San Juan 1:22 - Bible in Tzeltal Bachajón

²² La sjoc'obeyic xan: ¿Mach'ayat a? Ya sc'an ya xc'oht calbecotic suhtib te mach'atic la sticonotcotic tale. ¿Bin yac awal aba a? xchihic.

Nuevo Testamento Tzeltal de Amatenango

²² La yalbeyik: —¿Machꞌaat ate? Yuꞌun puersa ya skꞌan te ay tut ya xkꞌo kalbeytik te machꞌatik la stikonotik tale. ¿Tut ya awalbotikix bael te jaꞌate? —xchiik.

Bible in Tzeltal de Oxchuc y Tenejapa

²² Jich yu'un la sjojc'obeyic xan: —¿Mach'aatix a jiche? Albotic caiytic, swenta yu'un jich me ya xc'o calbeytic te mach'atic la sticunotic tele. ¿Bila ya awalbotic atuquel te ja'ate? —xiic.

San Juan 1:22 ပူးပေါင်းရင်းမြစ်များ

2 Samuel 24:13

Hich tal te Gad ta stojol David, la ya'be sna', hich la yalbe: ¿Ya bal ac'an te ya xtal huqueb ha'bil wi'nal ta aq'uinal? ¿o teme oxeb u ya x'ahnat ta stojol te acontratac te ya snutsat? ¿o teme oxeb c'ahc'al ay jmilawal-chamel ta aq'uinal? Nopa awa'iy, yu'un hich ya xc'oht calbe te mach'a sticonejon tal, xchi.

San Juan 1:21

La sjoc'obeyic xan: ¿Mach'ayat a hiche? ¿Ha'at bal te Elíasat? xchihic. Ma ho'ucon, xchi. ¿Ha'at bal te Jalwanejat? xchihic. Ma ho'ucon, xchi xan.

San Juan 1:23

La sjac' te Juan: Ho'on te sc'op mach'a hich ya x'awon ta jochol taquin q'uinal: Tojobtesbeya sbe te Cajwaltic, hich te bin ut'il la yal te jalwanej Isaías, xchi.