal-snich'anex te cuxul Dios, xchi sc'oblalic.

Zacarías 2:11

Ta hich ora bayel nacionetic jun ya xc'ohtic soc te Jehová, ha pueblo cu'un ya xc'ohtic, soc ya xnahinon ta awohlil, xchi. Hich yac ana'ic a te ticombilon yu'un te Jehová te scuentahinej spisil.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

San Lucas 15:8

Soc teme ay jtuhl ants te ay lajuneb dracma-taq'uin yu'un, teme ch'ay junuc, ¿ma bal yacuc stsun sc'ahc', ya smes sna soc ya sle ta lec ha to c'alal ya sta?

San Juan 10:11

Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

San Juan 10:2

Yan te mach'a ya x'och ta sti'il, ha me te jcanan yu'un te tuminchijetic stuquel.

San Juan 10:27

Te tuminchijetic cu'un ya ya'iybonic jc'op soc ya jna'ticlambe sba, soc ya st'unonic;

San Juan 10:3

Te jcanan-ti'corral ya sjambe te ti'corral, soc te tuminchijetic ya ya'iybe te sc'ope; soc ya yalticlambe sbihil te tuminchijetic yu'un, hich ya yic'ticlan loq'uel.

San Juan 10:4

Te c'alal ya sloq'ues spisil te tuminchijetic yu'un, ha ya xnahilij bahel; soc ya xt'unot bahel yu'un te tuminchijetic como ya sna'beyic sc'op.

San Juan 10:5

Yan te mach'a ma ba ya sna'beyic sba, ma ba ya st'unic bahel stuquel, ya x'ahnic bahel ta stojol, como ma ba ya sna'beyic sba te sc'ope, xchi.

San Juan 11:52

Soc ma ha'uc nax ta scuenta te nación, ha nix yu'un te ya stsob ta junax te yal-snich'nab Dios te puhquemique.

San Juan 17:20

Ma ha'uc nax ya calbat wocol yu'un te mach'atic li' ayic, ha nix hich ya calbat wocol yu'un te mach'atic ya sch'uhunonic ta scuenta te sc'opique,

San Juan 6:37

Ya xtal ta jtojol spisil mach'a ya ya'bon ta jcuenta te Jtate, soc te mach'a ya xtal ta jtojol, ma ba ya jten loq'uel.

Hechos 15:14

Te Simón la yalix bin ut'il ta shahchibal lec la ya'iy Dios te ya yic' ta stojol jun pueblo yu'un ta yohlil te jyanlumetique.

Hechos 18:10

como ho'on joquinejat, mayuc mach'a ya xhu' ya yuts'inat, yu'un ay to tsobol ants-winiquetic cu'un li' ta pueblo ini, xchi.

Hechos 22:14

La yalbon: Te Dios yu'un te jme'jtatic la stsahat yu'un yac ana' bin ya sc'an yo'tan, te yac awil te Mach'a toj yo'tan soc te yac awa'iybe sc'op ya yal ta ye,

Romanos 11:25

Quermanotac, ma jc'an te ma ba yac ana'ic bin ut'il ay ini te bin mayuc ta na'el ta namey, scuenta yu'un ma ba yac acuy abahic ta p'ij: Ta Israel ay banti tonob yo'tanic ha to c'alal ts'acay ochel te jyanlumetique.

2 Tesalonicenses 2:13

Ya sc'an te spisil ora ya calbecotic wocol Dios ta acuentahic, quermanotac te c'uxex ta yo'tan te Cajwaltic, te bin ut'il ta shahchibal to tsahbilex yu'un Dios yu'un ya xcolex ta scuenta te ch'ultesel yu'un te Espíritu soc ta scuenta sch'uhunel te smelelil c'ope.

Hebreos 13:20

Te Dios yu'un lamal q'uinal, te ta scuenta te sch'ich'el te yach'il chapbil-c'op la scha'cuxajtes tal ta lajel te Cajwaltic Jesucristo, te muc'ul Jcanantaywanej yu'un te tuminchijetic,

1 Pedro 2:10

Ta nahil to ma pueblohuquex yu'un Dios, pero yo'tic pueblohexix yu'un te Diose; ta namey tal mayuquex ta c'uxultayel, pero yo'tic awich'ojiquix c'uxultayel.

1 Pedro 2:25

Como hichex te bin ut'il tuminchijetic te howiyemic, pero yo'tic suhtemexix tal ta stojol te Jcanantaywanej soc te Mach'a ya scanantaybeyex ach'uhlelique.

1 Pedro 5:4

Hich te c'alal ya xchicnaj tal te muc'ul Jcanantaywanej ya me awich'ic te corona te ay yutsilal te ma xlaje.

Apocalipsis 3:20

Ilawil, teq'uelon ta ti'nahil, yacon ta c'op; teme ay mach'a ya ya'iybon jc'op soc ya sjambon te ti'nahil, ya x'ochon, ya joquin ta we'el soc ya sjoquinon ta we'el.