Josué 8:1 - Bible in Tzeltal Bachajón

¹ Te Jehová la yalbe te Josué: Ma me xiwat soc ma me xpehc'aj awo'tan; tsoba spisil te winiquetic yu'un guerra, hahchan, mohan bahel ta Hai. Ilawil, la jca'batix ta ac'ab te ajwalil yu'un Hai, te ants-winiquetic, te pueblo soc te q'uinal yu'une.

Bible in Tzeltal de Oxchuc y Tenejapa

¹ Te Cajwaltic la yalbey te Josué: —Ma me xiwat, ma me xpejc'aj awo'tan. Tsoba spisil te soldadoetic awu'une; moanic bael, ac'beyaic guerra te lum Hai. Jo'on ya cac'bat atsal te ajwalil yu'un lum Hai soc te yajwale. Jich me ya awich'beyic te slumal soc spisil te sq'uinale.

Josué 8:1 ပူးပေါင်းရင်းမြစ်များ

Salmos 27:1

Ha sacal q'uinal cu'un soc ha jcolel te Jehová, ¿mach'a ya jxi'? Te Jehová ha ahnibal yu'un te jcuxlejal, ¿mach'a a te ya ya'bon xiwel?

Salmos 44:3

Como ma ba la yochintayic te q'uinal ta scuenta te espada yu'unic, soc ma ha'uc ta sc'abic la ya'iyic tsalaw; ha ta scuenta awa'el-c'ab soc te sts'anabul asit awelaw, como lec awo'tan ta stojolic.

Salmos 46:11

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Isaías 12:2

Ha jcoltaywanej te Diose; ha smuc'ulinej co'tan, ma xiwon; como ha ahnibal cu'un soc ha c'ayojil cu'un te Jehová, ha jcoltaywanej cu'un, xchihex.

Isaías 43:2

Te c'alal ya xc'axat ta ha'etic, ho'on ya joquinat; te c'alal ya c'axat ta muc'ul-ha'etic, ma ba ya smulat. C'alal ya xc'axat ta c'ahc', ma ba ya xchic'at; ma ba ya spetat te yat c'ahq'ue.

Jeremías 46:27

Ma xiwat, Jacob, a'bat cu'un; ma me xlaj yip awo'tan, Israel. Ya jcoltayat loq'uel ta namal q'uinal, ha'at soc ats'umbal, ta q'uinal banti la awich'ic iq'uel bahel ta chuquel. Ya me suht xan tal Jacob, ya me sta cux-o'tanil, mayuc mach'a ya xiwtesot yu'un.

Jeremías 49:3

¡Oc'an, Hesbón, como jihnemix te Hai! ¡awonanic, yantsil-nich'nab Rabá, lapahic ch'ixal-pac', oq'uetaya abahic, ahnimajanic ta jehch ta jehch ta yutil te ts'ahc, como te Milcom ic'ot bahel ta chuquel soc te sacerdotehetic soc príncipaletic yu'unique.

Daniel 2:21

Ha ya syanijtes te tiempohetic soc te ha'biletic; ya sloq'ues soc ya yotses ajwaliletic, ya ya'be sp'ijil yo'tan te mach'atic ay sp'ijilic, ya ya'be sna'ojibal te mach'atic ay bintic sna'ojique.

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

Daniel 4:35

Te mach'atic nahinemic ta bahlumilal hich c'ohemic te mayuc sc'oblalic ta stojol; ha ya spas te bin ya sc'an yo'tan ta stojol tsobolic ta ch'ulchan soc te mach'atic nahinemic ta bahlumilal. Mayuc mach'a ya xhu' ya scombe sc'ab o te hich ya yalbe: ¿Bin yac apas? te xchihe.

San Mateo 8:26

Halbotic yu'un: ¿Bin yu'un ya xiwex, winiquetic te mayuc lec sch'uhunel awo'tanic? xchi sc'oblalic. Hich la stehc'an sba te Jesús, tulan la scom te ic' soc te mar, mero lamal hil te q'uinale.

Deuteronomio 1:21

Ilawil, te Jehová te Dios awu'un, la ya'batix te q'uinale. Bahan, u'untaya, hich te bin ut'il la yalbat te Jehová te Dios yu'un te ame'atatique; ma me xiwat soc ma me xpehc'aj awo'tan, xchihon.

Deuteronomio 31:8

Te Jehová ya xnahilij bahel awu'un, ya sjoquinat, ma ba ya yihquitayat soc ma ba ya spihtesat; ma me xiwat soc ma me xpehc'aj awo'tan, xchi.

Deuteronomio 7:18

ma me xaxi'. Na'a me ta lec te bin la spas Jehová te Dios awu'un ta stojol faraón soc spisil Egipto;

Deuteronomio 7:21

Ma me xlaj awip yu'un xiwel ta stojolic, como ay ta awohlil te Jehová te Dios awu'une; ha Dios te mero muc' soc te ay ta xi'el.

Josué 1:9

Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

Josué 10:7

Ha yu'un te Josué hahch bahel ta Gilgal soc spisil winiquetic yu'un guerra soc spisil te winiquetic te ay yip yo'tanique.

Josué 10:8

Te Jehová la yalbe te Josué: Ma me xiwat ta stojolic, como ho'on la jca'batix ta ac'ab, mayuc jtuhluc ya stsalat, xchi.

Josué 2:24

Hich la yalbeyic te Josué: Te Jehová ya'beyejotiquix ta jc'abtic spisil te q'uinale; soc spisil te mach'a nahinemic tey a lajemiquix ya ya'iyic yu'un xi'belotic, xchihic.

Josué 6:2

Te Jehová la yalbe te Josué: Ilawil, la jca'batix ta ac'ab te Jericó, te ajwalil yu'un soc te swinic yu'un guerra.

Josué 7:9

Como te cananeohetic soc spisil te mach'a nahinemic ta q'uinal ya me ya'iyic, ya me sjoytayotcotic soc ya me stup'botcotic jbihilcotic ta bahlumilal. ¿Bin yac apas hiche yu'un te smuc'ul abihile? xchi.