Josué 7:6 - Bible in Tzeltal Bachajón

⁶ Ha yu'un te Josué soc te mamaletic yu'un Israel la sch'i' sc'u'ic yu'un soc la spahcan sbahic ta lum ta stojol te scaxahul te chapbil-c'op yu'un Jehová yalel c'alal ta stibiltayel, soc la yaq'uic tan ta sjolic.

Bible in Tzeltal de Oxchuc y Tenejapa

⁶ Te Josué soc te mamaletic yich'oj yat'elic yu'un Israel, la xch'i' sc'u'ic yu'un, la yaq'uic tan ta sjolic swenta seña xc'uxul mel-o'tan, soc la stinan sba coel c'alal ta lum ta stojol te cajón yu'un te Cajwaltic, ja' to c'alal ch'ay bael te c'aale.

Josué 7:6 ပူးပေါင်းရင်းမြစ်များ

Génesis 37:29

C'alal tal ta ch'en te Rubén ma ba la sta tey a te José, la sch'i' sc'u' yu'un.

Génesis 37:34

Hich te Jacob la sch'i' sc'u', la slap ch'ixal pac', bayel c'ahc'al la yoq'uetay te snich'ane.

2 Samuel 1:11

Ha yu'un te David la stsac sc'u', la sch'i'; hich nix la spasic te winiquetic sjoquinejic.

2 Samuel 1:12

La smel yo'tanic, oq'uic soc la scom swe'elic yalel yihc'ubel q'uinal yu'un te Saúl soc te Jonatán te snich'an, soc yu'un te soldadohetic yu'un Jehová soc te pueblo yu'un Israel, te bin ut'il lajic ta milel ta espada.

2 Samuel 1:2

ta yoxebal c'ahc'al c'oht jtuhl winic te hahch tal ta campamento yu'un Saúl, ch'i'emtic sc'u' spac' soc ya'tinej ts'u'lum sjol a. C'alal c'oht ta stojol David, la spahcan sba ta lum scuenta yich'el ta muc' te David.

2 Samuel 12:16

Te David tulan la sc'opon Dios yu'un te alale, la scom swe'el, och ta sna, metsel ta lum a c'ax yu'un te ahc'abal.

2 Samuel 13:19

Te Tamar la yac' tan ta sjol, la sch'i' te snahtil-c'u' slapoj, la yac' sc'ab ta sjol, yac ta aw bahel.

2 Samuel 13:31

Ha yu'un hahch te David, la sch'i' sc'u' soc la smehtsan sba ta lum. Spisil te a'batetic yu'un te sjoquinej ha nix hich la sch'i' sc'u'ic.

2 Reyes 22:11

C'alal la ya'iy te ajwalil te bin ya yal te libro yu'un te Ley, la sch'i' sc'u' yu'un.

2 Crónicas 34:19

Te c'alal la ya'iy te ajwalil te bin la yal te libro yu'un te Ley, la schi' sc'u' yu'un.

Esdras 10:1

C'alal yac sc'opombel Dios a te Esdras soc ta yalel te mulil, ta oq'uel soc ta squejanel sba ta stojol te Templo yu'un Dios, bayel israeletic c'oht sjoy sbahic ta stojol, ha winiquetic, antsetic soc alaletic; yaquic ta tulan oq'uel.

Nehemías 9:1

Ta chaneb scha'winic (24) c'ahc'al ta u nix a, te snich'nab Israel la stsob sbahic yu'un ya scom swe'elic, slapojic pac' yu'un mel-o'tan soc yac'ojic ts'ubil lum ta sjolic.

Ester 4:1

Te c'alal la ya'iy te Mardoqueo te bin c'ohtix ta pasel, la sch'i' sc'u' yu'un, la slap pac' yu'un mel-o'tan soc la yac' stanul c'ahc' ta sjol, la sbehentay te pueblo, yac ta tulan aw.

Ester 4:3

Soc ta spisil ta jujusehp q'uinal te banti c'oht te mandaril yu'un te ajwalil ay bayel mel-o'tan ta stojol te judiohetic, la scom swe'elic, ay oq'uel soc xjuyetic ta oq'uel; bayel wayic ta stanul c'ahc' soc ta ch'ixal-pac'.

