Josué 8:2 - Bible in Tzeltal Bachajón

² Hich yac apasbe te Hai soc te ajwalil yu'un te bin ut'il la apasbe te Jericó soc te ajwalil yu'une; yan te sbiluquic soc te chambahlametic yu'unic ya xhu' yac awich'ic stuquel. Ya me awac' winiquetic te ya snac' sbahic ta spat te pueblo, xchi.

Bible in Tzeltal de Oxchuc y Tenejapa

² Lajina jilel ta milel te lum Hai soc te ajwalil yu'une, jich bit'il la alajin jilel te Jericó soc te ajwalil yu'une. Ta ora yo'tic ya me xju' ya awu'uninbeyiquix te sbiluquic soc xchamsbalamic te mach'atic ya xlajique. Chajbana te soldadoetic awu'un, muquen ya xba snac' sbaic ta bay spat bael te lume. Jich ma sna'ic te bila muquen ya xtal ta stojolique —xi' te Cajwaltique.

Josué 8:2 ပူးပေါင်းရင်းမြစ်များ

2 Crónicas 13:13

Te Jeroboam sticonejix bahel soldadohetic yu'un ya snac' sbahic ta spat, yu'un ya ya'be guerra te Judá ta stojol sit soc ta spat.

2 Crónicas 20:22

Te c'alal hahchic ta sc'ayojtaybeyel yutsilal a, te Jehová la yac' te ay mach'atic la snac' sbahic ta ya'beyel guerra te amonetic, moabetic soc te mach'atic talic ta wits Seir te talic ta ya'beyel guerra te Judá; hich tsalotic hilel.

Salmos 39:6

Melel te ants-winiquetic hich ayic te bin ut'il axinal te ya xc'ax bahel; tojol ya yac' swocolic ta tulan a'tel, ya stsob sc'ulejalic, pero ma na'biluc mach'a ya yich' hilel.

Proverbios 13:22

Te mach'a lec yo'tan ya yihquitaybe hilel smamatac te bin ay yu'un, yan te sc'ulejal te jmulawil, q'uejbil yu'un ha ya yich' te mach'a toj yo'tane.

Proverbios 28:20

Te mach'a jun yo'tan ya me yich' bayel bendición, yan te mach'a ora nax ya sc'an ya xc'ulejub ya me yich' castigo.

Jeremías 17:11

Te mach'a ma stojiluc ya sta sc'ulejal, hich c'ohem te bin ut'il wanculul te yan tomut ya sluts'. Ta yohlil te scuxlejal ya x'ihquitayot yu'un, soc ta slajibal ha sonso ya xc'oht.

Jeremías 51:12

¡Toya mohel bandera ta sba te ts'ahquetic yu'un Babilonia, a'beyahic yip te soldadohetic te ya xcanantaywanic, ac'ahic j'il-q'uinal soldadohetic, chahpanahic jnac'tambahinwanejetic! Como te Jehová snopojix soc ya sc'ohtes ta pasel te bin yaloj ta scontrahinel te mach'atic nahenimic ta Babilonia.

Deuteronomio 2:35

Ha nax la jquich'tic te chambahlametic soc te biluquetic ta pueblohetic te la cu'untaytic.

Deuteronomio 20:14

Yan te antsetic, alaletic, chambahlametic soc spisil te bintic ay ta pueblo, ha awu'un ya xc'oht; yac awe'be te bintic ay yu'un te acontratac te a'botat ta ac'ab yu'un te Jehová te Dios awu'une.

Deuteronomio 3:2

Pero la yalbon te Jehová: Ma me xaxi', yu'un la jca'batix ta ac'ab soc spisil te pueblo yu'un soc te sq'uinale. Hich me xapasbe te bin ut'il la apasbe te Sehón te amorreo ajwalil te nahinem ta Hesbón, xchi.

Josué 10:1

Te c'alal la ya'iy te Adonisedec te ajwalil yu'un Jerusalén te la yich'ix Hai te Josué soc te jc'axel la sjin (yu'un te bin la spasbe te Jericó soc te ajwalil yu'un, hich la spasbe Hai soc te ajwalil yu'une), soc te bin ut'il te mach'atic yu'un Gabaón lamal yo'tan sbahic soc te snich'nab Israel soc te ayic ta yohlilique,

Josué 10:28

Ta hich ora la yich' Maceda te Josué, la smilticlan ta espada soc la smil te ajwalil yu'une; jc'axel la slajinlan soc spisil mach'atic cuxulic tey a, mayuc mach'a cuxul hil. Soc hich nix la spasbe te ajwalil yu'un Maceda te bin la spasbe te ajwalil yu'un Jericó.

Josué 11:14

Te snich'nab Israel la yich'ic spisil te biluquetic soc chambahlametic yu'un te pueblohetique; pero spisil te winiquetic la smilic ta espada ha to c'alal jc'axel la slajinic, mayuc mach'a cuxul hil yu'unic.

Josué 6:21

La smilic ta espada spisil bintic ay ta pueblo: winiquetic, antsetic, alaletic soc me'el mamaletic, soc wacaxetic, tuminchijetic, tentsunetic soc burrohetic.

Josué 8:12

Te Josué yic'ojix tal j'ohlil yoxlajunbahc' (5,000) winiquetic, la yac' te ya snac' sbahic ta ohlil yu'un Bet-el soc Hai, ta stojol smahlib c'ahc'al yu'un te Hai.

Josué 8:14

C'alal hich la yil te ajwalil yu'un Hai, ta sab ahnimal hahch soc te winiquetic yu'un; ta yorahil chapal yu'unic, loq'uic bahel te winiquetic yu'un Hai yu'un ya stsal sbahic soc Israel ta stojol te Arabá; ma ba la sna'ic teme ay mach'atic snac'oj sbahic ta spat te pueblo.

Josué 8:19

Ora hahchic te mach'atic snac'oj sbahic, ahnumal ochic bahel ta pueblo, la yu'untayic soc ora la ya'beyic sc'ahc'al.

Josué 8:24

Te israeletic c'alal laj yo'tanic smilticlambelic spisil te winiquetic yu'un Hai te ayic ta aquiltic soc ta jochol taquin q'uinal, te banti bahtic ta nutsel, te c'alal spisil lajiquix ta espada a, spisil te israeletic suhtic bahel ta Hai, ha nix hich la smilticlan ta espada.

Josué 8:3

Ha yu'un hahch te Josué soc spisil te winiquetic yu'un guerra yu'un ya ya'beyic guerra te Hai. Te Josué la stsa oxpic soc ho'lajunbahc' (30,000) winiquetic te ay yipic, la sticonlan bahel ta ahc'abal,

Josué 8:7

Hich te ha'exe ya me xhahchex tal ta banti anac'oj abahic, ya me awu'untayic te pueblohe. Te Jehová te Dios awu'unic ya me ya'beyex ta ac'abic.

Josué 8:8

Te c'alal la awu'untayiquix a, ya me achiq'uic; ya me apasic hich te bin ut'il yaloj te Jehová. A'iya me awa'iy, la jpasex ta mandar, xchi.

Josué 8:9

Ha yu'un te Josué la sticonlan bahel; hich baht snac' sbahic ta ohlil yu'un Bet-el soc Hai, ta stojol smahlib c'ahc'al yu'un Hai. Yan te Josué tey c'ax ahc'abal yu'un a ta yohlil te israeletique.

Josué 9:3

Pero te mach'atic nahinemic ta Gabaón, c'alal la ya'iyic te bin la spas Josué ta stojol te Jericó soc te Hai,