Josué 8:20 - Bible in Tzeltal Bachajón

²⁰ Te winiquetic yu'un Hai la sut sitic, la yilic te xtometix ta mohel ta ch'ulchan te sch'ahilel te pueblo; mayuc banti hu' ya xloq'uic ta ahnel, como te israeletic te bahtic ta ahnel ta sbehlal te jochol taquin q'uinal, la sut sbahic ta ya'beyel guerra te mach'atic yaquic ta nutsel yu'unic.

Bible in Tzeltal de Oxchuc y Tenejapa

²⁰ Te winiquetic yu'un te lum Hai, te c'alal la sujt'es sba yilic, xtometix moel xch'ailel te lum c'alal ta toyol te la yilique. Ma'yuc bay ya xju' ya xloq'uic ta anel ni jtebuc, melel te israeletic te anic bael yilel ta sbelal jochol taquin q'uinal, sujt'ic tel, och yac'bey sbaic guerra soc.

Josué 8:20 ပူးပေါင်းရင်းမြစ်များ

Apocalipsis 19:3

Cha'c'opojic xan: ¡Aleluya! Sbahtel q'uinal xtomet ta mohel te sch'ahilele, xchihic.

Apocalipsis 18:9

Te ajwaliletic ta bahlumilal te la yantsinic soc te pajal ay bin la smulanic soc, ya me smel yo'tanic soc ya me yoq'uetayic te c'alal ya yilic xtomet ta loq'uel sch'ahilel sc'ahc'al te ya yich' chiq'uele.

Isaías 34:10

Ma ba ya xtup' c'ahc'al ahc'abal; spisil ora ya xmo bahel te sch'ahilele. Ta cajalcaj ts'umbalil jochol ya xhil, mayuquix mach'a ya xc'ax bahel tey a.

Salmos 76:5

Te mach'atic ay yip yo'tanic la yich'ic pojbeyel sbiluquic, wayic yu'un slajibal buelta; mayuc bin hu' yu'unic spasel jtuhluc winic te ay yipe.

Job 11:20

Yan te sit te mach'atic chopolic ya me xtup'; ma ba ya stahic banti ya snac' sbahic, soc ta spisil bin ya smahliyic ha te slajibal jac'-o'tanil, xchi te Zofar.

Génesis 19:28

La yil bahel ta stojol Sodoma soc Gomorra soc spisil te spamlej, la yil te xtomomet ta loq'uel sch'ahilel hich te bin ut'il sch'ahilel horno.

Josué 8:19

Ora hahchic te mach'atic snac'oj sbahic, ahnumal ochic bahel ta pueblo, la yu'untayic soc ora la ya'beyic sc'ahc'al.

Josué 8:21

Te Josué soc spisil Israel, c'alal la yilic te la yich'iquix te pueblo te mach'atic la snac' sbahic soc te yac ta mohel bahel te sch'ahilel te pueblo, sut ta spatic, hahch stsac sbahic soc te winiquetic yu'un Hai.

Jueces 20:38

Te bin seña schapojic te winiquetic yu'un Israel soc te mach'atic snac'oj sbahic, ha te ya yaq'uic mohel ch'ahil ta pueblo.

Jueces 20:40

Pero c'alal hahch ta mohel te ch'ahil ta pueblo, la suht sitic te snich'nab Benjamín, la yilic te sch'ahilel te pueblo te yac ta mohel ta ch'ulchan.

Jueces 20:41

Hich te winiquetic yu'un Israel suht ta spatic, te snich'nab Benjamín noj xiwel ta yo'tanic, yu'un la yilic te c'ohtix ta scuentahic te lajinel.