Job 1:20

Ha yu'un te Job la stehc'an sba, la sch'i' snahtil-c'u', la sjoch stsotsel sjol yu'un, la squejan sba ta lum, la sch'uhuntay,

Job 2:12

C'alal namal to ayic a, la shach sitic, ma ba la sna'beyic sba te Job, hich hahchic ta tulan oq'uel. Jujutuhl la sch'i'ic snahtil-c'u'ic, soc yoxebalic la sbuhquiyic mohel ts'u'lum ta sjolic.

Job 42:6

Ha yu'un ya quihlay jba soc ya jsuhtes co'tan ta ts'u'lum soc ta tan, xchi te Job.

Lamentaciones 2:10

Te mamaletic yu'un te yantsil-nich'an Sión ya shuhcan sbahic ta lum soc ma ba ya xc'opojic; ya yaq'uic tan ta sjolic soc ya slapic pac' yu'un mel-o'tan. Te ach'ixetic yu'un Jerusalén ya snijan sbahic c'alal ta lum.

Números 14:6

Te Josué snich'an Nun, soc Caleb snich'an Jefone, te ha c'ohtic ta stsahtayel te q'uinal, la sch'i'ticlan sc'u'ic yu'un,

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

Números 16:45

Loc'anic bahel ta stojol te pueblo ini, ya me jlajin ta ora, xchi. La spahcan sbahic ta lum yu'un.

Hechos 14:14

C'alal la ya'iyic te jpuc-c'opetic Bernabé soc Pablo, la sch'i' sc'u'ic yu'un soc la sten ochel sbahic ta yohlil te ants-winiquetic, hich la yalbeyic ta aw:

Josué 7:7

Hich la yal te Josué: ¡Ay, Cajwal Jehová! ¿bin yu'un la awac' te c'ax ta Jordán te pueblo ini yu'un yac awac'otcotic ta sc'ab te amorreohetic yu'un ya slajinotcotic? ¡Ha lec te teyuc hilotcotic a ta jehch ha' Jordán!

Apocalipsis 18:19

Ya me sbuhquiylanic mohel ts'u'lum ta sjolic, ya me xhahchic ta oq'uel soc ta mel-o'tan, hich me ya yalic ta aw: ¡Obol sba, obol sba te muc'ul pueblo, te banti spisil mach'atic ay barcohetic ta mar la sta sc'uhlejalic ta scuenta te sc'uhlejale! ¡Ta junax ora jc'axel jihn! xchihic.

Jueces 11:35

C'alal hich la yil, la sch'i' sc'u' yu'un, soc hich la yal: ¡Ay, cantsil-nich'an, ta mero melel la awa'bon jwocol! Ha'at nix ta acuenta te ay bin c'ux ya ca'iy, yu'un ay bin la jcal ta jamal ta stojol Jehová, ma xhu' ya jsut te jc'ope, xchi.

Jueces 20:23

yu'un te snich'nab Israel mohemiquix bahel soc oq'uic ta stojol Jehová c'alal ta yihc'ubel q'uinal, soc la sjoc'obeyic te Jehová: ¿Ya bal suhtotcotic ta ya'beyel guerra te snich'nab Benjamín te quermanocotic? xchihic. La sjac' te Jehová: Bahan, a'beyahic guerra, xchi.

Jueces 20:26

Ha yu'un spisil te pueblo Israel bahtic ta Bet-el. Tey oq'uic soc huhcajic ta stojol Jehová, la scom swe'elic c'alal yihc'ubel q'uinal soc la ya'beyic Jehová scohtol chic'bil mahtaniletic soc mahtaniletic scuenta lamal q'uinal.

Jueces 21:2

Te pueblo tal stsob sbahic ta Bet-el, tey halajic ta stojol Dios a ha to c'alal ihc'ub q'uinal, tulan la yoq'uetay sbahic, hich la yalic:

1 Samuel 4:12

Loc' ta ahnel ta guerra jtuhl winic yu'un Benjamín, c'oht ta Silo ta yorahil nix, ch'i'em sc'u' soc ay ts'u'lum ta sjol.