Josué 9:8 - Bible in Tzeltal Bachajón

⁸ Pero la yalbeyic te Josué: Ho'otcotic a'batotcotic awu'un, xchihic. ¿Mach'ahex a? ¿Banti talemex? xchi te Josué.

Bible in Tzeltal de Oxchuc y Tenejapa

⁸ Ja'uc me to, la yalbeyic te Josué: —Te jo'otic ya cac' jbajtic ta abatinel awu'unic —xiic. La sjojc'obey: —¿Mach'aex a te ja'exe? ¿Banti talemex? —la yut.

Josué 9:8 ပူးပေါင်းရင်းမြစ်များ

2 Reyes 10:5

Ha yu'un te mayordomo yu'un te sna ajwalil, te gobernador yu'un te pueblo, te mamaletic soc te mach'atic scuentahinejic te snich'nab te ajwalil, hich la sticonic ta halbeyel te Jehú: Ha a'batotcotic awu'un, ya jpascotic spisil bintic yac awac' jpascotic. Mayuc mach'a ya cotsescotic ta ajwalil. Pasa te bin ya sc'an awo'tan, xchihic.

Deuteronomio 20:11

Teme ya sc'anic lamal q'uinal, teme ya sjambat te yochibal te pueblo, spisil te mach'atic tey ayic a yac awa'batin, yac awac' te ya x'a'tejic ta atojol.

Josué 10:6

Ha yu'un te mach'atic nahinemic ta Gabaón la sticombeyic bahel c'op te Josué ta campamento ta Gilgal, hich la yalbeyic: Ma me wocoluc xawa'iyic te yac acoltay te a'batetic awu'un; mohan tal ta ora, coltayawotcotic, yu'un spisil te ajwaliletic yu'un te amorreohetic te nahinemic ta witsiltic jun yac'oj sbahic scontrahimbelotcotic, xchihic.

Josué 9:11

Ha yu'un te mamaletic cu'uncotic soc spisil te mach'a nahinemic ta jlumalcotic, hich la yalbotcotic: Chahpana bahel awe'elic yu'un te behele, bahanic te banti ayic, hich me ya xc'oht awalbeyic: Te ho'otcotic a'batotcotic awu'unic; ya me jchahp jc'optic, xchihic.

Josué 9:23

Ha yu'un chopol ac'oblalic, spisil me ora ay mach'atic ya yich'ic a'batinel ta awohlilic, ha ya sch'uyic si' soc ya sliquic ha' yu'un te sna te Dios cu'un, xchi.

Josué 9:25

Ha yu'un ayotcotiquix ta ac'ab; pasa te bin lec soc te bin toj yac awa'iy te yac apasbotcotique, xchihic.

Josué 9:27

Ta hich ora te Josué la yac' te ha jcuch-si' soc jlic-ha' c'ohtic yu'un te pueblo soc yu'un te scajtajib ta chiq'uel mahtanil yu'un Jehová ta lugar te ya stsahe. Hich ayic c'alal ora.