San Juan 1:18 - Bible in Tzeltal Bachajón

¹⁸ Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

Nuevo Testamento Tzeltal de Amatenango

¹⁸ Ni jtul machꞌa yilojbe sit te Diose. Pero te úniko jtul xNichꞌan, te jaꞌ mismo Dios, sok jun nax ay sok te Tatile, jaꞌ la yaꞌbotik jnaꞌbetik sba te sTate.

Bible in Tzeltal de Oxchuc y Tenejapa

¹⁸ Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Juan 1:18 ပူးပေါင်းရင်းမြစ်များ

Génesis 16:13

Ha yu'un te Agar la ya'be sbihilin te Jehová te c'oponot yu'un: Ha'at Diosat te ya yilon, xchi, yu'un la yal: ¿Ma bal la jquil te Mach'a la yilon? xchi.

Génesis 18:33

C'alal laj yo'tan ta c'op soc Abraham baht te Jehová; yan te Abraham suht bahel ta sna.

Éxodo 23:21

Ich'a ta cuenta soc a'iybeya te sc'ope; ma me xatoy aba ta stojol, yu'un ma ba ya spasbeyex perdón yu'un atoybahilic, como yich'oj te jbihile.

Éxodo 24:10

la yilic te Dios yu'un Israel. Ta ye'tal yoc sjel ta limbil zafiro-ton, hich yilel te bin ut'il ch'ulchan c'alal buen q'uepel.

Proverbios 8:30

tey joquinej a ta schahpanlanel spisil. Mero yutsilon yo'tan jujun c'ahc'al, spisil ora tse'el co'tan ta stojol;

Isaías 40:11

Hich te bin ut'il jcanan-tuminchij ya scanantay te tuminchijetic yu'une; ya stsac hahchel ta sc'ab te tut tuminchijetic, ya spet bahel ta stahn, c'un ya yic' bahel te tohquelic to.

Lamentaciones 2:12

Hich ya yalbeyic te snanic: ¿Banti ay te pan soc te vino? xchihic c'alal ya xyahlic ta callehetic yu'un te pueblo hich te bin ut'il mach'atic ehchentesbilique.

Números 12:8

Ya jsitin jba ta c'op soc, jamal ya jc'opon, ma ha'uc ta scuenta muquen c'op; soc ya yil bin yilel te Jehová. ¿Bin yu'un hiche te ma ba yac axi'ic te yac acontrac'optayic te ca'bat Moisés? xchi.

San Mateo 11:27

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

San Lucas 10:22

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatile; soc mayuc mach'a ya sna'be sba te Tatil, ha nax te Nich'anil soc te mach'atic ya sc'an ya x'a'bot sna'beyic sba yu'un te Nich'anile, xchi.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

San Juan 12:41

Hich la yal te Isaías te c'alal la yilbe yutsilal te Jesús soc te la yalbe sc'oblale.

San Juan 13:23

Ay jtuhl jnopojel yu'un, te c'ux ta yo'tan Jesús, metsel ta sts'ehl te Jesús.

San Juan 14:9

Halbot yu'un te Jesús: Ayix ora joquimbelex, ¿ma to xana'bon jba, Felipe? Te mach'a yilojonix, ha nix yilojix te Tatile. ¿Bin yu'unix a hiche te hich yac awal: Ac'a quilcotic te Tatil, te xchihate?

San Juan 17:26

La jca'beyix sna'ic te abihile, soc ya to ca'be xan sna'ic, scuenta yu'un te sc'uxul awo'tan te ay ta jtojol ha nix hich ay ta stojolic, soc te junuc ayon soque, xchi ta sc'oponel Dios te Jesús.

San Juan 17:6

La jca'be sna'bat aba te mach'atic li' ayic ta bahlumilal te la awa'bon ta jcuenta; ha'ic awu'un ta nahil, ha'at la awa'bon ta jcuenta, soc scanantayejic te ac'ope.

San Juan 3:11

Tulan sc'oblal ya calbat, ha yac calbelcotic te bin jna'ojcotic, soc ha ya calcotic ta jamal te bin quilojcotic, pero ma xawich'ic ta cuenta te bin ya calcotique.

San Juan 6:46

Ma yu'unuc te ay mach'a yiloj te Tatile, ha nax te mach'a talem ta stojol Dios, ha yiloj stuquel te Tatile.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

Deuteronomio 4:12

Te Jehová la sc'oponex ta yohlil te c'ahq'ue; la awa'iybeyic sc'op, pero mayuc bin la awilic, ha nax la awa'iybeyic sc'op.

Colosenses 1:15

Te Cristo ha sloc'omba te Dios te ma chicanuc ta ilel, ha ba-alalil yu'un spisil bintic pasticlambil.

1 Timoteo 1:17

Ha yu'un ac'a ich'ec ta muc' soc ayuc me yutsil sc'oblal sbahtel q'uinal te Ajwalil te sbahtel q'uinal ay, te stalel cuxul, te ma chicanuc ta ilel, te ha nax Dios stuquel. Hichuc.

1 Timoteo 6:16

te ha nax stuquel ma xcham, te nahinem ta sacal q'uinal te ma xhu' ochel tey a, te mayuc mach'a yiloj soc ma xhu' ya yil. Ha ac'a ich'ec ta muc' soc ayuc yu'el sbahtel q'uinal stuquel. Hichuc.

Josué 5:13

Te c'alal nopol ay ta Jericó a te Josué, la shach sit, la yil jtuhl winic teq'uel ta stojol te yich'oj espada ta sc'ab. Te Josué hich baht sjoc'obe: ¿Ayat bal soc ho'otcotic o ayat soc te jcontracotic? la yut.

1 Juan 4:12

Mayuc mach'a yiloj te Diose; pero teme talel c'axel c'ux ya ca'iy jbahtic, ay ta co'tantic te Diose soc ts'acal c'oht te sc'uxul yo'tan ta co'tantic.

1 Juan 4:20

Teme ay mach'a ya yal: C'ux ta co'tan te Dios, teme xchihe, pero teme ya yil-o'tantay te yermano, yac ta lot abi, como te mach'a ma ba c'ux ta yo'tan te yermano te yilbeyej sit, ¿bin ut'il c'an c'uxuc ta yo'tan te Dios te ma ba yilbeyej sit stuquel?

1 Juan 4:9

Hich la yac' ta ilel te c'uxotic ta yo'tan te Dios, ha te la sticon tal ta bahlumilal te hip jtuhl Snich'an scuenta yu'un ya xcuxajotic ta scuenta.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.