San Juan 1:14 - Bible in Tzeltal Bachajón

¹⁴ Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

Nuevo Testamento Tzeltal de Amatenango

¹⁴ Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

Bible in Tzeltal de Oxchuc y Tenejapa

¹⁴ Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

San Juan 1:14 ပူးပေါင်းရင်းမြစ်များ

Salmos 2:7

Ya jpuc ta halel te bin yaloj ta mandar te Jehová: hich la yalbon: Ha'at jnich'anat; nax to nax ayinat cu'un.

Salmos 45:2

Ha'at c'ax hich at'ujbilal a te bin ut'il yantic winiquetic; c'ax t'ujbil c'opetic ya xloc' ta awe, yu'un Dios la ya'bat bendición sbahtel q'uinal.

Salmos 85:9

Melel nopol ay colel yu'un ta stojol te mach'atic ya yich'ic ta muc', scuenta yu'un ya xnahin ta jlumaltic te yutsilal.

Isaías 40:5

Hich ya xchicnaj te yutsilal te Jehová, soc spisil ants-winiquetic pajal me ya yilic, como c'opojix te Jehová, xchi.

Isaías 53:2

Te ya'bat ha uhnen spuhl te hich ya xmuc'ub bahel ta stojol te bin ut'il slohp' ta taquin q'uinal. Mayuc st'ujbilal o yutsilal yu'un ya jmulantic yilel, mayuc bin mulantic sba ta ilel cu'untic.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

Ezequiel 37:27

Ay ta yohlilic te banti ya xnahinon; ho'on Dioson yu'unic ya xc'ohon, soc ha pueblo cu'un ya xc'oht.

San Mateo 1:16

te snich'an Jacob, José, ha te smamalal María te la yayintes Jesús, ha te Cristo te sbihile.

San Lucas 2:11

Yo'tic ayinemix ta pueblo yu'un David jtuhl Jcoltaywanej, ha te Cajwaltic Cristo.

San Lucas 2:7

Hich ayin te sba-al, la smey ta mehyil pac', la smehtsan ta scanoa wacax, como mayuc lugar yu'unic ta na banti ya xwayic.

San Lucas 9:32

Ay swayelic te Pedro soc te mach'atic sjoquinej, pero te c'alal wihc' sitic ta lec, la yilbeyic yutsilal te Jesús soc te cheb winiquetic te sjoc sba soque.

San Juan 1:1

Ta shahchibal ay te C'opile, ha sjoc Dios te C'opile, soc ha nix Dios te C'opile.

San Juan 11:40

¿Ma bal lajuc calbatix teme yac ach'uhun ya me awilbe yutsilal te Diose? xchi te Jesús.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 14:9

Halbot yu'un te Jesús: Ayix ora joquimbelex, ¿ma to xana'bon jba, Felipe? Te mach'a yilojonix, ha nix yilojix te Tatile. ¿Bin yu'unix a hiche te hich yac awal: Ac'a quilcotic te Tatil, te xchihate?

San Juan 17:22

Te cutsilal la awa'bon, ha nix la jca'beyic, scuenta yu'un junax ya xc'ohtic, hich te bin ut'il jun ayotic te ho'otique.

San Juan 17:24

Jtat, te mach'atic awa'beyejon ta jcuenta, ya jc'an te tey nix ya sjoquinonic a ta banti ayon, scuenta yu'un ya yilbonic te cutsilal te awa'beyejon, como stalel c'uxon ta awo'tan te c'alal ma to ayuc a te bahlumilale.

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

San Juan 2:11

Ha shahchibal te señahiletic te la spas Jesús ta Caná te ay ta sq'uinal Galilea, hich la yac' ta ilel te yutsilal; soc hich ch'uhunot yu'un te jnopojeletic yu'une.

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

San Juan 3:18

Te mach'a ya sch'uhun, ma ba ya x'a'bot stoj smul; yan te mach'a ma ba ya sch'uhun, ya stoj smul stuquel, como ma ba la sch'uhun te hip jtuhl Snich'an te Diose.

San Juan 6:51

Ho'on te cuxul pan te cohem tal ta ch'ulchan; teme ay mach'a ya swe' ha'i pan ini, sbahtel q'uinal ya xcuxaj yu'un. Te pan te ya cac', ha te jbaq'uetal, te ha ya cac' scuenta scuxlejalic te mach'atic ayic ta bahlumilal, xchi.

San Juan 8:32

soc ya me ana'beyic sba te smelelil c'op, soc ha ya yaq'uex ta libre te smelelil c'ope, xchi.

