Josué 8:18 - Bible in Tzeltal Bachajón

¹⁸ Ha yu'un te Jehová la yalbe te Josué: Hacha ta stojol Hai te lanza ay ta ac'ab, yu'un ya ca'bat ta ac'ab, xchi. Hich te Josué la shach bahel ta stojol te pueblo te lanza ay ta sc'ab.

Bible in Tzeltal de Oxchuc y Tenejapa

¹⁸ Jich yu'un te Cajwaltic la yalbey te Josué: —Ac'beya señail yil yantic te ya x'ochiquix ta yich'el te lum Hai. Jo'on me ya cac'bat ta ac'abic —xi' sc'oplal te Josué. Te Josué la yac'bey señail ta yalel mandal te ya x'ochiquix ta yich'el te lume.

Josué 8:18 ပူးပေါင်းရင်းမြစ်များ

Job 15:25

como la shach sc'ab ta scontrahinel te Diose, la stoy sba ta stojol te Mach'a spisil ya xhu' yu'un;

Job 39:23

Xchahc'lajan te yawil ya'tejib t'ihmalte' te scuchoj, xliplajan te lanza soc te tut lanza.

Éxodo 14:16

Te ha'ate toya mohel anahbate', toya ac'ab ta stojol te mar, ac'a sjam sba te ha'e, hich taquin slumil a ya sohlic bahel te snich'nab Israel ta yohlil mar.

Éxodo 8:1

Ha yu'un te Jehová la yalbe te Moisés: Ochan ta stojol te faraón, halbeya: Hich la yal te Jehová: Ac'a bahel te pueblo cu'un, yu'un ya xbaht sch'uhuntayonic.

Éxodo 8:5

Soc te Jehová hich la yalbe te Moisés: Halbeya te Aarón: Hacha ac'ab soc anahbate' ta stojol te muc'ul-ha'etic, tut ha'etic, soc te yawil ha'etic, ac'a mohuc tal xch'uch'etic ta spahmal sq'uinal Egipto, xchi.

Ezequiel 30:25

Ya ca'be yip sc'ab te ajwalil yu'un Babilonia, ya xlaj yip te sc'ab faraón. Ya me sna'ic te ho'on Jehovahon, te c'alal ya ca'be ta sc'ab te ajwalil yu'un Babilonia te espada cu'un, soc ya shach te espada ta scontrahinel te sq'uinal Egipto.

Josué 8:17

Mayuc jtuhluc winic hil ta Hai soc ta Bet-el te ma ba loq'uic bahel ta spat Israel. Te bin ut'il la snutsic bahel te Israel, jamal hilel te pueblo.

Josué 8:19

Ora hahchic te mach'atic snac'oj sbahic, ahnumal ochic bahel ta pueblo, la yu'untayic soc ora la ya'beyic sc'ahc'al.

Josué 8:26

Como te Josué ma ba la scohtes sc'ab te shachoj te lanza a ha to c'alal jc'axel lajinot spisil te mach'atic nahinemic ta Hai.

Josué 8:7

Hich te ha'exe ya me xhahchex tal ta banti anac'oj abahic, ya me awu'untayic te pueblohe. Te Jehová te Dios awu'unic ya me ya'beyex ta ac'abic.

1 Samuel 17:41

Te filisteo yac ta nohpojel tal ta stojol David, nahil yac ta bahel yu'un te mach'a cuchbil smahquil yu'une.

1 Samuel 17:45

Ha yu'un te David la yalbe te filisteo: Ha'at talat ta jtojol soc espada soc lanza soc tut lanza, pero te ho'one talon ta atojol ta scuenta te sbihil Jehová te scuentahinej spisil, ha te Dios yu'un te soldadohetic yu'un Israel te yac atoybel aba ta stojole.

1 Samuel 17:6

Spotsoj yacan ta bronce, soc scuchoj ta spat jun lanza pasbil ta bronce.