Josué 8:14 - Bible in Tzeltal Bachajón

¹⁴ C'alal hich la yil te ajwalil yu'un Hai, ta sab ahnimal hahch soc te winiquetic yu'un; ta yorahil chapal yu'unic, loq'uic bahel te winiquetic yu'un Hai yu'un ya stsal sbahic soc Israel ta stojol te Arabá; ma ba la sna'ic teme ay mach'atic snac'oj sbahic ta spat te pueblo.

Bible in Tzeltal de Oxchuc y Tenejapa

¹⁴ C'alal la yil te ajwalil yu'un Hai te scontroe, loq'uic tel ta animal soc spisil te swinictaque, swenta yu'un tal stsal sba soc te israeletic te banti ya xchicnaj spamlej yu'un Jordán. Mero ma la sna' teme ay yantic israeletic snac'oj sbaic ta bay spat te lume.

Josué 8:14 ပူးပေါင်းရင်းမြစ်များ

Eclesiastés 9:12

Soc mayuc mach'a sna'oj te yorahil: Hich te bin ut'il chayetic te tsacbilic ta chopol tsacojibal, o hich te bin ut'il ha'mal-mut te ya yich' chuquel ta yaquil, hich te ants-winiquetic ya yich'ic chuquel ta yorahil wocol te repente nax ya xc'oht ta stojolic.

Isaías 19:11

Ma sna'ic q'uinal te príncipaletic yu'un Zoán, te bintic schapojic te p'ijil j'ac'-o'taniletic yu'un faraón mayuc scuentahil ya xc'ohtic. ¿Bin ut'il te hich yac awalbe te faraón: Ho'on yal-snich'anon te p'ijil winiquetic, ho'on yal-snich'anon te antiguo ajwaliletic, te xchihexe?

Isaías 19:13

Sonsohetic te príncipaletic yu'un Zoán, te príncipaletic yu'un Menfis la yich'ic lo'loyel; te mach'atic te ha ton yu'un xuhc na c'ohem yu'un te pueblo yu'unic, la slo'loyic te Egipto.

Daniel 4:31

Yac to ta c'op a te ajwalil, chicnaj c'op ta ch'ulchan te hich la yal: Hich ya yalbat ac'oblal, ajwalil Nabucodonosor: La awich'ix loq'uesel ta awa'tel ta ajwalil.

San Mateo 24:39

ma ba la sna'ic ha to c'alal tal te puhlel soc spisilic lajinotic yu'un, hich ya xtal te Nich'anil ay ta scuenta winic.

San Mateo 24:50

ya xtal te yajwal te a'bat te c'alal ma ba yac smahliybel soc te bin ora ma ba yac sna'bel a,

Deuteronomio 1:1

Ha te c'opetic te la yal Moisés ta stojol spisil Israel ta jochol taquin q'uinal ta jehch muc'ul-ha' Jordán, ta Arabá, te snuhp'usitayej sba soc Suf, te j'ohlil ay yu'un Parán soc Tofel, Labán, Hazerot soc Dizahab.

Josué 8:13

Hich la schahpan te winiquetic: spisil te mach'atic ayic ta campamento la yac' ta stojol norte yu'un Hai, soc te mach'atic te snac'oj sbahic ayic ta stojol smahlib c'ahc'al yu'un Hai. Ta ahc'abal te Josué c'oht c'alal ta yohlil te spamlej.

Josué 8:15

Te Josué soc spisil Israel la scuy sbahic te tsalotic, hich loq'uic ta ahnel ta stojolic, bahtic ta sbehlal te jochol taquin q'uinal.

Josué 8:16

Spisil te mach'atic ayic ta Hai la stsob sbahic ta snutsticlanel bahel; c'alal la snutsic bahel te Josué, namal hil yu'unic te pueblo.

Josué 8:5

Te ho'on soc spisil mach'atic sjoquinejonic ya xnohpojotcotic bahel ta stojol te pueblo. Te c'alal ya xloq'uic tal stahotcotic, hich te bin ut'il la spasbotiquix, ya xloc'otcotic ta ahnel ta stojolic.

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.

Jueces 20:37

Te winiquetic te snac'oj sbahic ora nax baht slumtayic te Gabaa, ochic bahel soc la smilic ta espada spisil te pueblo.