Josué 8:4 - Bible in Tzeltal Bachajón

⁴ hich la spasticlan ta mandar: A'iya awa'iyic, ya me anac' abahic ta spat te pueblo; ma namaluc ya xbahex ta pueblo, chapaluquex me ta apisilic.

Bible in Tzeltal de Oxchuc y Tenejapa

⁴ Jich mandal la yalbey bael: —Aiya awaiyic ta lec te bi ya calbeyexe. Baanic nac'a abaic ta spat te lume, chapaluquex me ta apisilic.

Josué 8:4 ပူးပေါင်းရင်းမြစ်များ

2 Reyes 7:12

Hahch te ajwalil ta ahc'abal, la yalbe te a'batetic yu'un: Ya calbeyex te bin la spasbotic te siriahetique. Sna'ojic te ay jwi'naltic, loq'uemic bahel ta snahilpaq'uic, snac'oj sbahic ta ha'maltic, hich ya yalic: Te c'alal ya xloq'uic tal ta pueblo, cuxul me ya jtsactic, hich ya x'ochic bahel ta pueblo, xchi.

2 Crónicas 13:13

Te Jeroboam sticonejix bahel soldadohetic yu'un ya snac' sbahic ta spat, yu'un ya ya'be guerra te Judá ta stojol sit soc ta spat.

Eclesiastés 7:19

Te p'ijil-o'tanil c'ax hich ya ya'be yip a te mach'a ay sp'ijil yo'tan te bin ut'il lajuntuhl mach'atic ay yipic ta jun pueblo.

Eclesiastés 9:16

Ha yu'un hich la jcal: Ha lec xan te p'ijil-o'tanil te bin ut'il te yipe, aunque p'ajbil te sp'ijil yo'tan te pobre winic soc ma x'ich'ot ta cuenta te sc'ope.

Hechos 23:21

Pero ma me xach'uhumbe sc'opic, como c'axem ta cha'winic (40) ta tuhl winiquetic te ya xtal smacliyic ta be; yalojic ta jamal ta scuenta chopol c'oblalil te ma ba ya xwe' x'uch'ic ha to teme la smilic te Pablo. Chapaliquix, yac smahliybelic ya xloc' ac'op, xchi.

Josué 8:16

Spisil te mach'atic ayic ta Hai la stsob sbahic ta snutsticlanel bahel; c'alal la snutsic bahel te Josué, namal hil yu'unic te pueblo.

Josué 8:3

Ha yu'un hahch te Josué soc spisil te winiquetic yu'un guerra yu'un ya ya'beyic guerra te Hai. Te Josué la stsa oxpic soc ho'lajunbahc' (30,000) winiquetic te ay yipic, la sticonlan bahel ta ahc'abal,

Jueces 20:29

Ha yu'un te Israel la yaq'uic winiquetic te la snac' sbahic ta sjoyobal te Gabaa.

Jueces 20:33

Ha yu'un spisil te snich'nab Israel loq'uic tal te banti ayic, la schol sbahic ta guerra ta Baal-tamar. Ha nix hich loq'uic tal te snich'nab Israel te snac'oj sbahic ta aquiltic ta sjoyobal te Gabaa.

Jueces 20:36

Hich te snich'nab Benjamín la yilic te tsalbiliquix. Como te snich'nab Israel ahniquix bahel ta stojol Benjamín, yu'un ha smuc'ul yo'tanic te winiquetic te snac'oj hilel sbahic ta spat Gabaa.

Jueces 9:25

Te winiquetic yu'un Siquem la yaq'uic winiquetic ta sba te witsiltic te la snac' sbahic yu'un ya yelc'ambeyic sbiluc spisil mach'atic ya xc'axic bahel ta be. Hich halbot ya'iy te Abimelec.

Jueces 9:32

Ha yu'un hahchan ta ahc'abal soc te winiquetic awu'un, nac'a abahic ta ha'maltic.

1 Samuel 15:2

Hich ya yal te Jehová te scuentahinej spisil: Ya ca'be castigo te Amalec yu'un te bin la spasbe te Israel, ha te la smaquic ta be te c'alal yacalic ta talel ta Egipto a.

1 Samuel 15:5

Te Saúl baht ta pueblo yu'un Amalec, la snac' sba ta spamlej.