San Juan 1:49 - Bible in Tzeltal Bachajón

⁴⁹ La sjac' te Natanael: ¡Rabí, ha'at te Snich'anat Dios! ¡Ha'at Ajwalilat yu'un Israel! xchi.

Nuevo Testamento Tzeltal de Amatenango

⁴⁹ Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

Bible in Tzeltal de Oxchuc y Tenejapa

⁴⁹ Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

San Juan 1:49 ပူးပေါင်းရင်းမြစ်များ

Salmos 110:1

Te Jehová hich la yalbe te Cajwal: Huclan ta jwa'el-c'ab ha to c'alal ya ca'bat scuenta scajtajib awoc te acontratac, xchi.

Salmos 2:6

Ho'on la jcotses te ajwalil cu'un ta Sión, te ch'ul wits cu'un, xchi.

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Daniel 9:25

Na'a me soc ac'a c'ohtuc ta awo'tan: te c'alal ya yich' halel mandar te ya yich' cha'pasel xan te Jerusalén ha to c'alal ya xtal te príncipal te malbil ta aceite, ya xc'ax huqueb semana, soc cheb schanwinic (62) semana; ya yich' xan pasel te callehetic soc te sts'ahcul ta yorahil wocol.

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

Sofonías 3:15

Te Jehová la sloq'ues te castigo awu'un, la sten loq'uel te acontratac. Te Jehová, te Ajwalil yu'un Israel, ay ta awohlil; ma ba yac axi'ix te bin wocol.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

San Mateo 14:33

Ha yu'un te mach'atic ayic ta barco tal sch'uhuntayic, hich la yalic: Melel nix a te ha'at Snich'anat Dios, xchihic ta stojol.

San Mateo 2:2

hich hul yalic: ¿Banti ay te ajwalil yu'un te judíohetic te ayinemixe? Como te ec' yu'un la jquilcotic ta banti ya xloc' tal c'ahc'al, ha yu'un talemotcotic ta sch'uhuntayel, xchihic.

San Mateo 21:5

Halbeyahic te yantsil-nich'an Sión: Yac ta talel ta atojolic te Ajwalil awu'unic, ha manso soc cajal ta burra, cajal ta yal burra, ha yal j'ihcatsijel chambahlam, te xchihe.

San Mateo 23:7

ya smulanic te pat-o'tan ta plazahetic soc te hich ya xhalbotic yu'un ants-winiquetic: Rabí, te xchi sc'oblalique.

San Mateo 23:8

Yan te ha'exe ma me xawac' abahic ta cuyel ta rabí, como jtuhl nax te Maestro awu'unic, soc awermano abahic ta apisilic.

San Mateo 27:11

Teq'uel ta stojol gobernador te Jesús, hich joc'obot yu'un: ¿Ha'at bal te Ajwalilat yu'un te judíohetique? xchi sc'oblal. Ha'at nix yac awal, xchi te Jesús.

San Mateo 27:42

La scoltaylan yantic, laj'a ma xhu' ya scoltay sba stuquel. Teme ha te Ajwalil yu'un Israel, ac'a cohuc tal ta cruz, hich ya jch'uhuntic a.

San Mateo 4:3

Tal ta stojol te jlo'loywanej, hich halbot yu'un: Teme ha'at Snich'anat Dios, hala te yacuc xc'atp'uj ta pan te tonetic ini, xchi.

San Marcos 15:32

¡Te Cristo! ¡Te Ajwalil yu'un Israel! Ac'a cohuc tal ta ora ta cruz quiltic yu'un ya jch'uhuntic, xchihic. Ha nix hich te mach'atic pajal jipilic ta cruz soc, la yalbeyic chopol sc'oblal.

San Lucas 1:35

La sjac' te ch'ul a'bat: Ya me xhul ta atojol te Ch'ul Espíritu, ya spotsat ta yaxinal yu'el te Mach'a ay ta toyol; ha yu'un te Ch'ul Alal te ya x'ayine, Snich'an Dios sbihil ya xc'oht.

San Lucas 19:38

Hich la yalic: ¡Bayel me yutsil te ajwalil te yac ta talel ta scuenta sbihil te Cajwaltique! ¡Lamaluc me q'uinal ta ch'ulchan soc ayuc yutsilal ta toyol! xchihic ta aw.

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

San Juan 1:34

Ho'on la jquil soc ya cal ta testigo te ha te Snich'an Dios, xchi te Juan.

San Juan 1:38

La sut sit te Jesús, la yil te ha yacalic ta t'unel yu'un, hich la yalbe: ¿Bin yac alehic? xchi. La yalbeyic: Rabí, (Maestro, xchi te c'asesbile) ¿banti nahinemat? xchihic.

San Juan 1:50

Hich halbot yu'un te Jesús: ¿Ha bal la ach'uhun yu'un te la jcalbat te la jquilat te c'alal ayat ta ye'tal te higuera a? C'ax to xan hich yac awil a te bin ut'il ini, xchi.

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

San Juan 4:31

Te c'alal bahemix a te antse, te jnopojeletic la yalbeyic te Jesús: We'an, Rabí, xchihic.