Josué 7:3 - Bible in Tzeltal Bachajón

³ Te c'alal suhtic tal hich la yalbeyic te Josué: Ma fuersahuc ya xmohic bahel spisil te pueblo; ta cha'mil o oxmiluc winiquetic ya xhu' ya stsalic te Hai; ma xawa'be swocol ta lubel spisil te pueblo te ya xbahtic tey a, como mayuc bayelic, xchihic.

Bible in Tzeltal de Oxchuc y Tenejapa

³ Te c'alal sujt'ic tel, la yalbeyic te Josué: —Ma puersauc ya xbajt'ic spisil, ac'a bajt'uc cha'miluc, oxmiluc, tic' nax ya cu'unintic a te lume. Ma me x'aticun bael spisil, melel te yajwal Hai, ma'yuc tsobolic —xiic julel.

Josué 7:3 ပူးပေါင်းရင်းမြစ်များ

Proverbios 13:4

Te mach'a ch'aj, ay bin ya sc'an, pero mayuc bin ya sta, yan te mach'atic ya ya'telinic bin ya sc'an pasel, ya xp'ohl bintic ay yu'unic.

Proverbios 21:25

Te mach'a ch'aj, ya xmilot yu'un te bin ya sc'an yo'tan, como ma sc'an a'tel te sc'abe.

San Lucas 13:24

Ac'ahic fuersa ta ochel bahel ta banti tut nax sjamalil te ti'nahile, como ya calbeyex te ay tsobol mach'atic ya sc'an ya x'ochic tey a, pero ma ba ya xhu' yu'unic.

Hebreos 4:11

Ha yu'un ac'a me cac'tic fuersa te yacuc x'ochotic ta banti ay te cux-o'tanil, scuenta yu'un mayuc mach'a ya xyahl ta scuenta sc'axuntayel c'op hich te bin ut'il la spasique.

Josué 7:2

Patil te Josué la sticon hahchel winiquetic ta Jericó, bahtic ta Hai te nopol yiloj sba soc te Bet-avén, ta stojol sloq'uib c'ahc'al yu'un Bet-el, hich la yalbe: Mohanic bahel ta stsahtayel te q'uinale, xchi. Hich bahtic ta stsahtayel tal te Hai.

Josué 7:4

Ha yu'un ay wan j'ohlil swaxacbahc' (3,000) winiquetic te mohic bahel tey a, pero ahnic loq'uel ta stojol te mach'atic ayic ta Hai.

2 Pedro 1:10

Ha yu'un, quermanotac, ac'ahic xan fuersa te smelelil ya xc'oht te iq'uel soc te tsahel awu'unic, como teme hich yac apasic, ma jaymehl ya xyahlex.

2 Pedro 1:5

Ha yu'un ac'ahic fuersa te ya snuhp'in sba soc te sch'uhunel awo'tanic soc te lec atalelic; teme lequix te atalelic, ya sc'an te ay bintic yac ana'ic;