San Juan 10:14 - Bible in Tzeltal Bachajón

¹⁴ Ho'on te lequil jcanan-tuminchijon; ya jna'ticlambe sba te tuminchijetic cu'un, soc te tuminchijetic cu'un ya sna'bonic jba,

Nuevo Testamento Tzeltal de Amatenango

^14-15 “Joꞌon te lekil jkananone. Jich tutꞌil te ya snaꞌbon jba te jTate y te joꞌone ya jnaꞌbe sba euk te jTate, jich euk te jkarnerae ya jnaꞌbe sba y ya snaꞌbikon jba euk te joꞌone. Te joꞌone ya kakꞌ jba ta milel yuꞌun te karneraetike.

Bible in Tzeltal de Oxchuc y Tenejapa

^14-15 “Jo'on te lequil jcanan-chijone. Ya sna'bon jba te Jtate soc ya jna'bey sba uuc. Ja' nanix jich jna'bey sba te chijetic cu'une soc ya sna'bonic jba uuc. Soc ya cac' jba ta lajel yu'un te chijetique.

San Juan 10:14 ပူးပေါင်းရင်းမြစ်များ

Salmos 1:6

Como te Jehová ya scanantaybe sbe te mach'atic toj yo'tanic, yan te sbe te mach'atic chopol yo'tanic ya yac' te ch'ayel ya xbahtic.

Isaías 40:11

Hich te bin ut'il jcanan-tuminchij ya scanantay te tuminchijetic yu'une; ya stsac hahchel ta sc'ab te tut tuminchijetic, ya spet bahel ta stahn, c'un ya yic' bahel te tohquelic to.

Isaías 53:11

Ya me yil te bin ya xloc' yu'un a te swocol te sch'uhlel, lec me ya ya'iy yu'un; te ca'bat te toj yo'tan ya me yac' te toj ya xc'oht tsobolic ta scuenta te bintic sna'oj, soc ya me scuchbe te smulique.

Nahúm 1:7

Te Jehová lec yo'tan, ha tulan ahnibal ta yorahil wocol; ya scanantay te mach'atic ha smuc'ulinej yo'tanique.

San Juan 10:11

Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

San Juan 10:13

Ya xloc' ta ahnel te mach'a tojbil nax, como yac nax ta tojel soc mayuc sc'oblal ta yo'tan te tuminchijetique.

San Juan 10:27

Te tuminchijetic cu'un ya ya'iybonic jc'op soc ya jna'ticlambe sba, soc ya st'unonic;

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Juan 17:8

como la jca'be te ac'op te la awa'bone; la yich'ic ta cuenta, soc sna'ojiquix ta lec te talemon ta atojol, soc sch'uhunejiquix te ha'at aticonejon tale.

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.

Efesios 1:17

Ya jc'ambe te Dios yu'un te Cajwaltic Jesucristo, ha te Tatil yu'un utsilal, te yacuc ya'beyex espíritu yu'un p'ijil-o'tanil soc yu'un sna'el bin ac'bil ta na'el yu'un Dios, scuenta yu'un ya xhu' yac ana'beyic sba ta lec.

Efesios 3:19

soc te ya xhu' awu'unic sna'beyel sba te sc'uxul yo'tan te c'ax hich a te bin ut'il ya xhu' ta na'el, scuenta yu'un ts'acal yac awich'ic spisil bintic ay yu'un Dios.

Filipenses 3:8

Melel jc'axel lajem sc'oblal ta co'tan spisil ta scaj te c'ax t'ujbil te ya jna'be sba te Cristo Jesús, ha te Cajwal. Ha ta scuenta te la jch'ayix hilel spisil, hich c'oht cu'un te bin ut'il c'a'pal, scuenta yu'un ha cu'un ya xc'oht te Cristo

2 Timoteo 1:12

soc ha scuentahil te yac ta c'axel jwocol yu'une. Pero ma xq'uexawon, como jna'oj Mach'a a te jch'uhunej, soc sch'uhunej co'tan te ay yu'el ta scanantayel te bin ca'beyej scanantaybon ha to c'alal ya sta sc'ahc'alel.

2 Timoteo 2:19

Pero stalel ay te yich'o-ip yu'un Dios soc yich'oj te sellohil ini: Te Cajwaltic ya sna'be sba te mach'atic yu'une, xchi, soc: Ihquitayahic te bin chopol spisil mach'atic ya yich'ic ta muc' sbihil te Cristo, xchi.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

Apocalipsis 2:13

Ya jna' banti nahinemat, ta banti ay te shuctajib te Satanás. Pero stalel jun awo'tan ta jtojol, ma ba amucoj ta awo'tan te ach'uhunejon, ni ha'uc te c'alal laj ta awohlilic te Antipas te testigo cu'un te jun yo'tan ta jtojol, tey ta banti nahinem te Satanás.

Apocalipsis 2:19

Ya jna' bin yilel awa'tel, te sc'uxul awo'tan, sch'uhunel awo'tan, te yac awac' aba ta a'batinel, te slamalil awo'tan, soc te c'ax hich awa'tel a te bin ut'il ta shahchibal.

Apocalipsis 2:2

Ya jna' bin yilel awa'tel, te tulan ayat ta a'tel soc te ya xcuhch awu'un; soc ya jna' te ma xcuhch awu'un te mach'atic chopolic, te atsajoj te mach'atic ya scuy sbahic ta jpuc-c'opetic pero ma ha'uc, soc la atsaquix ta slotic.

Apocalipsis 2:9

Ya jna' bin yilel awa'tel, ya jna' te awocol, soc te pobre ayat (aunque c'uhlejat); ya jna' bin ut'il ayat ta labanel yu'un te mach'atic judíohetic ta sc'opic pero ma ha'uquic, ha sinagoga yu'un Satanás.

Apocalipsis 3:1

Ts'ihbabeya te ch'ul a'bat yu'un te iglesia ta Sardis: Hich ya yal te Mach'a yich'oj te huqueb espírituhetic yu'un Dios soc te huqueb eq'uetic: Ya jna' bin yilel awa'tel; cuxul, xchi ac'oblal, pero chamenat.

Apocalipsis 3:15

Ya jna' bin yilel awa'tel, te ma sicucat soc ma q'uixinucat. ¡Ha lec te sicucat o q'uixinucat!

Apocalipsis 3:8

Ya jna' bin yilel awa'tel. La jcac' jamal puerta ta atojol te mayuc mach'a ya xhu' ya smac. Aunque mayuc lec awip, la acanataybon te jc'op soc ma ba la amuc ta awo'tan te jbihile.