Josué 9:14 - Bible in Tzeltal Bachajón

¹⁴ Te winiquetic yu'un Israel la swe'beyic jtebuc te swe'elic, pero ma ba la sjoc'obeyic te Jehová.

Bible in Tzeltal de Oxchuc y Tenejapa

¹⁴ Te israeletic la spasbeyic prueba swe'elic te gabaonetic; ja'uc me to, ma la sjojc'obeyic te Cajwaltique.

Josué 9:14 ပူးပေါင်းရင်းမြစ်များ

2 Samuel 2:1

Patil te David la sjoc'obe te Jehová: ¿Ya bal xhu' ya xmohon bahel ta junuc pueblo ta sq'uinal Judá? xchi. La yal te Jehová: Mohan bahel, xchi. ¿Banti ya xbohon? xchi te David. La sjac' te Jehová: Ta Hebrón, xchi sc'oblal.

2 Samuel 5:19

Ha yu'un te David la sjoc'obe te Jehová: ¿Ya bal ca'be guerra te filisteohetic? ¿Ya bal awa'bon ta jc'ab? xchi. Te Jehová la sjac'be sc'op te David: Bahan, como ya ca'bat ta ac'ab te filisteohetic, xchi sc'oblal.

Esdras 8:21

La jpuc ta halel te ya me jcom jwe'eltic tey ta ti'muc'ul-ha' Ahava scuenta yu'un ya jpehc'an jbahtic ta stojol te Dios cu'untic soc ya jc'ambetic te lecuc ya xc'oht te behel cu'untic soc te alaletic soc te biluquetic cu'untique.

Éxodo 28:30

Ya me awac' te Urim soc Tumim ta yutil te bolsa pac' ya xc'oht ta stahn yu'un schahpanel c'op scuenta yu'un ay ta yo'tan a te Aarón te c'alal ya x'och bahel ta stojol te Jehová. Hich te Aarón spisil ora ay ta yo'tan a te schahpanel c'op yu'un te snich'nab Israel ta stojol Jehová.

Números 27:21

Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.

Santiago 1:5

Teme ay mach'a mayuc sp'ijil yo'tan, ac'a sc'ambe Dios, ma p'isbiluc nax ya yac' stuquel soc mayuc mach'a ya sp'aj, ya me x'a'bot yu'un.

Josué 9:13

Ha nix hich te nuhculetic yu'un vino yach'ilic a c'alal la jnojescotic, ilawil, lomeniquix. Soc te jc'u' jpac'cotic soc jtepcotic poco'ix ta scaj te mero naht te behele, xchihic.

Jueces 1:1

C'alal chamix a te Josué, te snich'nab Israel la sjoc'obeyic te Jehová: ¿Mach'a a te nahil ya xbaht cu'uncotic ta ya'beyel guerra te cananeohetic? xchihic.

Jueces 20:18

Patil hahchic bahel te snich'nab Israel, mohic bahel ta Bet-el, hich baht sjoc'obeyic te Diose: ¿Mach'a nahil ya xmo bahel cu'uncotic ta ya'beyel guerra te snich'nab Benjamín? xchihic. La sjac' te Jehová: Ha nahil ya xbaht te Judá, xchi.

Jueces 20:28

soc te Finees snich'an Eleazar, te snich'an Aarón, tey yac ta a'tel a), hich la yalic: ¿Ya to bal suhtotcotic xan ta ya'beyel guerra te snich'nab Benjamín te quermanocotic, o ma'uquix? xchihic. La yal te Jehová: Mohanic bahel, yu'un pajel ya ca'beyex ta ac'abic, xchi.

1 Samuel 22:10

Te Ahimelec ay bin la sjoc'obe te Jehová ta scuenta David, soc la ya'be swe'el soc la ya'be te espada yu'un Goliat te filisteo-winic, xchi.