San Juan 1:19 - Bible in Tzeltal Bachajón

¹⁹ Hich ay te testigo-c'op yu'un te Juan c'alal loq'uic tal ta Jerusalén te sacerdotehetic soc levitahetic te ticombilic yu'un te judíohetic yu'un ya sjoc'obeyic: ¿Mach'ayat a? xchihic.

Nuevo Testamento Tzeltal de Amatenango

¹⁹ Te juriyoetik ta Jerusalene la stikonik bael saserdoteetik sok levitaetik ta stojol te Juane, yuꞌun ba sjojkꞌobeyik machꞌa a.

Bible in Tzeltal de Oxchuc y Tenejapa

¹⁹ Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

San Juan 1:19 ပူးပေါင်းရင်းမြစ်များ

San Juan 1:7

Ha tal ta testigohil yu'un ya yalbe sc'oblal te sacal q'uinal, scuenta yu'un hich ya sch'uhunic spisil ants-winiquetic a.

San Juan 10:24

C'oht ta joytayel yu'un te judíohetic, hich la yalbeyic: ¿Bin to ora te ma ba yac awac' jna'cotic? Teme ha'at Cristohat, hala ca'iycotic ta jamal, la yutic.

San Juan 10:31

Ha yu'un te judíohetic la scha'tamic xan ton yu'un ya sch'ojic a te Jesús,

San Juan 11:19

tsobol judíohetic talem yilbelic te Marta soc te María scuenta yu'un ya smuc'ubtesbeyic q'uinal ya'iyic yu'un te cham te sbanquilique.

San Juan 2:18

La sjaq'uic te judíohetic: ¿Bin seña yac awac' quilcotic te ay awa'tel ta spasel ini? la yutic.

San Juan 2:20

La yalic te judíohetic: Waqueb yoxwinic (46) ha'bil a hu' ha'i Templo ini, ¿ha'at bal c'an hu'uc awu'un spasel xan ta oxeb nax c'ahc'al? xchihic.

San Juan 5:10

Ha yu'un te judíohetic la yalbeyic te mach'a lecubix ta chamel: Ha sc'ahc'alel cux-o'tan ini; ma xpas te yac awich' bahel te awayibe, la yutic.

San Juan 5:15

Te winic baht yalbe ya'iy te judíohetic te ha Jesús te ch'aybot schamel yu'une.

San Juan 5:16

Ha scuentahil te hahch scontrahinic Jesús te judíohetic, como hich yac spasbel ta sc'ahc'alel cux-o'tan.

San Juan 5:18

Ha scuentahil te judíohetic la ya'beyic xan yip ta schapbeyel sc'oblal ta milel; ma ha'uc nax yu'un te la sc'axuntay te sc'ahc'alel cux-o'tan, ha nix yu'un te la yal te ha Stat te Diose, hich la spajaltay sba soc Dios.

San Juan 6:41

Te judíohetic hahchic wulajanel ta c'op yu'un te la yal: Ho'on te panon te cohemon tal ta ch'ulchan, te xchihe.

San Juan 6:52

Ha yu'un hahch stij sbahic ta c'op te judíohetic, hich la yalic: ¿Bin ut'il ya xhu' ya yac' jwe'betic te sbaq'uetale? xchihic.

San Juan 7:1

Ta patil behen ta Galilea te Jesús, yu'un ma ba la sc'an ya xbaht ta Judea, como te judíohetic schapbeyejic sc'oblal ta milel tey a.

San Juan 7:11

Te judíohetic la slehic ta yorahil te q'uin, hich la yalic: ¿Banti ay te winique? xchihic.

San Juan 7:15

Xcham yo'tanic yu'un te judíohetic, hich la yalic: ¿Bin ut'il ay a te bayel bintic ya sna' te ma ba yich'oj p'ijubtesel? xchihic.

San Juan 8:22

La yalic te judíohetic: ¿Yu'un bal ya smil sba, te hich ya yal: Te banti ya xbohon ma xhu' ya xbahex tey a, te xchihe? xchihic.

San Juan 8:48

La sjaq'uic te judíohetique: ¿Ma bal hichuc la jcalcotic te ha'at samaritanohat soc te ay pucuj ta awo'tan? xchihic.

San Juan 8:52

La yalic te judíohetic: La jna'cotiquix te ay pucuj ta awo'tan. Cham te Abraham soc te jalwanejetic; pero ha'at yac awal: Te mach'a ya scanantaybon te jc'ope, mayuc bin ora ya xcham, xchihat.

San Juan 8:57

La sjaq'uic te judíohetic: Ma to ayuc lajuneb yoxwinic (50) awa'bilal, ¿awiloj bal te Abraham? xchihic.

Hechos 13:25

Te c'alal nopol ya xlajix ya'tel a te Juan, hich la yal: ¿Mach'a yac acuyonic a? Ma ho'ucon te mach'a ya xtal; pero ay mach'a patil ya xtal cu'un te ma ba ya xtuhunon yu'un te ya jtilbe sc'ab step stuquel, xchi.

Hechos 19:4

La yal te Pablo: Te Juan la yac' ich'-ha' ta scuenta suhtesel-o'tanil, la yalbe ya'iyic te ants-winiquetic te ya me sch'uhunic te mach'a patil ya xtal yu'une, ha te Jesús, xchi.

Deuteronomio 24:8

Te banti te c'a'el-chamel, buen tsahtaybiluc me awu'unic yac apasic spisil te bin ya yalbeyex apasic te sacerdote-levitahetique; hich te bin ut'il la jpasex ta mandar, hich ni me xapasic.

1 Juan 1:5

Ha ini te bin la yal ca'iycotic te Jesucristo soc te ya calbeyexcotic awa'iyique: Ha sacal q'uinal te Diose, jc'axel mayuc yihc'al q'uinal ta scuenta stuquel.