Hechos 13:33

ha te bin la yac' c'ohtuc ta pasel te Dios ta jtojoltic ho'otic te yal-snich'anotic, ha te la scha'cuxajtes tal te Jesús; hich te bin ut'il ts'ihbabil ta schebal salmo: Ha'at Jnich'anat, nax to ayinat cu'un, te xchihe.

Romanos 8:3

Como te bin ma ba hu' yu'un te Ley ta scaj te mayuc yip te ch'ich'-baq'uet, Dios la spas te bin ut'il la sticon tal te Snich'an te hich nix sbaq'uetal te bin ut'il te jmulawil baq'uet, soc ta scaj mulil, hich la yac' ta tojel te mulil ta baq'uet,

Romanos 9:5

Ha yu'unic te namey tatiletic, soc ta scuenta ch'ich'-baq'uet tey talem a te Cristo, te ha Dios yu'un spisil bintic ay, te stalel ay ta ich'el ta muc'. Hichuc.

1 Corintios 15:47

Te sba winic loq'uem tal ta lum, ha yu'un bahlumilal; te schebal winic, ha te Cajwaltic, talem ta ch'ulchan.

2 Corintios 12:9

Pero la yalbon: Tic'at a yu'un te cu'ele, como tey ya xchicnaj xan a te cu'el te banti mayuc awip, xchi. Ha yu'un tse'el co'tan ya jtoy jba yu'un te mayuc quip, scuenta yu'un ya xchicnaj te yu'el Cristo ta jcuenta.

Gálatas 4:4

Pero te c'alal la sta yorahil, Dios la sticon tal te Snich'an, te alatayot yu'un ants soc cuentahinot yu'un te Ley,

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

Colosenses 1:19

como hich la sc'an te Tatil te ha ya yich'be spisil te stalel,

Colosenses 2:3

te ha nac'bil ta stojol spisil te sc'uhlejal te p'ijil-o'tanil soc te bintic ay ta na'el.

Colosenses 2:9

Como te stalel te Dios ts'acal ya xnahin ta stojol Cristo, ta sbaq'uetal,

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

Hebreos 1:5

Como ¿mach'a ch'ul a'batil te hich halbot yu'un te Diose: Ha'at Jnich'anat, nax to nax ayinat cu'un, te xchi sc'oblale? Soc la yal xan: Ho'on staton ya xc'ohon, soc ha jnich'an ya xc'oht, xchi.

Hebreos 10:5

Ha scuentahil hich la yal te Cristo te c'alal hul ta bahlumilal: Ma ba la ac'an milbil mahtanil soc yan mahtanil; ha la achahpambon jbaq'uetal.

Hebreos 2:11

Como te mach'a ya xch'ulteswan soc te mach'atic ya yich'ic ch'ultesel, junax Static; ha yu'un ma xq'uexaw te Jesús ta yalel te ha yermanotac,

Hebreos 5:5

Ha nix hich te Cristo, ma ba la sle yutsilal stuquel yu'un ya yotses sba ta muc'ul sacerdote, pero hich halbot yu'un Dios: Ha'at jnich'anat; nax to nax ayinat cu'un, xchi sc'oblal.

1 Juan 4:14

Ho'otcotic quilojcotic soc ya calcotic ta testigo te Tatil la sticon tal te Nich'anil scuenta Jcoltaywanej yu'un te bahlumilale.

1 Juan 4:9

Hich la yac' ta ilel te c'uxotic ta yo'tan te Dios, ha te la sticon tal ta bahlumilal te hip jtuhl Snich'an scuenta yu'un ya xcuxajotic ta scuenta.

2 Juan 1:7

Tsobol jlo'loywanejetic hahchemic ta behel ta bahlumilal te ma ba ya yalic te tal soc sbaq'uetal te Jesucristo. Te mach'a hich ya yal, ha me jlo'loywanej soc ha te anticristo.

Apocalipsis 19:13

Slapoj smuc'ul-c'u' te mulbil ta ch'ich'; ha Sc'op Dios te sbihile.

Apocalipsis 21:3

Soc la jca'iy ay mach'a tulan c'opoj tal ta muc'ul-huctajibal, hich la yal: Ya xnahinix Dios ta yohlil te ants-winiquetic, ya me sjoquin ta nahinel, ha pueblo ya xc'oht yu'un, ha nix ya xjoquinot yu'un Dios soc ha Dios yu'unic ya xc'oht.